::: مـنتدى قبيلـة الـدواسـر الـرسمي ::: - قصة مصوره عنوانها امحق فزعه هههههههههههه

كان ياما كان في قديم الزمان
يعني يوم الخميس 29\11\1429
فيه واحد جاي من وادي الدواسر
وده يتفرج على السيول في صبخة القصب
اللي تجيك قبل القصب على اليسار وانت جاي من الرياض
المهم الرجال وقف سيارته على جال البحيره ونزل يتمشى

]

مادري الا الماء وصل سيارته
حاول يطلع لكن الجيب يقول اتحداك تطلعني
كفراته صارت تدور في الطين

http://farm4.static.flickr.com/3282/...9e370373_o.jpg

المهم ترك سيارته تسرح وتمرح في الطين ويوم جاك الصبح ...ويفزع له راعي حراثه
وحاولت الحراثه سحب الجيب لكن هذه النتيجه

http://www.mekshat.com/pix/upload02/images89/mk18297_a4

ومن جهة أخرى

http://farm4.static.flickr.com/3207/...c11ce1b9_o.jpg
تلاحظون الزمزميه ؟؟
شكلهم وسعوا خطرهم عند الحراثه :)

http://farm4.static.flickr.com/3279/...9a938b06_o.jpg
مسيكينه هالحراثه
راحت فيها

هالحين الحراثه تقول

طلعوووووني وش لقفني اجي فيذا

المهم أشروا لراعي سكس على الخط وجا يبي يسحب الحراثه
وكانت هذي النتيجه

وهذي صورة ولاحظ قرب خط الزفلت
وعرفوا ان الموضوع يبي يطول والدليل ترمس المويه!!

http://farm4.static.flickr.com/3057/...353ab3b8_o.jpg

قالو مابدهاش لازم نجيب دركتل
لكن شوفو وش صار

http://farm4.static.flickr.com/3063/...d4ac1883_o.jpg
من شفت الطاسه اللي حاطها ورى وانا غاسل يدي

قامت الحراثه تضحك
قالت (قيت لك ياعبدالمعين عوزك تعيني لئيتك ياعبد المعين عاوز تتعان) <-- طبعاً باللهجة المصرية لانها عايشة بين صعايده:)

http://www.mekshat.com/pix/upload02/images89/mk18297_a5
المهم قالو الحل الأخير هو الاتصال بالدفاع المدني وقامو وزينوا الشاهي بعد ما خلص الشاهي اللي في الزمزميه
وقعدو يتقهوون بالبريق اللي قدامكم
وفعلا جا الوايت علشان يسحب هاللي غاطسين

وشوفوا وش صار

http://farm4.static.flickr.com/3273/...9b5de710_o.jpg
http://farm4.static.flickr.com/3032/...659f1c08_o.jpg

وتركو الجيب والحراثه والسكس والدركتل
وحاولوا يطلعون الوايت

شكل السواق توهق وانواع الجزاءات بتطبق عليه

http://www.mekshat.com/pix/upload02/images89/mk18297_a1

وحاولوا كثيراً بدون فايده

يوم انهم عجزو قالوا ما يفل الحديد الا الحديد

جيبوا ابو جنزير

ويجيك يتمخطر ويضحك على هاللي غاطسين
http://farm4.static.flickr.com/3285/...c92ab8d4_o.jpg

لكن جاه ماجا ربعه:)

تعلق اخينا في الله وقال هذا مكاني

وجابوا عمال البلدية يحفرون له وحطو له خشب يبونه يطلع لكن ما فاد

وبعد ما استفادو من الدرس اللي تكرر عليهم في الجيب والحراثه والسقس والدركتل والوايت وابوجنزير
قررو يسحبونها من بعيد

ربطوا عدة وايرات في بعض وطلعو ابو جنزير ويقواون ان الدركتل اللي سحبه على الزفلت
هههههههه الصبخة ما يلعب معها على الزفلت وعساك تسلم:)

ثم سحبو الدركتل

http://farm4.static.flickr.com/3026/...7b7a3bce_o.jpg
والحمدلله على السلامه

هذي صورة للموقع من بعيد

http://farm4.static.flickr.com/3270/...51a073ab_o.jpg

يستفاد من الموضوع
1- لاتهايط اذا شفت السيل:)
2- حاول تستفيد من اللي توهقوا قبلك:)
3- مهوب كل من اتصل بالدفاع المدني يبي يطلع :)