هذا ماحدث يوم الأربعاء في السعودية ؟؟؟ قصة محزنة

[معلومات العضو الـحـمـامـة]

السلام عليكم ورحمة الله وبركاتة:


هذا ماحدث في يوم الاربعاء لبنات في حي العليا !!!


فاطلبو لهم الرحمه:
يقول الشاب:






كنت في منطقة العليا بمدينة الرياض وكنت على

موعد مع صديقي على العادة كل اربعاء يمرني بعد صلاة العشاء نتمشى الى

الساعة عشر ونتعشى وبعد العشى نمر نستأجر افلام ونروح البيت ونسهر

عليهم الى صلاة الفجر وفي هذا اليوم اختلف البرنامج تماماً مرني صديقي

وطلعنا وسوالف وقال بمر المملكة والفيصلية اللي هي قريبة

شارع التحلية قلت له لا تروح هناك قال يا رجال نتفرج لاحول قلت اليوم

اربعاء وزحمة واكيد فيه هيئة قال وش علينا كل العالم تروح المهم رحنا

دخلنا السوق وكان مزحوم وكانت الهيئة موجوده وبشكل كبيرة اكثر من سيارة

المهم أخذنا لفة وحدة وكان قلبي مش مرتاح قلت فيه شي او راح يصير لنا شي

وانا من النوع أحس اذا فيه شي ودايم سبحان الله يطلع احساسي صحيح المهم

وحنا في اللفه الثانية رحنا مع شارع كله محلات راقية وهناك لقينا سيارتين للهئية

واقفين متخفين بعيد وكأنهم يراقبون احد المهم قلت لخويي قلبي قابضني فيه

شي بيصير لا تترك الشارع هذا خذ لفة ثانية المهم وحنا في اللفه الثانية الا

الشارع
فيه زحمة وصوت كلام عالي ومانشوف شي سيارات زحمة

والسيارات واقفه قلت افتح الباب واوقف المهم

فتحت الباب ووقفت لقيت واحد من الهيئة يصارخ

على اربع بنات ووحدة منهم هي اللي تصارخ عليه وتتكلم معاه وشوي وهو

يقول لها ما اقدر امد يدي عليك خليها تجي بالطيبه وهي تقول انت خليت فيها

طيبة المهم قال شغلك معاي قالت له البنت

اسبق خيول ابوك اركبه واذا انت رجال الحقني المهم ركبوو السيارة وهو يقول

لأخوياة وراهم ولا تتركونهم وقمنا حنا لفينا يمين ورحنا نتفرج طلعت السيارات

اللي شافت الزحمه وانطلقت السيارة اللي فيها بنات ومسرعين على شارع التخصصي

ووراهم سيارتين حقت الهيئة وحنا ومعانا سيارات زحمة نلحقهم المهم السيارات

في سرعة عالية مرة

وهنا يبان لنا انها مطاردة ياساتر على السرعة وانا خويي ال*** اقول هدي

السرعة وانا خايف من جد لان صديقي اندمج وهو يلحق السيارات وانا يا فلان

اتركهم وش علينا منهم وهو هذا تخصصه يحب يشوف علشان العالم كلها تدري

صاير(واس) المهم وحنا وراهم وجاء الدوار الكبير حق الثمامة وكل السيارات

مسرعين والسيارة اللي فيها البنات

اول سيارة في المطاردة وشوي وفي الدوار يالله سرعة جنونية وسيارة الهيئة

وراهم نفس السرعه وقرر يجي جمبهم سواق البنات تفجئ من جد وشوي الا هو

فوق الدوار وتنقلب سيارة البنات ومن جمب الدوار وتنقلب وتطلع من الجهة

الثانية وهنا في بنت من قوة الانقلاب طلعت من السيارة بدون عباء

واخيرا وقفت السيارة بعد اربع قلبات وسيارة الهيئة صدم في الدوار ولا انقلب

وانا هنا وقف شعر راسي وجاتني مثل الدوخه وخويي وقف سيارته نزل قلبه

قوي وانا قلبي قوي بس منظر البنت سبب لي مشكلة لمدة سنة تقريباً اذا ذكرت

الموقف المهم شوي ونزلت ورى صديقي وعاااااااااالم واقفين واللي يسوق

سيارة الهئية واقف منبهر يبكي وحاط يدينه على راسه وبعض الشباب جزاهم

الله خير يبون يشيلون البنات قمت انا وكم واحد غطيناهم ما ندري هم أحياء

أموات وبالصدفه نزل واحد كان مع زوجته وولد صغير طلع دكتور وجاء مسرع

وبقلب قوي وقام يكشف على وحده وحدة ويمسك يدها ومن بنت الى بنت واخر

شي راح للبنت للي طلعت اثناء الانقلاب وقام من عند البنت ووقف الدكتور

والعالم كلها تناظر فيه ونزل راسه قال الله يرحمهم هنا العالم انبهرت وترحمو

عليهم وقمنا وغطيناهم بعض ما كشف الدكتور وشوي الا جاء واحد يطالع في

سيارة البنات يمين شمال وراح من هنا ومن هنا وراح وشاف رقم اللوحة وقام

يبكي قال له واحد تعرفهم قال لا يقربوون لي

قال له تعوذ من الشيطان يمكنك غلطان قال لا يقربوون لي قال اكشف على

وجيههم قام كشف على وجة بنت بنت من وحدة الى حدة وعرفهم

















طلعو البنات الاربع :-

وحدة بنت السبيت
والثانية بنت الهاص
والثالثة بنت الديمن
والرابعة بنت الشيرياء
بنات ورقة اللعب حقت البلوت


تعيشووووووووووون وتاكلووووووووووون غيرها

 

 

 

 

[معلومات العضو أبو سعود الودعاني]

هع هع

محتمسسسسسسسسس


مع القصه


وفي الاخير تسحيبه

هع هع هع

يسلمووووووووووا


تقبلي خالص ودي

 

 

 

 

[معلومات العضو محمد ال مطيلق]

ههههههههههههههه

مشكور على القصه الظريفه

 

 

 

 

[معلومات العضو صاحب السمو]

ههههه والله متحمسـ للاخر ,. لاهنتيـ على المقلب يالكريمة الحمامه .,.,

 

 

 

 

[معلومات العضو الـحـمـامـة]

تعيشون وتاكلون غيره ههههههههههههه

 

 

 

 

[معلومات العضو السيف دايـم]

من زود الحماس

اقول وش بنت السبيت..ههههههه

 

 

 

 

[معلومات العضو الشقرديه]

والله متحمسه معها واكلنا المقلب
هههههههههههه
الشقرديه

 

 

 

 

[معلومات العضو بنت الاشراف]

حرام عليكي والله اني اتحمست
بس حلوه التسحيبه

دمتي بود

 

 

 

 

[معلومات العضو abuadeeb]

الحمامة ................ما انت حمامة سويت لنا ازعاج ورجف قلوب !!!!!!!!!!!!!!!!!ههههههههههههههههههههههههههههههههه هههههههههههههههههههههههههههه

 

 

 

 

[معلومات العضو al5nsaa]

ههههههههههههههههههههههه
حرام عليك شوي وابكي
واخر شي مقلب

ومشكور وماقصرت

 

 

 

 

[معلومات العضو الـحـمـامـة]

اشكركم على المرور وقبل لايصير فيكم انتو المقلب صار فيني انا ههههههه عشان جذي حبيت تقرونها وتستمعتون معاي :>

 

 

 

 

[معلومات العضو فيصل بن جزاء]

حرام عليكي والله اني اتحمست
بس حلوه التسحيبه

دمتي بود