يا احمد الشوعي تعال ابغيك راس لراس

[معلومات العضو ماجد الدوسري]

خلوووووووووووووووووووها ، والله يحييكم جميع ويحيي ابو شوعي وعسى الله يجيبه بدري:

سلام يالابتي وربوعي = ياهل الكلام الصامل المسموعي
بالله نادو لي احمد شوعي = ماضاع حق من وراه مطالب
يا احمد الشوعي تعال ابغيك راسٍ لراس = انت شاعر مخضرم خابرك قدّها
إقرب إقرب هنيّا لا يجيك النعاس = مد يمناك صوبي مدّها مدّها

 

 

 

 

[معلومات العضو عبدالرحمن الشرافي]

الله الله


عسى الله يجيب احمد شوعي بدري ...

كان معي قبل شويء وخرب عليه الكمبيوتر .. وراح يصلحه في دهم


وصح لسانك يا ماجد على هالمحراف الرائع


وانا بالصف


الليييل

 

 

 

 

[معلومات العضو شوق2]

	وعليكم السلااااااااااااااااااااااام صح السااااااااااانك ياماجد0 وعسى الله يجيب ابن شوعي 0 ونتعلل معكم بمحاوره جميله راقيه 0ومايمنع ان يكون بها بعض العجه0 تحيتي لشخصكم الكريم والليل الليل 0

 

 

 

 

[معلومات العضو أبونواف الدوسري]

ياهلا فيك ياماجد يا ابن العم وأخوي عبد الرحمن الشرافي وأبنيتي شوق2

عسي الله يجيب أحمد الشوعي

أنا معاكم بالصف

 

 

 

 

[معلومات العضو احمد شوعي]

مرحبا الف بالجميع

ماجد انا علمتك من امس كمل بدايتك وانشاء الله نكمل على هذا الطرق

ارجع للاول

لا بد ما اكمل خاصه بعد ابيات الشاعر / مصعب اللي بعدها حسيت اني ضعيف

الله يسامحه والله لو اني مخطي بحقه عذرته لكن ما الومه كبده تبرض وهو على فاله

وانا على فالي

يالله يام قحم ارجع للطرق الاول وكمل وبعدها هذا.

 

 

 

 

[معلومات العضو ماجد الدوسري]

عبدالر حمن الشرافي ، شوق 2 ، ابو نواف الدوسري

اسعدني تواجدكم وحضوركم لكن خربها ابو شوعي وشكله مكثّر من التخزينة ولاعاد يدري وين يلعب هنا ولا هناك ، مع إني جاي هنا الليلة بناء على طلبه في محاورتنا السابقة بس مدري شفيه غير رأيه!!

 

 

 

 

[معلومات العضو احمد شوعي]

ايه ياماجد

السلامه السلامه

تبداها ثم تغيرها

ليه ماكملت على الطرق الاول وبعده نلعب على اي طرق تبي

وانا اكدت عليك امس لكن انت حر

على العموم فرصه سعيده والله لايهين اللي تابع وكان ودي تكمل لكن....

وانا لا زلت احسن الظن بالجميع حتى يتبين عكس ذلك.

النوايا سليمه والحقايق ثوابت=والمساري بعيده مير مامن ركايب
تونا بالبدايه والمحاريف شابت=يالله اني دخيلك اكشفته النوايب
ما شتلنا النوايا بين صابت وخابت=قد نصحني حكيم وقلت مانيب تايب
له رجاوي ولي مثله وهالنفس طابت=لو ترادم قنوفه ثم تهل السكايب
دام بذر الشكوك باجرد الخد نابت=باصرمه في يميني ساتر للمعايب

 

 

 

 

[معلومات العضو ماجد الدوسري]

ياشوعي أنا داري إن التخزينة ماخذه حقها.... ألحين انا البارح طلبتك وانت اعتذرت وقلت مشغول مع

ثنين من الشعار وخلها لباكر ... قمت أنا وتأسفت لك لأني مادريت إنك مشغول وقلتلك خلاص وعدنا

بكرة وترى القاف ( حق البارح ) انتهى مما يعني أنني سأبدأ بقاف جديد (اليوم) وسبحان الله ماعرفتلك
قمت أنت ورديت على قافي البارح في نفس الوقت وخالفت كلامك.

وبعد ماجيت اليوم ونزلت قافي بالموال طلعتلي وقلت لي : لا . رح للقاف حقنا أول وكمّل عليه ولا

عصيتك ورحت وكملت عليه الساعة 12.45دقيقة بعد منتصف الليل ، وانت طال عمرك تجي هنا في

هذه الصفحة وتطالبني الساعة 1.2صباحاً وتقول لي ليش مارديت على قافنا الأول حق (المعركة) مع

إنني راد عليه بناء على طلبك.

ما أدري وش أقول لك ياشوعي ...لكن على كل حال تبقى احمد شوعي الدوسري مهما حاولت تغيّر.

وبالنسبة للأبيات أعلاه.. اللي انت حطيتها اشوف مالها داعي إنك تنزلها هنا وأشوف إن مالي داعي

أرد عليها وعساك تسلم على كل حال...

وبالنسبة للرسالة اللي أرسلتلي على الخاص تراها وصلت في وقتها وحاولت الرد عليك ولكن!!! يجيني

رسالة يقول إنك أنت ياشوعي مانع خاصية استقبال الرسائل . ولا أدري وش السبب.

لاهنت على ظنّك (الطيّب) بأخوك ماجد وشكرن لك

 

 

 

 

[معلومات العضو احمد شوعي]

الله يا ماااااجد !!!!!!!!!!!!!!!!

صرت مثل بعض العرب يحسب كل شي يكتب ضده

ما انت المقصود ياخووووووووووك خلك وسيع بطان

وان كانه يعرف المعاني اللي منوي فيها ابيه يقدحها من راسه ويطلب شوعي

انا ما اهدد ولا اتوعد لكن اجرد الخد ميدان وكل حسب قدرته بياخذ

وانت تعرفني زين لو انها لك كان ارسلتها لك خاااااااص مثل الرساله الاولى

حاول تفهم ياخي اقول واكرر انك استاذ لي مهما صار وقدرك على راسي

من فوووووق .

وهذي الابيات لك اهداء خاص لك ولك دوسري على وجه الارض

من غير قصور بالجميع

وللعلم انها قليله بحق قبيلة عريقه كقبيلة الدواسر ولكن الجاي اطيب

باذن الله ولو كنا مقصرين معكم يالدواسر.

( وهي جزء من كل )

للود بسمه وللمشاعر اناشيد=وللشوق لهفه وللمواصل وعايد
وللطيب نخوه وللمواقف صناديد=وللعز هيبه وللحمايا وقايد
وللمرجله حظوه وللعلم توكيد=وللصيت شاره وللمعالي شرايد
وللفخر رايات وللشرف سيد=شرواك يامنتب قروم وولايد
اللابه اللي دوم في فعلها تزيد=ياسعد منهم محزمه بالشدايد
يقوم حظه لأعتزا دون ترديد=تكفون يالظفران يالآد زااااايد

 

 

 

 

[معلومات العضو أبونواف الدوسري]

الأخوان ماجد الدوسري وأحمد الشوعي

عسي الله يوفقكم ويسعدكم ويسدد خطاكم

لكم تقدير وأحترام أخوكم أبو نواف الدوسري

 

 

 

 

[معلومات العضو عبدالرحمن الشرافي]

المشاركة الأصلية كتبت بواسطة احمد شوعي

[SIZE="5"]

للود بسمه وللمشاعر اناشيد=وللشوق لهفه وللمواصل وعايد
وللطيب نخوه وللمواقف صناديد=وللعز هيبه وللحمايا وقايد
وللمرجله حظوه وللعلم توكيد=وللصيت شاره وللمعالي شرايد
وللفخر رايات وللشرف سيد=شرواك يامنتب قروم وولايد
اللابه اللي دوم في فعلها تزيد=ياسعد منهم محزمه بالشدايد
يقوم حظه لأعتزا دون ترديد=تكفون يالظفران يالآد زااااايد

لله درّك يا ابو شوعي



بيض الله وجهك

 

 

 

 

[معلومات العضو شوق2]

	هه قلبت صلحه ؟؟؟؟؟؟؟؟؟؟؟؟؟ صح السانك يالشوعي والسانك ياماجد وبيض الله وجيهكم 0 ولكم جزيل الشكر وعظيم التقدير

 

 

 

 

[معلومات العضو (( بعيد الهقاوي ))]

يا احمد الشوعي تعال ابغيك راسٍ لراس == انت شاعر مخضـرم خابـرك قدّهـا

شاعرنا الكبير واستاذي

الاخ ماجد


الشطر الاول يختلف عن باقي الابيات ؟؟؟؟؟؟

 

 

 

 

[معلومات العضو ماجد الدوسري]

المشاركة الأصلية كتبت بواسطة (( بعيد الهقاوي ))

شاعرنا الكبير واستاذي

الاخ ماجد


الشطر الاول يختلف عن باقي الابيات ؟؟؟؟؟؟

(( بعيد الهقاوي ))

(يابن شوعي تعال ابغيك راسٍ لراس )

هذا ماحاولت تعديله من ليلة البارحة ، ولكن لم أستطع وانشغلت بالرد في أكثر من موضوع وأشكرك على ملاحظتك الدقيقة ، علما ان الشطر اللي انا غيرته موافق لبقية الأبيات لكن فيه ثقل بسيط وهذه الملاحظة سبق أن وصلها الأستاذ شوعي جعله يسلم على الخاص). وكلكم أساتذة وهذا التصحيح ماينقص من قدركم عندي بل يزيده ويزيده وشكرن لكم.

 

 

 

 

[معلومات العضو ماجد بن رويه]

السمي الشاعرماجد الدوسري

مرّيت وقريت العجب العذب

منك ومن الشاعر احمد شوعي


قصيد جزل +روح رياضيه= ثقه يالسمي


تقبل تحياتي وبلغ ابوشوعي السلام