تنبيه مهم لمرتادي المنتدى الرياضي (( هام جداً ))

[معلومات العضو عبدالله آل بريك]

السلام عليكم ورحمة الله وبركاته

كيف حالكم يا شباب أربكم بخير وشحالكم بعد حذف الموضوع

هههههههههههههههههههههه

المهم جاء اتصال بيني وبين احد أعضاء الأداره

وتناقشت معهم في الأمر وتبون الصراحه معهم حق في حذف الموضوع

لأن جاء فيه لعن وسب وشتم

انا عارف انكم بتقولون عادي وبالعكس ما بيننا شي

انا فاهم وضعكم يا شباب

لكن انا لما احط المواضيع تكون بيننا عيارات خفيفه وخاصه عارفها بعض الشباب

(( عز الوداعين / الخيلاء / وووو )

المهم انا أعتذرت للأداره وقلت لهم اني راح اكون المسؤوال الأول والأخير امامهم

و أنا أرجوا انكم ما تقولون عبدالله تغير وعبدالله صار مسوي فيها

لا لا لا لا لا أنا مثل ما انا هلالي و قاعد لحلوق النصراويه

لكن أرجوا من الله ثم منكم عدم السب والشتم يا شباب

تناقشوا بينكم مثل ما كان من أول يعني مثلاً يالفقراويه أو الزعيق وغيرها

لكن توصل للزبايل وغيرها لا لا لا لا

لأن يا شباب في ناس اكبار تدخل المنتدى وتشوف وش أنتوا كاتبين

أخيراً كل واحد من اللحين يحب خشم الثاني ويعتذر له عن اللي صار

و أن شفتكم ثاني مره مسوي حاجه جبت الخيزران و وريتكم الشغل كيف

ههههههههههههههههههههههه

يا انا بجلد الخيلاء جلد ههههههههههه

المهم حبيت أنبهكم و تكونون امام الأمر الواقع

و أنها تجي مني ولا من غيري لأني فاهمكم و انتوا فاهميني

و أنتظر ردودكم انت وياه لا أشوف واحد داخل يشوف ويطلع

لا أبي رآيكم علشان أكون همزة وصل بينكم وبين الأداره الكرام

وتقبلوا خالص التحايا من

الهلالي المتعصب ههههههههههههه

 

 

 

 

[معلومات العضو عز الوداعين]

أخوي عبدالله ألف شكر لك على هذا التنبيه ،،

وأحب أن أقدم اعتذاري لاخوي الخيلا الدواسر لما بدر مني على الجماهير النصراويه ,,

وأنمنى أن يقبل اعتذاري وإنا أخوان وأبناء عمومه ماتفرقنا كوره ..

وأعيد واكرر اعتذاري وآسفي لاختي (الريم) وأتنمى تقبلي اعتذاري ويشرفنا وجودك معنا في المنتدى ..

.............................

عبدالله والله إنك أساس المشاكل كلها

هههههههههههههههههههه

ألحين أنت ليش تنزل مواضيع فيها حساسيه بينا وبين أشقائنا النصراوييين

والله خربت علاقتنا مع اخواننا النصراويه

يالله لازم نسوي عقد صلح مع النصراويين (الفقراويين ) <<<< الله يسترر مايزعلون

وأنت اللي تسويه لنا ماناب ناقصين مشاكل

ههههههههههههههههههههههه

تقبلو احترامي وتقديري ..

أخوكم محب الزعيم

ومحب العالمي <<<< ايييه هين

 

 

 

 

[معلومات العضو ابن وتيد السباعي]

ياروحي يالروح الرياضيه والكلام الي زي العسل

وما صار الا الزين كلن يصلح موتره

ههههههههههههه

 

 

 

 

[معلومات العضو عبدالله آل بريك]

أولا مشكوووووورين اخواني الغاليين (( عز الوداعين / ابن وتيد ))

وما فيه مشاكل أن شاء الله لكن ان حبين أنبه

وتعال يا عز الوداعين وش دخلني أنا تبي تقلبها علي

ههههههههههههههههههه لا تخليني أقلب نصراوي

ههههههههههههههههههههههه

المهم هاذي الروح اللي كنت عارفها فيكم ولكن مهما صار ومهما كان فحنا يد وحده

ولكن الأصابع ما هي سوى >>>> (( يبي سيبب مشكله مره ثانيه ))

ههههههههههههههههههه

المهم انا ما شفت الخيلاء يالربع لا يكون أغمى عليه بعد التعادل مع الفيصلي

هههههههههههههههههههههه

الله يعينهم على فريقهم والله أنه راح فيها النصر


وتقبلوا خالص التحايا

 

 

 

 

[معلومات العضو محمد بن الأشيب الغريري]

والله كلامك عين العقل ياعبدالله

حلووووو التنافس لزيادة الحماس والتفاعل

ولكن بحدود الادب والاحترام المتبادل نعم اختلف معك بس مافيه مشاحنات او زعل!!!

وما نقول الاّ الله يوفقنا ويزيد تلاحمنا ومحبتا مع بعض .

بس ارجع واقول ترى التنافس حلووووووووووووو خاصةً التعليقات على فارس نجد






وللجميع ازكر التحايا








اخوكم / ابن غرير

 

 

 

 

[معلومات العضو ناصر الودعاني]

كلكم اخوان وعيال عم بس هذي الكوره تخلي الواحد يطلع عن طوره ويقول كلام وبعدين يندم عليه
يعني مره كنت اشوف مباراة الارجنتين والبرازيل وانا ارجنتيني متعصب فازوا علينا البرازيل وحذفت التلفزيون بالطفايه وانكسرت الشاشه كنت مهستر
وبعد ما هديت قلت انا ليش كسرته قلت انا شكو فيهم فازوا ولا خسروا
وبعد كم شهر لعوا مره ثانيه الارجنتين والبرازيل كنت بالقهوه وكسرت تلفزيون

 

 

 

 

[معلومات العضو رعاد]

الله يهدي الجميع و يالف بين قلوبهم وجمعهم على كل الخير ومحبة

 

 

 

 

[معلومات العضو بدران البدراني]

المشاركة الأصلية كتبت بواسطة ناصر الودعاني

كلكم اخوان وعيال عم بس هذي الكوره تخلي الواحد يطلع عن طوره ويقول كلام وبعدين يندم عليه
يعني مره كنت اشوف مباراة الارجنتين والبرازيل وانا ارجنتيني متعصب فازوا علينا البرازيل وحذفت التلفزيون بالطفايه وانكسرت الشاشه كنت مهستر
وبعد ما هديت قلت انا ليش كسرته قلت انا شكو فيهم فازوا ولا خسروا
وبعد كم شهر لعوا مره ثانيه الارجنتين والبرازيل كنت بالقهوه وكسرت تلفزيون

ههههههههههه


ماقصرت يابو سفر

على هالموضوع

 

 

 

 

[معلومات العضو عبدالرحمن الشرافي]

عبدالله


نزلت الموضوع

تبي تحل المشكله

وزدت الطين بله هههههههههههههههه

على قولت ابن وتيد كلن يصلح موتره



واسم الدوسري اخر اسم كل واحد منا

اكبر من النصراوي او الهلالي



تحياتي للجميع