ماهي مطيه مـن شراهـا وسمهـا

[معلومات العضو صالح الجعيدي]

قصيده موعظه وحكمه للشاعر فيصل الرياحي البقمي
انقلها لكم مع التحيه للجميع

سبحان محص الناس جيل بعد جيل=وأرزاق خلقه بين خلقـه قسمهـا
وأرسل لهم فالكتب قرآن وإنجيـل=وسيطر على كل الأمـور وحكمهـا
ياللي تخيل الناس قلي وش إتخيـل=النـاس مولاهـا يراقـب ذممهـا
مانته معدلهم على الكيـف تعديـل=خل العظام كسارهـا فـي لحمهـا
ورفيقك اللـي مايراعيـك بالحيـل=جرب حقيقة رفقتـه مـن عدمهـا
حده على بعض القصا والغرابيـل=يبيـن لـك منهـا قفاهـا وفمهـا
إن كانها رفقـة مجامـل وتمثيـلج=جرت بعيرٍ جاء الرشاش ودهمهـا
إعرف ترى مالك وراها محاصيـل=وأبرك لك إنك طالعٍ مـن غسمهـا
ولاتستمع في تاجر القـال والقيـل=ناسٍ تبيع بـ(سـوق قالوا)ذممهـا
حسـاد والحسـاد دايـم مغالـيـل=عين الحسد ماوفـق الله سهمهـا
الحاسـد النمـام مقهـور وخبيـل=عقرب وضم تلدغ وتزبن وضمهـا
وراقب ولي الكون بالصبح والليـل=اللي حصد روس الطغاه وصرمهـا
ترى الغرور أكبر مرض للرجاجيل=ليا حل بالنفس الشجيعـه هزمهـا
لك موعظه في سورة العصر والفيل=أصدق من الأبيات واللـي نظمهـا
وإجلس مع ثقاة الرجال الحلاحيـل=جلسة حلاحيـل الرجـال إغتنمهـا
تلقى مجالسهـم مـزوح وتعاليـل=وسوالف ماهيـب يسمـج طعمهـا
تاخذ بها حكمه وعـرف ودواليـل=ويبعد شقا روحك ويبـرد نسمهـا
إرفع مقامك كنك الجـدي وسهيـل=وناس تبادلـك إحتـرام إحترمهـا
المرجله تقسيـم بيـن الرجاجيـل=ماهي مطيه مـن شراهـا وسمهـا
هاذي مثايل شعـر مثـل القناديـل=تجلا ظـلام القلـب للـي فهمهـا
من هيض هاجوسٍ تدفق كما السيل=تجي لـه الأبيـات لـو ماعزمهـا

وسلامتكم ،،، عسى أن تنال رضاكم.

 

 

 

 

[معلومات العضو عبدالرحمن الشرافي]

ابن العم / صالح الجعيدي


الله لا يهينك ويبيض وجهك على نقل هذه القصيدة الجزلة

المليئة بالحكم والمواعظ ..



وصح الله لسان الشاعر الكبير/ فيصل الرياحي (( العيّه ))

على هذه القصيدة..




ولاتحرمنا من جديدك يالقرم



لك مني فائق الشكر والتقدير

 

 

 

 

[معلومات العضو صالح الجعيدي]

المشاركة الأصلية كتبت بواسطة عبدالرحمن الشرافي

ابن العم / صالح الجعيدي
الله لا يهينك ويبيض وجهك على نقل هذه القصيدة الجزلة
المليئة بالحكم والمواعظ ..
وصح الله لسان الشاعر الكبير/ فيصل الرياحي (( العيّه ))
على هذه القصيدة..
ولاتحرمنا من جديدك يالقرم
لك مني فائق الشكر والتقدير

الأخ الغالي/ عبدالرحمن الشرافى
من قال ما يهان ،،، وعسى وجهك وايامك ما تشين.
و لاهنت على مرورك وتعليقك الطيب.
مع خالص التحية والاحترام

 

 

 

 

[معلومات العضو دغش البطي انتقل الى رحمة الله مساء الاثنين الموافق 8-1-2007 رحمه الله واسكنه فسيح جناته]

ابن العم الغالي : " صالح الجعيدي "

مرحبا بك وبمشاركاتك الرائعه

إختيار موفق للغايه ويدل على حسن ذوقك وإختيارك

فصح الله لسانك ولسان الشاعر الكبير فيصل الرياحي

على هذه الرائعه والمليئة بالنصح والحكم

عاطر التحايا القلبية لمقامك الرفيع

محبك ومحب الجميع

 

 

 

 

[معلومات العضو خاطر محمد الخاطر]

السلام عليكم ورحمة الله وبركاته,,,,

الله لايهينك على هذا النقل الرائع يالجعيدي والله اني افرح ليا شفت مشاركه جديده باسمك لاني ادري ان ماشالله عليك ماتجيب الا الزين.

 

 

 

 

[معلومات العضو صالح الجعيدي]

المشاركة الأصلية كتبت بواسطة دغش البطي

ابن العم الغالي : " صالح الجعيدي "
مرحبا بك وبمشاركاتك الرائعه
إختيار موفق للغايه ويدل على حسن ذوقك وإختيارك
فصح الله لسانك ولسان الشاعر الكبير فيصل الرياحي
على هذه الرائعه والمليئة بالنصح والحكم
عاطر التحايا القلبية لمقامك الرفيع
محبك ومحب الجميع

أرحــب يأبو محمد "يالغالي"
مواضيعي إذا ما قريتها ما عليها حلى ،،، لا هنت على مرورك الكريم.
صح ابدانك ،،، مع خالص التحية والتقدير من أخوك/صالح الجعيدي

 

 

 

 

[معلومات العضو صالح الجعيدي]

المشاركة الأصلية كتبت بواسطة خاطر محمد الخاطر

السلام عليكم ورحمة الله وبركاته,,,,
الله لايهينك على هذا النقل الرائع يالجعيدي والله اني افرح ليا شفت مشاركه جديده باسمك لاني ادري ان ماشالله عليك ماتجيب الا الزين.

هلا بك أخوي/ خاطر محمد الخاطر ،،، وعسى أيامك أفراح يالغالي.
ولا تهان ،، كلامك الطيب من طيب أصلك ،، لا هنت على المرور الطيب.
مع خالص التحية والتقدير من أخوك/ صالح الجعيدي