مرثيه في الفقيدين /سلطان بن جلوي وعلي بن سعيد رحمهم الله

[معلومات العضو عبدالرحمن الشرافي]

السلام عليكم ورحمة الله وبركاته ..

اخواني..

اسمحولي على طول الغيبه..

وهذه مرثيه في سلطان بن جلوي الذي نفذ فيه حكم القصاص منذ مده في السليل و القتيل علي ..



للشاعر\عبدالله بن مرضي ال ظافر..


يقول فيها:

هــاض الخفــــوق وبان للبـدع بيبـــــــان = وطرق القصيد انقادلي واستوالــــــــي
ونضــــمت لي من طـــــيب القـول قيفــان = واعلنت في مضمونــــــها ماطرالــــــي
عقلي لها حــــاكم وقاضـــي وميـــــزان = وحكمتها حكم النصـــف والعــــدالــــي
محشـــــومةٍ مـن كل عيب ونقصـــــــان =ونقــــداها مـا له عليــــها مجـــالـــــــي
من ســـمعها يطرب ويصغي بـــــــالآذان = ويلقا بها متــعه وفـــــن وتســــــالــي
ويفهم معانيــها نبيهيــــن الأذهـــــــــان =اهـــل المعــــرفه والعقـــول الثقالــــي
ذكــــر الله فيها خـــير مبدى وعنــــوان = واقــــــول فيها لا ثنــــيت المقـــــالـي
يالـلــــه يالمعبـــــود ياعالـي الشـــــان = ياخــــالق الدنيـــا عزيـــز الجـــــلالــــي
اجعل لنا من الذنـــب يــــارب غفــــــران = واصـــرف نظرنا عن طــريق الظـــلالـــي
ومن يرتجي غيرك ويســـأله خســـــران = انـت الكـــــريم اللــــي عليــه اتكالــــي
وأطلبك غفــــــرانك لعـــلي وسلــــطان = وأسكنــهم الفـــردوس ياخـــير والــــي
=
وشــرفهم بجيــــرة عمر وابن عفـــــان = وفي الحـــور متعـــهم بشــوف الجمـالي
من فضلك ورحمتك ياخـــير رحمـــــــان = ياســـــــامع الداعــي مجيب الســـؤالي
ادعي لهم من قلب واحساس واللســـان = وكـــل العــرب يدعــــون ماني لحــالــي
والهم ذويهم كل صبــــر وسلـــــــــوان =واجــبر عــزاهم في اقــــروم العــــيالـي
شقــــر الحـــرار الغالية ســـوم واثمــان = اللـــي مواكرهـــا بروس الطــــوالـــــــي
راحت بهم الأقدار في بيض الأكفـــــــان =اللـــــه علـــى دورات ســــــود اليــالــي
انا اشهد ان أفراقهم ثـــــار الأحــــزان = ويصلا الضماير من الأسى حر صـــــــالـي
لاونه يمنع موتهم دمــــــع الأعـــــيــان = سكـــبت ادمـــوع مثــــــل وبل الخيـالـي
ولاونه ينفعــنا وســــايط وجيهـــــــان = جبنا ملــــوك الأرض شـــرق وشــــمالـي
ولاون ســوق المـــال بيفيــدنا كـــــان = واللـــــه مــا نذخــــر ورانـــــا ريـــالـــي
لاكن قضاء ربي ووقــــت القضاء حـان = وراضيــــن بالمكتــــوب مـــــرٍ وحـــالي
والموت حــــق وســنه الله للأنســــــان = ان كان قصــر العمــــر وان كـان طالـي
والعلم عند اللي يلا قـال كــــن كــــان = والحمـــد له والفـــضل فــي كـل حـالـي
واليوم ياهل الجـــود يــالاد ودعــــــان = ياعـــزوتي تــــاج الشــــرف والمعــالـي
تكفي خسـارتنا من طــــيور حــــوران = ما غيـــرهـــم مكســـب ولا راس مــــالــي
لاعــــاد نرضى فتح باب لشــيطــــــان = ولاعــــاد نتـــــرك للجــــهــاله مجــــالي
ماحن بــــــذلان ولا حـــــن بقشـــــران = ولاحـــن بنرضـــى في الرفيق المـوالـــي
ولا فيه شك انا أقـــرومٍ وشــــــجعان = وأنا مـــوردت القـــــــنا والســــلالــــــي
لاجاتنا العيلات من صـــوب عــــــدوان = عليهـــــم اثقـــــل من اخشـــــوم الجبــالي
وما في عوايدنا قــطاعه وهجـــــران = قريبـنا مـــا نقــــطــــعة مــن الوصـالــي
ولا ننظر العـــــالم بمنظور حقـــــــران = نظراتــــنا فـــي كـل خلــقـه اجـــــلالــي
والرجل منا طمــرته طمـــــرت حـصــان = ولاحــــن بأهـــــل نمــــة وقـــيل وقــالـي
وأنا لنا مجــــــد وتاريــخ جــــــــــدان = وعـــز تســـطــره السنــــين الخـــوالــــي
وأخير من له ذكر في عـز جيــــــــران = والجــــار يشــــهد والجـــــدار الهيـــــالـي
وأفعالنا ماهيب تحتاج بـرهـــــــــــان = يوضي سنــاها مـــــثل نـــور الهـــــلالــي
ســـوالف بين العرب ذكرهـا بـــــــــان = يظــــرب بها بيـــن النشـــــاما مـــــثالـــي
وحق علينا حفــظ عـــــادات الأبـــــوان = ونعـــــزها ونصـــــونها مـن الهــــــــزالي
وين انت يا حامي الحما يابــليهــــــان = شيـــــال عســر احــــملـوهــا بحتمالـــــي
اجمع شتات الناس يـاذيـــب الأقــــــران = وحــافظ على صــيت الفخــــر من الزوالـــي
شد الصفوف وشــــد للخيـــر بنيـــــــان = وأزهــــــم رفيقــــك للعــــــلا والعـــوالي
ترى الجمايل بين ذريبــــن الأيمــــــــان = غنيمـــــة ماهـــيــب ســـهـــلـة مــــنالـــي
وترى الرجال أنواع وإشكال واللـــوان = ويا بيــن كبـــر الفـــرق بيـــن الرجالـــــــي
رجل يعز أرجال ويعمـــر أوطــــــــــان = ويلــــم شــمــــل صـــار فـــيه انحــــــلالي
من طيب هقواته وطيـــــبه اكحـــــــيلان = ومــن طيب ابــوه وطـــيب ساس الخـوالـــي
ورجل يهدم أبيوت ويفرق إخــــــــــوان = ويحـــط فـــي صــــف الرجـــال انعــــزالي
يمشي مابين الناس ويشـــــب نيــــــران = وقسمـــه مـــن افعـــال الرجـــال الحثــالي
وهذا ما هوب انا ولا حن برديــــــــــان = إنـــا هـــــل العــــليا مـــن أول وتـــالـــي
وفي طاعة الله اخوان وأحباب وأعوان = أنا اشـــهـــد أنهــا المــكسب اللـــي يقالـي
وانا ما أقول أني خبــــير وفهمــــــان = بذلــت مجهــودي عــــلى قـــــد حــــالـــي
وتمت وذكــــر الله مبــدى وختمــــــان = فيـــما بدعــــت من القــــصـــيد الجــــزالـي

وسلامتكم...

 

 

 

 

[معلومات العضو أبوفهيد الودعاني]

صح لسان أبو طلال والله يرحم سلطان وعلي

سلمت يمينك اخي عبدالرحمن على النقل الطيب

ولاتبطي بجديدك ،،

 

 

 

 

[معلومات العضو عبدالله بن مرضي الجماعين]

المشاركة الأصلية كتبت بواسطة عبدالرحمن الشرافي

السلام عليكم ورحمة الله وبركاته ..

اخواني..

اسمحولي على طول الغيبه..

وهذه مرثيه في سلطان بن جلوي الذي نفذ فيه حكم القصاص منذ مده في السليل و القتيل علي ..



للشاعر\عبدالله بن مرضي ال ظافر..


يقول فيها:

هــاض الخفــــوق وبان للبـدع بيبـــــــان = وطرق القصيد انقادلي واستوالــــــــي
ونضــــمت لي من طـــــيب القـول قيفــان = واعلنت في مضمونــــــها ماطرالــــــي
عقلي لها حــــاكم وقاضـــي وميـــــزان = وحكمتها حكم النصـــف والعــــدالــــي
محشـــــومةٍ مـن كل عيب ونقصـــــــان =ونقــــداها مـا له عليــــها مجـــالـــــــي
من ســـمعها يطرب ويصغي بـــــــالآذان = ويلقا بها متــعه وفـــــن وتســــــالــي
ويفهم معانيــها نبيهيــــن الأذهـــــــــان =اهـــل المعــــرفه والعقـــول الثقالــــي
ذكــــر الله فيها خـــير مبدى وعنــــوان = واقــــــول فيها لا ثنــــيت المقـــــالـي
يالـلــــه يالمعبـــــود ياعالـي الشـــــان = ياخــــالق الدنيـــا عزيـــز الجـــــلالــــي
اجعل لنا من الذنـــب يــــارب غفــــــران = واصـــرف نظرنا عن طــريق الظـــلالـــي
ومن يرتجي غيرك ويســـأله خســـــران = انـت الكـــــريم اللــــي عليــه اتكالــــي
وأطلبك غفــــــرانك لعـــلي وسلــــطان = وأسكنــهم الفـــردوس ياخـــير والــــي
=
وشــرفهم بجيــــرة عمر وابن عفـــــان = وفي الحـــور متعـــهم بشــوف الجمـالي
من فضلك ورحمتك ياخـــير رحمـــــــان = ياســـــــامع الداعــي مجيب الســـؤالي
ادعي لهم من قلب واحساس واللســـان = وكـــل العــرب يدعــــون ماني لحــالــي
والهم ذويهم كل صبــــر وسلـــــــــوان =واجــبر عــزاهم في اقــــروم العــــيالـي
شقــــر الحـــرار الغالية ســـوم واثمــان = اللـــي مواكرهـــا بروس الطــــوالـــــــي
راحت بهم الأقدار في بيض الأكفـــــــان =اللـــــه علـــى دورات ســــــود اليــالــي
انا اشهد ان أفراقهم ثـــــار الأحــــزان = ويصلا الضماير من الأسى حر صـــــــالـي
لاونه يمنع موتهم دمــــــع الأعـــــيــان = سكـــبت ادمـــوع مثــــــل وبل الخيـالـي
ولاونه ينفعــنا وســــايط وجيهـــــــان = جبنا ملــــوك الأرض شـــرق وشــــمالـي
ولاون ســوق المـــال بيفيــدنا كـــــان = واللـــــه مــا نذخــــر ورانـــــا ريـــالـــي
لاكن قضاء ربي ووقــــت القضاء حـان = وراضيــــن بالمكتــــوب مـــــرٍ وحـــالي
والموت حــــق وســنه الله للأنســــــان = ان كان قصــر العمــــر وان كـان طالـي
والعلم عند اللي يلا قـال كــــن كــــان = والحمـــد له والفـــضل فــي كـل حـالـي
واليوم ياهل الجـــود يــالاد ودعــــــان = ياعـــزوتي تــــاج الشــــرف والمعــالـي
تكفي خسـارتنا من طــــيور حــــوران = ما غيـــرهـــم مكســـب ولا راس مــــالــي
لاعــــاد نرضى فتح باب لشــيطــــــان = ولاعــــاد نتـــــرك للجــــهــاله مجــــالي
ماحن بــــــذلان ولا حـــــن بقشـــــران = ولاحـــن بنرضـــى في الرفيق المـوالـــي
ولا فيه شك انا أقـــرومٍ وشــــــجعان = وأنا مـــوردت القـــــــنا والســــلالــــــي
لاجاتنا العيلات من صـــوب عــــــدوان = عليهـــــم اثقـــــل من اخشـــــوم الجبــالي
وما في عوايدنا قــطاعه وهجـــــران = قريبـنا مـــا نقــــطــــعة مــن الوصـالــي
ولا ننظر العـــــالم بمنظور حقـــــــران = نظراتــــنا فـــي كـل خلــقـه اجـــــلالــي
والرجل منا طمــرته طمـــــرت حـصــان = ولاحــــن بأهـــــل نمــــة وقـــيل وقــالـي
وأنا لنا مجــــــد وتاريــخ جــــــــــدان = وعـــز تســـطــره السنــــين الخـــوالــــي
وأخير من له ذكر في عـز جيــــــــران = والجــــار يشــــهد والجـــــدار الهيـــــالـي
وأفعالنا ماهيب تحتاج بـرهـــــــــــان = يوضي سنــاها مـــــثل نـــور الهـــــلالــي
ســـوالف بين العرب ذكرهـا بـــــــــان = يظــــرب بها بيـــن النشـــــاما مـــــثالـــي
وحق علينا حفــظ عـــــادات الأبـــــوان = ونعـــــزها ونصـــــونها مـن الهــــــــزالي
وين انت يا حامي الحما يابــليهــــــان = شيـــــال عســر احــــملـوهــا بحتمالـــــي
اجمع شتات الناس يـاذيـــب الأقــــــران = وحــافظ على صــيت الفخــــر من الزوالـــي
شد الصفوف وشــــد للخيـــر بنيـــــــان = وأزهــــــم رفيقــــك للعــــــلا والعـــوالي
ترى الجمايل بين ذريبــــن الأيمــــــــان = غنيمـــــة ماهـــيــب ســـهـــلـة مــــنالـــي
وترى الرجال أنواع وإشكال واللـــوان = ويا بيــن كبـــر الفـــرق بيـــن الرجالـــــــي
رجل يعز أرجال ويعمـــر أوطــــــــــان = ويلــــم شــمــــل صـــار فـــيه انحــــــلالي
من طيب هقواته وطيـــــبه اكحـــــــيلان = ومــن طيب ابــوه وطـــيب ساس الخـوالـــي
ورجل يهدم أبيوت ويفرق إخــــــــــوان = ويحـــط فـــي صــــف الرجـــال انعــــزالي
يمشي مابين الناس ويشـــــب نيــــــران = وقسمـــه مـــن افعـــال الرجـــال الحثــالي
وهذا ما هوب انا ولا حن برديــــــــــان = إنـــا هـــــل العــــليا مـــن أول وتـــالـــي
وفي طاعة الله اخوان وأحباب وأعوان = أنا اشـــهـــد أنهــا المــكسب اللـــي يقالـي
وانا ما أقول أني خبــــير وفهمــــــان = بذلــت مجهــودي عــــلى قـــــد حــــالـــي
وتمت وذكــــر الله مبــدى وختمــــــان = فيـــما بدعــــت من القــــصـــيد الجــــزالـي

وسلامتكم...

صح لسان القائل والناقل والقصيده وافيه

 

 

 

 

[معلومات العضو مـنـيـر آل راكـان]

رحم الله سلطان وعلي


والله يعطيك العافيه على القصيده



ولا هنت يالقرم




أبـــو فـــــــارس

 

 

 

 

[معلومات العضو عبدالرحمن الشرافي]

أخواني.........


شرفتوا الصفحه بمروركم ..


والله لا يهينكم على المرور..



تقبلوا تحياتي