آلـَدنيا مآ تغٌيرٰ وڤي..'

[معلومات العضو تناهيد]

يوم هبّ الوقت وأعماني عجاجه
الفرج عيّا .. وأنا بالصبر راهي !

ويوم مال وطاآاآل ميله وأعوجاجه
رحت أدوّر شي ٍ يشد إنتباهي !

وشفت زولك مقبل ٍ مثل إنفراجه
كنّه اللي جايبٍ عزّي و جاهي

ياآاآه ياضيقات صدري وإبتهاجه
تذكر آخر مرة ٍ شفتك ..متى هي !

صاحبك من يومها زاد إحتياجه
وأمتطى ظهر المصايب والدواهي !
سولف الليله على قلبي و ناجه
من بقى لي غيرك أفخر به وأباهي !
يابعد من كدّر غيابي مزاجه
ويابعد من مرّت حروفه شفاهي !
رغم حيرة قلبك ورغم إنزعاجه
الزمن .. ماغيّر احساسه تجاهي !

ورغم وحشة بعدك ..و ( قسوة سياجه )
كل حاجه فيك ظلّت مثل ماهي !
الخجل في وجهك أول مـ نتواجه
والبراءه في عيونك وأنت ساهي !

وبسمتك لامن بغيت تقول حاجه
وغيرتك لاشفت كنّي عنك لاهي !
قبل أشوفك .. والزمن عاقد حجاجه
أسأله : وش فيك ؟! وألقى العذر واهي !

ويوم شفتك قلت للوقت وعجاجه :
هيه ياللي في طعونك كنت راهي !
أنت لو غيّرت فينا ألف حاجه
القلوب( البيض )تبقى مثل ماهي


للمبدع/فهد المساعد
راقت لي
ودي

 

 

 

 

[معلومات العضو ابتسامة دفى]

تنآهيد صح الله بدنك وطاب فالك يااا عسسسولهـ و صح لسان فهد وتسلم يمين ناقلتها الْلَّه يُعْطِيـــــكِ الْعــافِيَّة دمتِ بهذآ التميز وآكتر لكِ أرق التحايـآآ : ◕‿◕

 

 

 

 

[معلومات العضو شافي بن راشد النتيفات]

صح لسان شاعرها

ولاهان ناقلها

اختيار مميز

شكرا لك

 

 

 

 

[معلومات العضو تناهيد]

شاكرة لكم مروركم الذووق
حياكم وبياكم

 

 

 

 

[معلومات العضو عــنفــوان]

بيض الله وجهتس

 

 

 

 

[معلومات العضو محمد راشد النتيفات]

صح السان الشاعر فهد والسانك على النقل الرائع والاختيار المميز

 

 

 

 

[معلومات العضو مبارك بن شافي النتيفات]

الله الله

صح لسان وسلمت يمينك على النقل الراااائع

شاكر لك حظورك الكريم

تحياتي

 

 

 

 

[معلومات العضو تناهيد]

صح بدنكم
شاكرة طلتكم الجميلة
ربي يسعدكم

 

 

 

 

[معلومات العضو شافي بن راشد النتيفات]

قصيدة رائعة جدا

شكرا لك على الطرح

 

 

 

 

[معلومات العضو تناهيد]

شكرآ جزيلا