قصيدة الشاعرين \ سلطان بن وسام وضيدان بن قضعان ..التي ازعلت سمو الأمير \ سلطان بن عبد

[معلومات العضو عبدالرحمن الشرافي]

السلام عليكم ورحمة الله وبركاته,,,,

أسعد الله جميع أوقاتكم..

ردية من أروع الرديات الاخيرة بين أجزل ثنائى على الساحة الشعرية وقد بدأها سلطان بن وسّام الهاجرى موجهه للشاعر ضيدان بن قضعان.....

(( وهذه القصيدة هي التي ازعلت سمو الأمير \ سلطان بن عبد العزيز

وهي التي سجن من اجلها الشاعرين \ سلطان .. وضيدان بن قضعان ))



ويقول الشاعر سلطان بن وسّام الهاجرى:




بالله يا اهـل دبـى والا هـل العيـن
...........................................من قال تبشـر بـه عطيتـه بشـاره
قرناس عشر سنين وأربع وعشريـن
...........................................والله فيـه مـن الـوفـا والقـشـاره
وإن قام يدرج عينـه يسـار ويميـن
............................................مثل الخفيـر اللـى مداقـش خفـاره
يا شيب عينـى لا كفـخ بالجناحيـن.
.....................................أسبق من إطيـار الاباتشـى إطيـاره
ما هاجر إلا بيـن خضـر البساتيـن
...................................فى ضيافة اللى ما يحسـب الخسـاره
يخلـى مراحيـنٍ ويمـلا مراحـيـن
........................................بيمناً من اصـدوف الليالـى مجـاره
بيمنى الكريم مبـدّل العسـر بالليـن
..........................................نعـم نعـم (فـزّاع) نمـر النمـاره
أشهر أبـراج العـام الأول وذلحيـن
......................................برجين. برج إيفـل وبـرج التجـاره
وضيدان يكرم فى ضيافـة كريميـن
........................................كنّـه مـن المكتـوم والــدار داره
فندق جميرا بيتش وماريوت حمر عين
......................................من مر منهـن قـام يمسـح جـداره
واليوم يا (ضيدان) وينك وانـا ويـن
.......................................خليتنـى مـا بيـن تـاره وتــاره
أشيل مـا شالـت ظهـور البعاريـن
...................................وأصـد غـاره وآتصـدى لـغـاره



رد الشاعر ضيدان بن قضعان:




البارحه فى الدور واحـد وخمسيـن
.........................................شبيت مـن راس الفتيـل الزقـاره
كنّيتهـا ليـن امتلـن الشرايـيـن
.......................................... لالعلهـا تطفـى لهيـب الـحـراره
ونفثتها والدمع فـى محجـر العيـن
.......................................ما سـال لا كنّـه رهيـن الاشـاره
أقرى وأعيد الخـط مـرة وثنتيـن
......................................وأقول من صـدرٍ تحطـم اعبـاره
لبيه يا سلطـان لـو نـازح البيـن
......................................يزمـى سرابـه ويتركـز اغبـاره
غرّبت حادينى مـن الفقـر والديـن
.......................................ما حد(أبو عـرّام) يجلـب احمـاره
ونصيت ربى ثم نصيت السلاطيـن
....................................اللـى تحفـظ لكـل رجـلٍ وقـاره
ومن فضل رب البيت ما بين عدّيـن
...................................بين(أحمد)و(وحمد ان)والعلـم شـاره
فى فلةٍ فى دبـى ملكـى ودوريـن
......................................تعلّـم البـدوان فــنّ الحـضـاره
قدّامهـا لنكـن وكدلـك ورنجـيـن
................................وفى البر عزبـه والمدينـه عمـاره
وان طعتنى روّح على يا احمر العين
..................................بشت الغنـاة ولا بشـوت الامـاره
ومن لا عشق له وحدةٍ من هل العين
................................عزا الله ان باقـى حياتـه خسـاره
_________________


وسلامتكم.....



تحياتي....




** بو سالم الشرافي **

وأنص الشرافا متعبين المعاميل ***** بيوتهم للضيف من دون بيبان

 

 

 

 

[معلومات العضو ابو نمر]

الشرافي

الله لايهينك على الموضوع الجيد وبيض الله وجهك

وعزالله أن سلطان الهاجري وبن قضعان من كبار شعار

ولاكن يستاهلون السجن أحد ينكر خير السعوديه ولاطول

في دبي بل رجع بسرعةٍ تسبق البرق وبنادم دايم حريص

راجين من الله سبحانه الهدايه

مشكور أخوي الشرافي وننتظر منك المزيد

 

 

 

 

[معلومات العضو عبدالله الصخيبري]

السلام عليكم ورحمة الله وبركاته

يعطيك العافيه يابو سالم والنمله لاراد الله لها زوال ريشت والربع كنهم اياها عايفين المملكه ويمدحون لامارات عشان شئ مايطلق الوجه اشهد ان الاجواد خلفه
لاهنت على كل حال يالغالي

اخوك:عبدالله

 

 

 

 

[معلومات العضو عبدالرحمن الشرافي]

ابو نمر والله انك صادق احد يجحد خير السعوديه....

الله لايهينك على المرور.....


اخوي عبدالله الصخيبري..... لاهنت على المرور وبيض الله وجهك ......


تحياتي....




** بو سالم الشرافي **

وأنص الشرافا متعبين المعاميل ***** بيوتهم للضيف من دون بيبان

 

 

 

 

[معلومات العضو الفارس]

لاهنت يالشرافي على النقل الطيب

تحياتي

اخوك:

................... . الفارس . ......................

 

 

 

 

[معلومات العضو عبدالرحمن الشرافي]

الفارس ........

بيض الله وجهك على المرور..




تحياتي....




** بو سالم الشرافي **

وأنص الشرافا متعبين المعاميل ***** بيوتهم للضيف من دون بيبان

 

 

 

 

[معلومات العضو طيرشلوى]

موضوع مميز اخوي الشرافي ..
لاهنت على نقلك الجميل..
تحياتي اخوك طيرشلوى

 

 

 

 

[معلومات العضو عبدالرحمن الشرافي]

لاهنت أخوي \ طير شلوى ..



على المرور....