عاااامر أقرب يا شنب !!!

[معلومات العضو عامر النتيفات]

اخوي ابو نايف اسهرتنا البارح ولا جيت

الاخوه مشرفي المحاوره حبذا لو يكون هناك تنسيق للمحاوره فمثلا تبدا
المحاوره عشر حتى اثناعشر ساعتين كافيه تتنتهي بدري والتواجد بكثره



ابو نايف استلم لاهنت

انت تنشد عن علوم تشيب المرضعين=والمصايب قادمه يالله اكف شرورها
حط في اذنك طين والثانيه فيها عجين =مكفي عنها وخل العرب وهذورها

 

 

 

 

[معلومات العضو شافي بن راشد النتيفات]

صح لسانك ياعامر ولاهم بمقصرين مشرفين المحاورة

 

 

 

 

[معلومات العضو عامر النتيفات]

ابو نايف انت طلبتنا وحنا حضرنا البارح وحضرنا الان وتركت الوضع
لارديت ولاتعذرت وحنا ننتظر

 

 

 

 

[معلومات العضو عامر النتيفات]

اظن يالربع ماعاد يلحقني ملام انتظرت من الساعه عشر
حتى احدعشر ونصف وخمس دقايق ولم يحضر ابو نايف

والغايب حجته معه ولكن اقل شي تواجد وعتذر لانا ارتبطنا بوعد

وخلينا حتى ارتباطاتنا ولا استفدنا وحبذا لو المشرفين معم جوالات
الاخوان حتى لا نجد انفسنانا في مواقف كهذا وعلى العموم
الليله انا متواجد بين الفينه والاخرى لعله يجي

 

 

 

 

[معلومات العضو مسفر المصارير]

جيناكم و المعذره على التأخير

وعامر يعرف الضروف

 

 

 

 

[معلومات العضو عامر النتيفات]

ما ابطا من جاء والظروف عرفناها ومقدره

 

 

 

 

[معلومات العضو شافي بن راشد النتيفات]

ارحبو كلكم والليل لايسري

 

 

 

 

[معلومات العضو مسفر المصارير]

لا تلف ايسار يا صاحبي خلك يمين = والعرب عزاه للي تحمّل زورها
في الامور المعضله يا العميل مساهمين = البشر عوران لو أملكتها عورها

 

 

 

 

[معلومات العضو مسفر المصارير]

الله لا يهينكم جميع و عز الله مقداركم

 

 

 

 

[معلومات العضو عامر النتيفات]

البس ثياب مقاسك توض وركعتين = وطلب الله جل شانه يحل عسورها
النصيحه جاتكم وانت يامسفر فطين=ماانت بعلم من هل الشان اودكتورها

 

 

 

 

[معلومات العضو مسفر المصارير]

لبسنا ضافي لك الحمد يا الله يا معين = والرجال العارفه ما تخلي دورها
لا توصينا لكن وص ناسٍ ضايعين = تمشي الطرقه عمايا و طافي نورها

 

 

 

 

[معلومات العضو شافي بن راشد النتيفات]

الله الله صحت السنتكم يامبدعين تراني متابع معكم ومتحمس

 

 

 

 

[معلومات العضو عامر النتيفات]

طيب طيب استلم يابو نايف

البحورالهوج تبغى لها خبره سنين= وانت مستعجل على درها وخيورها
للرفيق انكرر النصح مره مرتين= لاتهاجم والدفاعات قو اجسورها

 

 

 

 

[معلومات العضو مسفر المصارير]

البحور الهوج غصنابها عسرٍ و لين = والحرار الشقر ما تجهلون اوكورها
أنت تنصح خوف لا تخاف أنا جنبي متين = غض عن رجلٍ جبر ل الليال اكسورها

 

 

 

 

[معلومات العضو عامر النتيفات]

الرجال اهل التقى يسمعون الناصحين=وانت طنشت النصايح وترفض شورها
ان صفا لك راس مالك فحب الراحتين= وحمد الله فالخفا وحمده فاعسورها