معركة لخن الحيانية بين عتيبة و ال ابوسباع وهزيمة عتيبة

[معلومات العضو بدو]

تعقيب على كلام الاخ ناصر البدراني المعركة ليست بين الشيابين وال بوسباع فقط وإنما فيها ابا العلا العصمة وفيها فرسان من الدعاجين.

وإضافة لما ذكر خيال العبية فقد ظهر فعل ال بوسباع في ذاك اليوم وكسرو الغازين وكسبوهم بقيادة امير ال بوسباع شجاع الخريم ، وكذلك من ضمن اللي جالهم فعل الفارس ثلاب الحراقين وبقية فرسان آل بوسباع بدون تحديد.

وكان عند آل بوسباع صانع يحذي الخيل وأول مابدت المعركة خذا سيفه ودخل مع الصف الاول مع ال بوسباع وقال واحد من فرسان عتيبة هذا الصانع اللي يقولون (لأنه من ضمن الفرسان اللي ذكرو لعتيبة قبل الوقعة بليلة) فقال الصانع: حاذي حذي الخيل حامي عقابها وانا ابو مزعل. وجاله فعل مشهود ذاك اليوم.

وقد منع درج السمارين احد فرسان عتيبه ويقاله بن عقيّل (دعجاني) ولما انتهت المعركة ذهب ليوصله لأهله كسلم عند القبائل لأنه في وجهه ، ولما وصل لبيته عند عتيبة قام بإكرامه وقالت له زوجته من اللي منعك يابن عقيل قال هذاك اللي في صدر المجلس (يقصد) درج السمارين فقالت له (هذا هو اللي منعك !!!) مستحقرته قال نعم والله ياذاللي تشوفينه قصيّر إنه عندي في المعركة كبر جبل الحذني.
( طبعاً القصة الأخيرة ذكرت لفارس آخر من الدواسر) وهو الشيخ شجاع بن قويد والله اعلم بالأصح.