|
|||||||
14-06-2010, 02:36 AM
|
#1 | ||||||||
|
مريض موت الزوار من الضحك
السلام عليكم ورحمة الله وبركاته
((قصه واقعيه وطريفه)) [img] جلس ذلك الرجل على السرير الأبيض ... في إحدى المستشفيات في بلدنا الحبيب . وكان كل جسمه شاش ورجلينه كلها جبس وما تسمع إلا الآهات ماغير يحن ويون من الأوجاع اللي فيه عاد أنا قلت يمكن إنه مسوي حادث قوي أو إنه محترق أو أو أو ... إلخ المهم جت الساعه 4 العصر وبدأ وقت الزياره أنا أستغربت من شي غريب مره كل من جاء يزور هالشخص يطلع من عنده ميت من الضحك أنا جاني الفضول وقلت وش السالفه ؟ وعلى هالحال كل من جاء وسلم عليه ما تسمع إلا ضحكهم من وراء الستاير أنا قلت لازم أعرف وش السالفه ... انتهى وقت الزياره وأنقز له على طول ! وأتشافا له وأقوله الحمد لله على السلامه عسى ماشر ومن هالكلام وأنا كل همي أعرف ليش يضحكون ؟ المهم قلت له : أنا أشوف اللي يجونك ما يرحون من عندك إلا و ضحكهم واصل آخر المستشفى ! قال لي : هههههههههه ليـش عاد أنت حاسدنا على الضحكه ؟ قلت له : لا يـاخوي مو كذا السالفه والله لو عندك مليون كان يمكن أحسدك ! بس إضحكوا عادي خذوا راحتكم بس بغيت أعرف السر يعني ؟ إذا ما عندك مانع . قال لي : طيـب ولا يهمك ... أنت مثل ما تشوفني مكسر ومربط بالشاش . قلت له : أيـوه والله ... الله يشفيك . قال لي : يا طويل العمر أنا ساكن في شقه في الدور الثاني ، وعندي بلكونه مامن زيـنها ، وإذا نمت فتحت باب البلكونه وطفيـت النور وتسدحت على السرير . ويوم نمت على السرير . وغصت في أعماق أعماق نومي ، حلمت اني في يوم القيامه ! وحلمت مثل ما تقول ان الناس في مكان مثل موقف الباصات وفيه باصات رايحه للجنه وباصات رايحه للنار !!! المهم الجماعه ينادون بالأسامي .. فلان بن فلانه باص النار ... فلان بن فلان باص الجنه .. وهكذا ... فلان بن فلانه .. هاه هذا أسمي .. وقلبي يـدق و يـدق .. روح باص الجنه .. اوووه الحمدلله أرتحت . ومشيـت أدور على الباص اللي مكتوب عليه إلى الجنه ... وحصلته ودخلت فيه . مشيـنا بالباص وبعد فترة جاتنا لوحه مكتوب عليها (( الجنه 50 كيلو )) ، (( النار 100 كيلو )) وهذا وحنا مع اللوحات .. والله ونتعدى الجنه ... قلت يمكن السواق يـعرف مكان لباب ثاني . شوي وشفت النار 15 كيلو ... وبعد شوي النار 10 كيلو ... وكل شوي نقرب من النار . يا رجال وش السالفه .. المشكله الناس ساكتيـن وما أحد قلقان في الباص إلا أنا . قلت بدخل عالسواق وشفته معطيني ظهره ... هي أنت وين رايح ؟ قال لي بدون ما يلتفت : رايح النار يا حبيبي . قلت له : أنا من أهل الجنه .. وليـش توديني النار يا وجه النحس ؟! وألتفت لي ... طلع هو إبليس !!! الله ياخذك . أنا من أهل الجنه .. ياحمار لا توديني النار .. أنا من أهل الجنه . والله العظيم إني من أهل الجنه ، تو من شوي قايلين إسمي ، وقف ياحيوان ، وقف يابن الكلب . وهذا أنا أصارخ ... وهو بأنواع الضحكات الشريره هاهاها ... هاهاها ... هاهاها ... قلت له : ياكلب وقف !!! أبي أنزل !!! قال : والله الباص هذا مبرمج على انه ما يوقف إلا في النار ... تبي تنزل أقفز منه . وركضت على الباب وفتحته ... وهوووب ولا وعيت إلا في المستشفى ... قافز من البلكونه ... في الحوش ! هههههههه القصة حقيقيه دخيلكم تعوووذووووا من إبليس قبل تنامون ولا تنسوون الاذكار ^^ الله يحفظكم و جعلكم بالجنة يااااااااااااااااا رب آمين [/img]
|
||||||||
|
|
|
|
15-06-2010, 06:14 PM
|
#2 | ||||
|
رد: مريض موت الزوار من الضحك
الله يعطيك العافيه وبارك الله فيك
|
||||
|
|
|
|
16-06-2010, 04:32 AM
|
#3 | |||||||||
|
رد: مريض موت الزوار من الضحك
اقتباس:
الله يعافيك وجزاك الله خير وعطرت الصفحه بمرورك ياغالي
|
|||||||||
|
|
|
|
16-06-2010, 04:45 AM
|
#4 | ||||||
|
رد: مريض موت الزوار من الضحك
ههههههههه
|
||||||
|
|
|
|
16-06-2010, 04:57 AM
|
#5 | |||||||||
|
رد: مريض موت الزوار من الضحك
اقتباس:
الله يجزاك خير اخوي عبد الرحمن
بس مايكون باصنا مثل باص راعي القصه هههههههههههه وتشرفت بمرورك وطلتك البهيه
|
|||||||||
|
|
|
|
18-06-2010, 10:43 PM
|
#6 | ||||
|
رد: مريض موت الزوار من الضحك
هههههههههههه
|
||||
|
|
|
|
19-06-2010, 01:00 AM
|
#7 | |||||||||
|
رد: مريض موت الزوار من الضحك
اقتباس:
ولاتهون اخوي ابو مبخوت
وابشر ابحفض الوصاه والله يعافيك وعطرت الصفحه بمرورك ياغالي
|
|||||||||
|
|
|
|
19-06-2010, 01:55 AM
|
#8 | ||||||
|
رد: مريض موت الزوار من الضحك
الله يعطيك العافيه وبارك الله فيك
|
||||||
|
|
|
|
19-06-2010, 07:25 PM
|
#9 | |||||||||
|
رد: مريض موت الزوار من الضحك
اقتباس:
الله يعافيك اخوي شافي وشرفت الموضوع بمرورك ياغالي
|
|||||||||
|
|
|
|
19-06-2010, 07:47 PM
|
#10 | ||||||||
|
رد: مريض موت الزوار من الضحك
هههههه سبق وان قرأتها
|
||||||||
|
|
|
|
19-06-2010, 08:08 PM
|
#11 | |||||||||
|
رد: مريض موت الزوار من الضحك
اقتباس:
الله يعافيك ومشكور على المرور التعليق اخت خياليه
|
|||||||||
|
|
|
 |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 2 ( الأعضاء 0 والزوار 2) | |
| أدوات الموضوع | |
| انواع عرض الموضوع | |
العرض العادي
|
|
|
|
|
إعلانات نصية |
| منتديات صحيفة وادي الدواسر الالكترونية | |||
الساعة الآن 01:27 AM
