محاورة عنيفة بين ابن مسرع وشاعر عتيبي

[معلومات العضو الـصـتـيـمـة]

مادامها ليلة نجوم وصفّها كله قـروم
ياصاحبي ودي نوصلها ليا حد النجـوم
واللي يهاب الموت ياروقي لعله مايقوم
وفوق البسطة ضاع قبر آدم على ذريته

ياعتيبة بتال الوقت كثر الكـلام
والسوالف عباد الله يوحونهـا

لا سألنا تقول: بخير كلش تمام
والبشر تعرف المرضان بعيونها

********

ليتك قعدت بديرتك ياصاح في وسط الحجاز
ماكان( ترم) بيوت خلق الله وبيتك من قزاز
والله لشب النار فوقك ثم ازيد القـاز قـاز
فوق البسيطة ضاع قبر آدم علـى ذريتـه

حملتك في ظهرْك مربّطة بالحـزام
كيف تسكن بمكة وانتـه تخونهـا

والمسافر ليا منه تعـدا (سنـام)
شاف ناس(ن) تتايق تحتري شونها

********

الديرة اللي جنـة(ن) مـن حدهـا لا حدهـا

لا حدكم جور الزمن ياصاحبـي مـا حدهـا

من دونها ضرب السيوف اللي رهيف(ن)حدها

فوق البسيطة ضاع قبـر آدم علـى ذريتـه

يوم جيتوا من القبلـة بليـا طعـام

عيونكم ليش مالـدت لنـا دونهـا

بين حلم الرغيف وبين خوف الحسام

العوافي غصب بفلـوس تشرونهـا

حق لكل دوسري أن يفتخر بكل شاعر يمثله مثل تمثيل هذا الشاعر الكبير

أنا أحد المعجبين بابن مسرع كشاعر نظم لكني تفاجأت به كشاعر محاورة من طراز نادر

سلمت يامحمد على النقل الفاخر وياليت كل شعرانا في المحاورة يحذون حذو هذا الحظور اللي يبيض الوجه قدام القبايل

 

 

 

 

[معلومات العضو مبارك بن الجوير]

في ذمتي انهم شعار محاورة من الطراز الاول
وهذي المحاورة من نقض وفتل..

وصح الله لساااااان ابن مسرع
ويسلم منطووووقه
وصح لسااان الدلبحي
اجاد صراحة لكن وش يرد السيل
ما عقب ذي شي..

يوم جيتوا من القبلـة بليـا طعـام
عيونكم ليش مالـدت لنـا دونهـا

بين حلم الرغيف وبين خوف الحسام
العوافي غصب بفلـوس تشرونهـا

فصح الله لسااان ابن مسرع ملاييين
واكتشفنا انه للمحاورة كما هو للنظم..

ابوسعد يا بن مسعر
عسى يمناك مايجيها العطب
ويسلم راااااسك وانا اخوووووووك
على النقل
إضاااااءة محسوووووبة لك وانت كفؤ...
سعدت بمروري تقبله لاهنت يامحمد...