قلت آ ه ويش المنكر اللـى وطيتـه .....؟؟

[معلومات العضو ابوعبدالله الخييلي]

الشاعر : عبد الله بن سبيل الباهلي

ياالله يااللى تسجد النـاس لرضـاه=يا وامرٍ خلقـه علـى حـج بيتـه
تفرج لمن سدّه على الناس ما ابداه=راضي على مقسومك اللى عطيتـه
من شي يسلّ الحال والجسم يبـراه=والناس ما يشفونه ان مـا شفيتـه
قلت آه واجرحـاه مـن علتـي آه=وان حمّلونـي حمـل غـيٍ قويتـه
قالوا سفا بالحال ويش اللى اغـواه=قلت آ ه ويش المنكر اللـى وطيتـه
قالوا جهلت وبـان علمـك لمنهـاه=قلت آه علمى يا مـلا مـا كميتـه
قالوا طلبنـا لـك مـن الله معافـاه=قلـت آه وحّدتـه وعفـوه رجيتـه
قالوا هله واحباب عينـه نصحنـاه=قلـت آه هـذا واردٍ مـا بغيـتـه
قالوا ندوّر لك من البِيـض حليـاه=قلت آه لـو غيـره بكفـى رميتـه
قالوا نشاش العُـود مالـك بلامـاه=قلت آه عُود المـوز بيـدي لويتـه
قالوا تـزوّج كـود تدلـه وتنسـاه=قلت آه لو خذت اربـعٍ مـا نسيتـه
قالوا من اقصى الناس وين انت وياه=قلت آه ما انسى يوم جانى وجيتـه
قالـوا نشوفـه عنـد هـذا وهـذاه=قلت آه عمره ماعقـب حـج بيتـه
قالـوا عليـلٍ نـاقـلٍ داه بــرداه=قلت آه باقرابـي وروحـي فديتـه
قالوا نشير ولا نفـع مـا حكينـاه=قلـت آه هـرّاج النمايـم عصيتـه
قالوا كثـر شيبـك وقلبـك بعميـاه=قلت آه لـو قلبـى غريـرٍ نهيتـه
مطـاوعٍ قلبـى بعجفـاه وقــداه=والى عطـى منهـاج دربٍ عطيتـه
ياناس خلّـوا كـل وادي ومجـراه=قلتـوا كثيـر وقولكـم مـا لقيتـه

 

 

 

 

[معلومات العضو نايف الخييلي]

إختيار رائع وجزل

لشاعر كبير ومشهور بالجزيره العربيه

واشكرك يابو عبدالله على الطرح الجميل

 

 

 

 

[معلومات العضو ابوعبدالله الخييلي]

لاهنت يابوفهاد واشكرك على المرور....

 

 

 

 

[معلومات العضو عبدالله الحافر الغييثي]

ابوعبدالله جمل الله حالك يابليهان وشاكر لك على هذه الرائعه

 

 

 

 

[معلومات العضو محمد بن سالم الخضراني]

ابوعبدلله صح لسانك ولسان الشاعر

لك الود

 

 

 

 

[معلومات العضو ابوعبدالله الخييلي]

اشكرك اخوي خميس على المرور...

 

 

 

 

[معلومات العضو ابوعبدالله الخييلي]

صح بدنك يابو سالم وشاكر لك المرور...

 

 

 

 

[معلومات العضو خيالية]

يعطييك العااافيه ، وصـــح لسـااان الشــاااعر ..

 

 

 

 

[معلومات العضو ابوعبدالله الخييلي]

الله يعافيك ....وشاكرلك على المرور اختي خيالية....