إلى

[معلومات العضو حزين الحرف]

السلام عليكم رحمة الله وبركاته
أخواني الأعضاء هذه قصيده جديده من قصائدي
المتواضعة التي أتمنى أن تحوز ولو على القدر اليسير من رضاكم واستحسانكم
وأن تكون في مستوى تطلعاتكم لكم القصيده ولي الشرف بإطلاعكم عليها

إلا متى أتحمل ذنوب غيري = وأصير بعيون البشر ميت أحساس
وإلا متى بعيون غيري تصيري = مظلومة وقلبك رهيفٍ وحساس
خلاص أنا قررت أحسم مصيري = وأفضحك وأظهر ماتخفى على الناس
أهم شي إني أريح ضميري = حتى ولو أخسرك عادي ولا باس
منتي كفو قلبي ولا صيد طيري = خسارتك مكسب ومكسبك إفلاس
روحي وخليني بشري وخيري = ماعادلك في دنيتي اليوم مجلاس
مايلتقي سيرك على خط سيري = دامك سمعتيبي عذولٍ ودساس
كفي دموعك لا تهلي العبيري = ماينفعك والراس وقّع بها الفاس
ولا ترتجي قلبي فقلبي شويري = والله لأجزه لو عصاني من الساس
يحرم عليك توردي الماء فبيري = والله لو أن عروقك الخظر يباس
وإن كان قصدك تخضعي الراس طيري = عجزوا طوال اشناب ما وطوا الراس
من بعد ما كنتي شهيقي وزفيري = صرتي على صدري جبل يقطع أنفاس
ومن بعد ما كنتي زهوري وعبيري = أصبحتي شوك ٍ حدها حد الأمواس
كنتي لي الفيّة وصرتي هجيري = كنتي لي أفراحٍ وصرتي لي أتعاس
وش جلسك للحين يابنت سيري = مالك أمل في رجعتي أقطعي الياس
تجبري وأرجي العوض وأستخيري = ويمكن تلاقي شخص غيري من الناس
بس آتحدى لو تلاقين غيري = يحمل ربع ما أحمله من حب وإحساس

وسلامتكم
اخوكم
عبد الرحمن سعد الدوسري
حزين الحرف

 

 

 

 

[معلومات العضو عبدالرحمن الشرافي]

وإن كان قصدك تخضعي الراس طيري=عجزوا طوال اشناب ما وطوا الـراس

كفوووووووووووو يا بو سعد


وصح الله لسانك واعتلا شانك

ورفع الله قدرك




والله لا يهيينك

على نقل هذه القصيدة الجزلة


ولكننا نعتب على قلة نشرك عندنا


ونطمع للمزي المزيد من قصايدك




تحياتي

أخوك / عبدالرحمن الشرافي

 

 

 

 

[معلومات العضو العماني]

الشاعر القدير بوسعد (حزين الحرف)

صح الله لسانك لين ترضى على الأبيات الجزله ولاهوب غريب عليك كل ماهو جزل وجميل

فصح الله لسانك مره اخرى والله لايهينك

دمت مبدعا

تقبل تحياتي،،

 

 

 

 

[معلومات العضو سالم بن صمهود]

حزين الحرف / صح الله لسانك

 

 

 

 

[معلومات العضو أبونواف الدوسري]

الأخ حزين الحرف

صح الله لسانك علي هذه القصيده .

لك كل تقدير وأحترام

أخوك أبو نواف الدوسري

 

 

 

 

[معلومات العضو حزين الحرف]

أخوي السمي
عبد الرحمن الشرافي
يسعدني ويشرفني أن تكون الو من يرد على متواضعتي
ويطرزها بجمالها وينيرها بنوره حتى يتوقع من يأتي بعده
انها جمال القصيده وإنما هو جمال حرفك وروعة عزفك
وعتبك على العين والراس ولكن الظروف وكثرة المنتدى
ويبقى منتدى قبيلتنا هو الاساس اعدك أن ادخل كل ماسنحت لي الفرصة
وانا معكم وآخر اخباركم عن طريق بعض الاعضاء والمشرفين هنا
لك ودي

 

 

 

 

[معلومات العضو عبدالله الدوسري]

ارحب يا ابو سعد





صح لسانك


إي و الله طـــــِـيري



مبدع يا مبدع



تقبل كل الود،،،

 

 

 

 

[معلومات العضو ابو زابن المسعري]

صح السانك وبيض الله وجهك

 

 

 

 

[معلومات العضو راشد المسعري]

حزين الحرف

ارحب يابو سعد ، صح لسانك يالذيب وفي انتظار مشاركاتك الجميلة و المميزة ولك مني الود والتقدير،،،

 

 

 

 

[معلومات العضو حزين الحرف]

أخوي هايف العماني
صح بدنك ولاهنت
شهادة أعتز بها

 

 

 

 

[معلومات العضو حزين الحرف]

سالم بن صمهود
صح بدنك ولاهنت
لك ودي

 

 

 

 

[معلومات العضو حزين الحرف]

أبو نواف
صح بدنك ولاهنت
ألف شكر على ردك

 

 

 

 

[معلومات العضو حزين الحرف]

عبد الله الدوسري
صح بدنك ولاهنت
لك مني كل الود والورد

 

 

 

 

[معلومات العضو حزين الحرف]

أبو زابن
صح بدنك ولاهنت
لك كل الود والورد

 

 

 

 

[معلومات العضو حزين الحرف]

أستاذي الغالي
ابو عبد المحسن
صح بدنك ولاهنت
ويشرفني ردك
لك مني كل الحب والود