غزوة الغياثات على الخفيف العجمي

[معلومات العضو دغش البطي انتقل الى رحمة الله مساء الاثنين الموافق 8-1-2007 رحمه الله واسكنه فسيح جناته]

المشاركة الأصلية كتبت بواسطة عبدالله بن عريمة

ياراكبٍ من فـوق سـت محيـلات
ومعشَباتٍ فـي ليالـي إخضرهـا
والله لو واجهـت خيـل الغياثـات
والله إنك أمحق من تعلوى ظهرها
والله إن تذوق سيوفنا الي شطيرات
وحريمتك عقبـك تبـدل إغترهـا
( والله لو واجهـت خيـل الغياثـات
والله إنك أمحق من تعلوى ظهرها)
يذكرني بيت للهذيه وعلى يام
كفو واله يالاد بن غياث " ياقوم مانبابكم بمشبب ** والله انكم امحق من تعلوى اكوارها "
والله يالاد بن غياث انكم حايزين على علوم الظفر كلها
مابه قبيلة ماغزوها الغييثات اشهد ان به قبيلة

الشاعر وإبن العم الغالي عبدالله بن عريمه

أررررررررررحب تراحيب المطر

مرورك العاطر وتعقيبك الفاخر يشرفني ويسعدني

ولي الشرف بتواجدك في متصفحي

وأشكرك جزيل الشكر على المدح والأطراء الجميل

ولاعليكم زود يابني عمي وافيييييييييييييييييييين جعلكم المعزه

لاهنت وبيض الله وجهك ياابن العم

تحياتي العطره لمقامك العالي

محب الجميع دغش البطي

 

 

 

 

[معلومات العضو العماني]

شاعرنا الكبير ابومحمد

بيض الله وجهك على ايراد هذه السالفة الشهيرة والله لايهينك

طال عمرك فيه رواية اخرى للقصة للسالفة حبيت اوردها للفائده ، وكلها تصب في مكان واحد.

وهو ان القصيدة هي للفارس والشاعر الغاوي من آل مصرا من العجمان واخذوا الغييثات ابله وهو غايب فقال قصيدته:

يالله ياللي اذا خلاف شي ٍ الا فات = ياللي لكسر عظام ٍ جبرها
عوج ٍ وركابه وذود مقيمات=سلاجم كن السلاسل وبرها
ياليت من واجه خيل الغييثات= على طويلة ساق فج ٍ نحرها
اما تروح الخيل من ضربي أفوات= ولا نروح ولايجي الا خبرها

فرد عليه الشاعر محمد بن عيد :

والله لو انك واجهت خيل الغييثات= والله انكم امحق من تعلوا كورها
يبشر بزلفات على الصوت عجلات = ومدربات ٍ في ليالي قشرها
كم راعي ذود ٍ شعوه الغييثات = وخلوه مثلك قاعد ٍ على ثرها
يجيك راعي سابق ركضها أفوات= مايوفي راسها من دجرها
يضربك بشلفا تلحق الحي الأموات= ان طحت ولا زقفك من ظهرها

وهذي الرواية متعارف عليها عند شيبان آل عيد ، والله اعلم

تقبل تحياتي،،