قصيده الشاعر :سويد راشد الحقباني

[معلومات العضو دغش البطي انتقل الى رحمة الله مساء الاثنين الموافق 8-1-2007 رحمه الله واسكنه فسيح جناته]

المشاركة الأصلية كتبت بواسطة ابن عمير

يا الله ياللي تخرج الحي من ميت=ياخالقن روحي ومحصي نسمها
انت الكريم اللي لعفوك ترجيت=عبدك و روحي تستطيع أتعصمها
البارحه يوم أمسوا الناس ممسيت=والقلب عيني من السهر ما رحمها
كثر السفر و النفس عافت و مليت=من شوف ناسن يسجدون الصنمها
والى صدفني كامل الحسن صديت=ومن أولن كم فرصتن نغتنمها
وطويت حبل أرشاى من العد و أقفيت=ونصيت دارن ما ينكس علمها
دارن بها الاسلام حط وبناء بيت=وبرسالة التوحيد طه ختمها
والروح والله لو ضحكت و تسليت=حب الوطن يجري مع أعروق دمها
ورجاله اللي ثبتوا الحق تثبيت=بعدل وأمان و الكرم من شيمها
دون الوطن ترخص ارواح لها صيت=تبيع و تشري بسوقها و تحسمها
والدار تأمن لو على كف عفريت=ما دام ابو متعب هو اكبر خدمها
ويا الله ياللي فوق خلقك تعليت=أنك تعز الدار و اللي حكمها

وسلمتكم,,,,,,,
اخوكم ابن عمير الحقباني

العزيز الغالي : ابن عمير الحقباني

لاشلت يمناك يالقرم على نقل هذه الرائعة اللتي ليست بغريبة على شاعرها

فصح الله لسانك ولسان الساعر سويد بن راشد الحقباني

لاتحرمنا من نقلك المميز

تحياتي العطره

محب الجميع