مرثية سامي بن محمد الـأحمد السديري في الـأمير : سلطان بن عبدالعزيز رحمة الله

[معلومات العضو جزل الفرايد]

توديع حضرة جنابه

***


دمعي تهشّم في ثرى العود هتّان
وكلٍ بكى توديع حضرة جنابه

*
بــ الهون ياقبرٍ نزل فيه سلطان
بشويش ضمّه واحضنه في حبابه

*
شف وجه الأرض احزانه أشكال وألوان
متخالطٍ فيه العــزا والمهـابه

*
يادمعتي هاتي من الدمع ودّآن
الوسم مقبل وآمطري ياسحابه

*
على رفيع المنزله عالي الشأن
اللي لـ حاله دوم ماله مشابه

*
كان الكريم اللي له الجود عنوان
وكان العطوف اللي يحنّ برحابه

*
يالله أنا راجيك في سر وإعلان
تجبر عزانا به وترحم ترابه

*
واحفظ لنا السيفين نايف وسلمان
في ظل من يرجي ويحسب حسابه

*
عبدالله اللي يتعب الإنس والجان
النادر الشهم العزيز المجابه

*
أبوالجميع وشذرة السيف شامان
الله .. لا يكتب علينا غيـابه

*
.

.


شعر : سامي بن محمد الـأحمد السديري
المصدر : جريدة الشرق الأوسط
السبت 9 / 12 / 1432هـ

http://twitmail.com/email/615823126/...B9%D9%88%D8%AF

 

 

 

 

[معلومات العضو شافي بن راشد النتيفات]

الله الله

صح لسانك ولسانه ولاهنت على النقل الموفق

ورحم الله سلطان الخير

ورحم الله اسد السنة نايف

 

 

 

 

[معلومات العضو جزل الفرايد]

المشاركة الأصلية كتبت بواسطة شافي بن راشد النتيفات

الله الله

صح لسانك ولسانه ولاهنت على النقل الموفق

ورحم الله سلطان الخير

ورحم الله اسد السنة نايف

امتناني الجزيل أخي الكريم شافي النتيفات
لـ مرورك الكريم وثناءك الجزل
لا عدمتك

 

 

 

 

[معلومات العضو راشد المسعري]

مرثية صادقة من شاعر وافي وجزل في فقيد الأمة الإسلامية بأكملها

صح لسان أبو محمـــد ولسانك اخوي جزل الفرايد

تقبل ودي وتقديري ،،،،

 

 

 

 

[معلومات العضو جزل الفرايد]

المشاركة الأصلية كتبت بواسطة راشد المسعري

مرثية صادقة من شاعر وافي وجزل في فقيد الأمة الإسلامية بأكملها

صح لسان أبو محمـــد ولسانك اخوي جزل الفرايد

تقبل ودي وتقديري ،،،،

مشكور أخوي راشد المسعري
ولا هنت على هذا المرور الجميل والثناء الجزيل
لا عدمتك