((سعيد وسعيده))

**معلومات** **العضو** · 09-09-2010, 07:48 PM

يا اهل العقول الواعيه والرشيده= المنكر اللي عمنا يبغي إنكار
اسلامنا وسلوم اهلنا التليده = بنو ما بين الحق والباطل جدار
و أوطاننا صرح التطور تشيده = فيما يخدم المجتمع علم وإعمار
بعض الفضائيات تبغي تبيده = وتنشر ما بين اجيالنا الخزي والعار
قتيلها جيل وعقول وعقيده = وموت العقول اشد من قصف الاعمار
قناة ساحر حط فيها بريده = يقول راسلني واعلمك وش صار
وقناة نقص ورقص واللي يزيده = شات كلامة يجرح اعراض الاحرار
وقناه دز اسمك سعيد وسعيده = واصبر وشف للحب نسبه ومعيار
وقناه تجمع كل جنس وضديده = بين اربعة جدران من كل الاقطار
واسهر وشجع اللي تريده = يفوز ويسمونه العالم استار
واراع القناه اهم حاجه رصيده = لا لامته نفسه ولاخاف من نار
وترا الفضائيات فيها المفيده= ما ننكر انها في الدجى مثل الانوار
قناة دين وعلم واشياء حميده = تاريخ واشعار وثقافات واخبار
بأسم الضمير اقولها في قصيده = يكفي خراب بيوت وافكار وديار

الشاعر//محمد بن فطيس

**معلومات** **العضو** · 09-09-2010, 08:35 PM

اخوي سالم الخضراني

عيدكم مبارك ولاهنت ع نقل القصيده صح لسانك ولسان ابن فطيس

تقديري لك ياذيبان ,,

**معلومات** **العضو** · 09-09-2010, 10:22 PM

بيض الله وجهك ياسالم على النقل وصح لسان بن فطيس

**معلومات** **العضو** · 10-09-2010, 05:18 PM

الله عليك يا سالم ،،
صح لسانك ولسآن أبن فطيس
وأنت جميل بحضورك بهذا القسم ومبدع ، ،
ولديك ذائقة شعريه كبيره واتمنى لا تحرمنا منها ..
أطربتني والله بهكذا الأحآسيس ،،
تقبل طلتي