يا حي صوتك لو يجي اليوم مبحوح

**معلومات** **العضو** · 15-09-2009, 08:32 AM

يا حي صوتك لو يجي اليوم مبحوح
له نبرةٍ تطربني اليوم وارتاح
صوتك بلا تلحين ممدوح ممدوح
غطّى على تلحين ( طلال مدّاح ) !!
كل الغلا لك داخل القلب مطروح
غلاك وسط القلب مرفوع ما طاح
أحدٍ يبيني غصب وتعافه الروح
وأحدٍ ملكني ولا معه قطعة سلاح
وأحدٍ غرامه يجلس أيام ويروح
إلا أنت حبك في الشرايين ما راح
لو صرت أنا بين المحبين مجروح
لبّى الجروح اللي تجي منك يا صاح
ولبّى ذنوبك والخطا منك مسموح
تعال هاك القلب لا تذخر جراح
ما دام حبك وسط قلبي له صروح
لا بد أشوف الناس في عيني أشباح
أثر المحبة ما بها لعب ومزوح
وأنا أحسب إن الحب من أول مزاح
ومن يوم حبيتك وأنا كلي وضوح
أهديتك وضوحي بدون أي مصباح
لو كل قلبٍ لا عشق صار مفضوح
كان الخلايق شافتك دون إفصاح
كنت أتمنى لحظة الصدق والبوح
وتشوف كيف جيوش همستك تجتاح
وإنك ما بين الناس راقيٍ لك سطوح
وإن العنا لحظة مقابلك ينزاح
وإني أنا مغرم تولّع بمملوح
كنّي البحر ما تفترق عنه الأملاح
ما هوب عيب إني إلا غبت بنوح
العيب أخاوي بعد غيبتك الأفراح
لوجبت أنا شعري مفصّل ومشروح
يبقى غلاك لبعض الأبيات مفتاح
لأنك إلا من جيت والصوت مبحوح
أضيع لو إني معك صدق مرتاح

**معلومات** **العضو** · 15-09-2009, 08:41 AM

اشكرك اخي محمد الرجباني على هذه القصيدة الرائعة

**معلومات** **العضو** · 15-09-2009, 01:21 PM

صح لسانك يا محمد الرجباني

تحيااااااااااتي لك

نايف ابن شميعان

**معلومات** **العضو** · 15-09-2009, 08:10 PM

نص رائع .. وذائقه اروع
احسنت الاختيار
تسلم ايديك عــ النقل
ولا تحرمنا من ذاقتك
*
*
*

**معلومات** **العضو** · 15-09-2009, 10:03 PM

الله اكبر

بيض الله وجهك على هذا الاختيار الرائع

لاهنت

**معلومات** **العضو** · 16-09-2009, 01:50 AM

صح لسانك على هذه الأبيات الجميله

**معلومات** **العضو** · 16-09-2009, 05:30 PM

اشكرك اخي محمد الرجباني على هذه القصيدة الرائعة

**معلومات** **العضو** · 16-09-2009, 09:11 PM

محمد بن حمد الشكره ... نايف بن مفلح ابن شميعان ... عنود الرياض
يحيى الودعاني .... عاشق هريسان ... عبدالله الفاران

يا جعل ربي يطول في اعماركم ولا يخليني من منكم أن شاء الله
ومشكورين على مروركم

**معلومات** **العضو** · 16-09-2009, 10:33 PM

اثر المحبة ما بها لعب ومزوح
وأنا أحسب إن الحب من أول مزاح
ومن يوم حبيتك وأنا كلي وضوح
أهديتك وضوحي بدون أي مصباح
لو كل قلبٍ لا عشق صار مفضوح
كان الخلايق شافتك دون إفصاح

أبياااات رائـــــــــعه ،، يسلم نقلك لهااا ،، وصح لسااان الشااااعر ..

**معلومات** **العضو** · 16-09-2009, 10:56 PM

اقتباس:

المشاركة الأصلية كتبت بواسطة خيالية

اثر المحبة ما بها لعب ومزوح
وأنا أحسب إن الحب من أول مزاح
ومن يوم حبيتك وأنا كلي وضوح
أهديتك وضوحي بدون أي مصباح
لو كل قلبٍ لا عشق صار مفضوح
كان الخلايق شافتك دون إفصاح

أبياااات رائـــــــــعه ،، يسلم نقلك لهااا ،، وصح لسااان الشااااعر ..

الأروع مرورك يا خياليه ... ربي يسلمك ان شاء الله

مشكوره

الذين يشاهدون محتوى الموضوع الآن : 3 ( الأعضاء 0 والزوار 3)

		منتديات صحيفة وادي الدواسر الالكترونية