::: مـنتدى قبيلـة الـدواسـر الـرسمي ::: - يا حي صوتك لو يجي اليوم مبحوح

- :: قسم الـشعر العــام :: (http://alduwaser.org/vb/forumdisplay.php?f=16)

- - يا حي صوتك لو يجي اليوم مبحوح (http://alduwaser.org/vb/showthread.php?t=43373)

يا حي صوتك لو يجي اليوم مبحوح

يا حي صوتك لو يجي اليوم مبحوح
له نبرةٍ تطربني اليوم وارتاح
صوتك بلا تلحين ممدوح ممدوح
غطّى على تلحين ( طلال مدّاح ) !!
كل الغلا لك داخل القلب مطروح
غلاك وسط القلب مرفوع ما طاح
أحدٍ يبيني غصب وتعافه الروح
وأحدٍ ملكني ولا معه قطعة سلاح
وأحدٍ غرامه يجلس أيام ويروح
إلا أنت حبك في الشرايين ما راح
لو صرت أنا بين المحبين مجروح
لبّى الجروح اللي تجي منك يا صاح
ولبّى ذنوبك والخطا منك مسموح
تعال هاك القلب لا تذخر جراح
ما دام حبك وسط قلبي له صروح
لا بد أشوف الناس في عيني أشباح
أثر المحبة ما بها لعب ومزوح
وأنا أحسب إن الحب من أول مزاح
ومن يوم حبيتك وأنا كلي وضوح
أهديتك وضوحي بدون أي مصباح
لو كل قلبٍ لا عشق صار مفضوح
كان الخلايق شافتك دون إفصاح
كنت أتمنى لحظة الصدق والبوح
وتشوف كيف جيوش همستك تجتاح
وإنك ما بين الناس راقيٍ لك سطوح
وإن العنا لحظة مقابلك ينزاح
وإني أنا مغرم تولّع بمملوح
كنّي البحر ما تفترق عنه الأملاح
ما هوب عيب إني إلا غبت بنوح
العيب أخاوي بعد غيبتك الأفراح
لوجبت أنا شعري مفصّل ومشروح
يبقى غلاك لبعض الأبيات مفتاح
لأنك إلا من جيت والصوت مبحوح
أضيع لو إني معك صدق مرتاح