الملحمـه الأسلاميه .!! لشاعر الوطن فالح بن قشعم

**معلومات** **العضو** · 26-10-2008, 01:43 AM

السلام عليكم ورحمة الله وبركاته

هذي قصيده جديده لشاعرنا الكبير و المبدع و الرااائع فالح بن قشعم الهاجري

تتكلم عن اوضاع الأمه الأسلاميه في الدفاع عنالرسو صلى الله عليه وسلم

وأترككم مع القصيده

0

بسم الله الرحمن سيـري يالاقـلام = فاض الشعور ودوّنـي فالرسالـه
الشعر له موقف بطولي من اعـوام = يخلّـد التاريـخ وأثبـت مقـالـه
ماقالو الشعّـار مـن سالـف أيـام = لازال تردييده وانـا مـن خلالـه
أقرأ حضارات الامم وأرفع الجـام = عن واقـعٍ مشئـوم يرثـى لحالـه
ماكننـا خيـر أمـةُ بيـن الأنـام = قوم الرسالـه هادميـن الضلالـه
قومٍ لشـرع الله يحثـون الاقـدام = تحت لواء الاسـلام ديـن العدالـه
دين التسامح والتراضي والأكـرام = والعفـو والتقـوى وبـر وسهالـه
وشهادتين وفرض والحج وصيـام = وزكاة فطر ووصل رحـم ودلالـه
قـوم السيـوف العادلـه والتقـدّام = قوم الشهـاده والظفـر والبسالـه
قومٍ لهم كسـرى وعبّـاد الاصنـام = والـروم والتبّـع وعمّـه وخالـه
والهند واهل السند والشرق والشام = واللي ورى غزوين واللـيّ بجالـه
واللي عرق من حام واللي معا سام = واللي على وجه البسيطه ارحالـه
طاحت بيارقهم تحت سيف الأسلام = ورمحٍ لشـرع الله ماياقـف قتالـه
وأبطال للدعوه سعو سعـي مقـدام = والكل منهم فـي سطـره أحتفالـه
قـوم ماتغريهـا ملـذّات الأنعـام = تزهد بملك وعرش كسرى ومالـه
قومٍ لهم تفخـر عذيّـات الأنسـام = والرمح والسيف وعروق الأصالـه
واعوام واللي من ورى العام والعام = والامس واليوم وضحـاه وزوالـه
والغد واللي من ورى الغد والهـام = ان الفخـر منّـا ليـوم الازالــه
وحنّا نخاف الموت والموت قـدّام = ونرضى الاهانه من يدين الحثالـه
نسعى لكسب المال وانعد الارقـام = وفالبورصه كلـن يراجـع حلالـه
نركض وتغرينا ملـذّات الاحـلام = وابليس يغوينـا وينصـب احبالـه
من فيكم اللي قـام ليلـه ولانـام ؟ = ومن فيكـم بربّـه يجـدد وصالـه
ومن فيكم الليّ ساع سمع الندا قـام = ومن فيكم اللي يطلـب الله ويسالـه
ومن فيكم الليّ بطّل المصحف وهام = في حفـظ اياتـه بصـوتٍ جمالـه
تخشع له قلـوبٍ غشاهـا التنـدّام = على الذنوب اللـيّ جنتهـا افعالـه
حنّا ضحايا عولمة فكـر وأعـلام = ومظـاهـر وتقلـيـد ماينعنـالـه
وموضه وتسريحه وبنطال وافـلام = ونت وقنـوات وشريـط وبطالـه
وثوب انقليزي فاخر وشمغ بسّـام = وموتر جديـد ولازم انـه وكالـه
وشغّل بلوتوثـك وترقيـم واهيـام = تحت شعـار ان التعـارف زمالـه
شباب كول وصوت مذياع وانغـام = والليّ يعارضنا نقـول انـه عالـه
سـاذج وتفكيـره ولـو دام مـادام = رجعي وعايش في زمان الجهالـه
مانـدري انّ مانفعلـه كلّـه اثـام = ونشيل فوق المتـن عبـئ وعبالـه
الغرب يضحك والعرب قوم هنـدام = واللـي يبيـه الغـرب لازم ينالـه
الاسلام يخـدش والمسلميـن نيّـام = وصرنا أرهاب ورعب في كل حاله
رسولنـا يهجـى بكراتيـر رسّـام = وحنّا مجرّد هيكـل وعقـل دالـه
نستنكر ونشجب بلا فـرد وحـزام = الصوت عالي والفعـول استحالـه
ماعندنا غيـره ولا فيـه ضرغـام = الكـل منـا منشغـل فـي حوالـه
القدس محكومٍ على شعبـه اعـدام = وبغداد ينزف مـن يديـن احتلالـه
في غنتنامو كم مـن مسلـم انظـام = وابو غريب اللـي مايبغـي دلالـه
تبّـت يديـن الـذلّ مافيـه عـزّام = به من صلاح الدين والا اخصالـه
او معتصم بغداد ابوّ فيصـلَ سـام = الليّ يشل الروس ضرب اعتدالـه
الى متانـا بـس هنـدام وأجسـام = الفعل مـاش وفالعـزوم أنحلالـه
عـرب تفاخرنـا بجـدّان وأعمـام = وعقولنـا لازال فيـهـا خبـالـه
وأحزابنا واجد وخبـلان وأجـلام = مامن صـلاح وللـولاء أستحالـه
امسيرين وللأمـر الحـزب خـدّام = وامناصفين القسـم ذا لـه وذا لـه
ماكننـا قـوم الوفـاء والتشـيّـام = قوم الأصـول معربيـن السلالـه
متنـا مذلّـه وأنحطـاط وتحطّـام = والذلّ ساسٍ مايجـي منـه طالـه
أمّا نعيش أقوام تفخـر بنـا أقـوام = والا نصير لكوكب الأرض عالـه

**معلومات** **العضو** · 26-10-2008, 01:58 AM

البدوية

يعطيك العافية على نقل هذه القصيدة للشاعر الرائع فالح بن قشعم وإن كنت لا أوافقك في العنوان بأنه شاعر الوطن ، لو قلتي أحد شعراء الوطن أفضل ...
لأن شاعر الوطن عندنا في السعودية هو خلف بن هذال ، أما إذا كان ابن قشعم غير سعودي فربما. وهو على كل حال شاعر مميز ورائع في القائه وحضوره .

**معلومات** **العضو** · 26-10-2008, 02:02 AM

أمّا نعيش أقوام تفخر بنـا أقـوام
والا نصير لكوكـب الأرض عالـه

صح لسان الشاعر بن قشعم..

عوآآآآفي ع النقل المتميز..

**معلومات** **العضو** · 26-10-2008, 02:04 AM

ياهلا وغلا والله فيك ياخوي راشد ومنور المتصفح

بهالحضور الراقي و الكلمات الطيبه

والشاعر فالح بن قشعم شاعر كويتي وكان مشارك السنه اللي طافت في شاعر

المليون ومثل دولة الكويت خير تمثيل وتشريف

وتم اطلاق عليه لقب شاعر الوطن من الشعب الكويتي و الصحافه الكويتيه

وهو كفووو و يستاهل هذا القب

ومره ثاانيه شاكره لك و منورنا ياخوي راشد

**معلومات** **العضو** · 26-10-2008, 09:40 PM

بل هو شاعر الوطن اخوي راشد وغيره لا يهمك
صح لسان الشاعر القدير فالح الهاجري
و يعطيك الف عافيه يا البدويه على الطرح الجميل
تحيااااااااااااااااتي

**معلومات** **العضو** · 26-10-2008, 09:50 PM

صح السان الشاعر على القصيده الرائعه

ولاهنتي على طرحها ويعطيك العافيه

تحيااااااااااااااااااااااااااتي

**معلومات** **العضو** · 26-10-2008, 10:09 PM

يعطيك العافيه اختي البدويه على هذا الطرح ونعم بالشاعر فالح بن قشعم

تقلبي تحياتي

ولد ودعان

**معلومات** **العضو** · 26-10-2008, 10:20 PM

يستاهل الهاجري لاهنتي تحياتي

**معلومات** **العضو** · 27-10-2008, 12:10 AM

اقتباس:

المشاركة الأصلية كتبت بواسطة السيف دايـم

أمّا نعيش أقوام تفخر بنـا أقـوام
والا نصير لكوكـب الأرض عالـه

صح لسان الشاعر بن قشعم..

عوآآآآفي ع النقل المتميز..

ياهلا فيك ياخوي السيف ومنور الموضوع ويعطيك العافيه عالرد الطيب ولاهنت

**معلومات** **العضو** · 27-10-2008, 12:13 AM

اقتباس:

المشاركة الأصلية كتبت بواسطة شافي القويسي المخاريم

بل هو شاعر الوطن اخوي راشد وغيره لا يهمك
صح لسان الشاعر القدير فالح الهاجري
و يعطيك الف عافيه يا البدويه على الطرح الجميل
تحيااااااااااااااااتي

يسلموووو ياخوي شافي وصح لسانك على هالحجي الطيب والصادق

ايوالله ان شاعرنا الكبير فالح بن قشعم هو شاعر الوطن

والله يعطيك الف الف عاافيه ولاهنت

**معلومات** **العضو** · 27-10-2008, 12:15 AM

اقتباس:

المشاركة الأصلية كتبت بواسطة ابو فهد الغييثي

صح السان الشاعر على القصيده الرائعه

ولاهنتي على طرحها ويعطيك العافيه

تحيااااااااااااااااااااااااااتي

شاكره لك ياخوي ابوفهد الغييثي على عالرد الطيب و الحضور الجميل

ونورت الموضوع

**معلومات** **العضو** · 27-10-2008, 02:51 AM

البدويه لاهنتي على نقل الملحمه الاسلاميه لشاعر الوطن

الشاعر القدير فالح بن قشعم الهاجري وصح لسانه وبيض الله وجهه

قصيده جزله غير مستغربه من شاعر كبير وجزل

خالص التقدير والاحترام

**معلومات** **العضو** · 03-11-2008, 10:03 PM

اختي شهـــــد الكويـــــت البدويـــــه

صح لسان الشاعر فالح لين يرضى ... ونعم به وفي ربعه بني هاجر

ولكن مع احترامي القدير لفالح فهو ليس شاعر الوطن

هناك اسماء اكبر منه سناً وشعراً يستحقون هذا اللقب ( شاعر الوطن ) في دولة الكويت

ووجهة نظري ان لقب شاعر الوطن لايطلق على الشاعر من جمهوره

فكلمة الوطن تطلق من امير البلاد او شيخ البلاد

مشكوره يا البدويه على نقل هذه القصيده

دوسري مطنـــــــــــــــــــــوخ

**معلومات** **العضو** · 03-11-2008, 10:46 PM

مانـدري انّ مانفعلـه كلّـه اثـام = ونشيل فوق المتـن عبـئ وعبالـه
الغرب يضحك والعرب قوم هنـدام=واللي يبيـه الغـرب لازم ينالـه
الاسلام يخدش والمسلميـن نيّـام=وصرنا أرهاب ورعب في كل حاله

صح لسان بن قشعم ولاهنتي علي النقل وانا مع الاخوان في ما ذكروا انه لم يطلــق

علي بن قشعم مسمي شاعر الوطن >>جديده

**معلومات** **العضو** · 04-11-2008, 08:15 PM

اقتباس:

المشاركة الأصلية كتبت بواسطة ولد ودعان

يعطيك العافيه اختي البدويه على هذا الطرح ونعم بالشاعر فالح بن قشعم

تقلبي تحياتي

ولد ودعان

ولد ودعان الف شكر لك على هالرد الطيب وياهلا وغلا فيك

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية