قصيده في الاخ الفاضل راشد ابن محسن

[معلومات العضو محسن ال بريك]

من لا يشكر الناس لا يشكر الله ,,
هاذي ابيات مسويها في الاخ راشد ابن محسن وهو السباق فالعلوم والغانمه جعله يسلم وياكم ,,


تحضر المراجل عند بعض العرب وتغيب
وعلم الحيا والطيب يـــذكــر ونــدريـبـه

واللي وقفته لا من وقف تتعب الهييب
هذا له ترز البيض ويـشهــر بــطــيــبـه

ومواقيف ابو محسن لو اعد بالترتيب
انا ويش ابخلي ووش عــاد بــجــيـبه

ملكني ولد محسن بطيبه وانا مانيب
من ياخذ جميل اهل الجمايل ويقفيبه

رجلن في وفاه وفي مقامه عداه العيب
مجمل وعــلــم الــطيــب كفوه ويحريبه

تسوقه على فعل المراجل روابع طيب
وهو ماقـفــه لا قــام كــلن يـهــذريــبــه

راشد سيفن مجرب مايحتاج له تجريب
فــعــولــه امــام فــعــول غـيره تـمـاريـبـه

مــراقـيـه في ضلع الشكاله مراقي ذيب
وتـرى للوفــا ضــلــع وترى راشدن ذيـبـه

انا اشكرك ياراشد وانا الشاعر الكــتـيـب
وانت الشامخ اللي لايقن به مديحي به



وسلامة الجميع ,,

 

 

 

 

[معلومات العضو الكاتم]

الله الله صح لسانك ملايين ابيات جزله وابومحسن يستاهل

 

 

 

 

[معلومات العضو شافي بن راشد النتيفات]

ارحب يامحسن تراحيب المطر
وماشاء الله ابداع ولايستغرب عليك
صح الله لسان واللي زاد من جمال الابيات
انها في علم من اعلام القبيله الافذاذ
وهو والله يستاهل ابومحسن ماقيل فيه

 

 

 

 

[معلومات العضو كنسل مواعيدك]

الله الله لله درررررك وصح الله لسانك حرام بالله انه شاش راسي جعل شايبك في الجنه والله انك حصان ولد حصان
وراشد ابن محسن المسعري نوماس وفخر وتاج لكل
دوسري ودائمن اقول للاستاذ راشد المسعري اللي ماعرفك والله ان حياته خساره
راشد ابن محسن شهادتي فيه مجروحه
واشكرك كل الشكر والتقدير على القصيده الجزله وبيض الله وجهك ويعجز اللسان والقلب عن التعبير بما في قلوبنا

 

 

 

 

[معلومات العضو ابومبخوت الدوسري]

ارررحب اررررحب ي محسن
ازداد نور المنتدى بنور تواجدك ...

صح السانك وبيض الله وجهك ي القرم ..
ويستاهل ابومحسن المدح ويستاهل كل خير ....

اكرر ترحيبي بك والله يحييك ي السنافي

تقبل تحياتي وتقديري ،،

 

 

 

 

[معلومات العضو ابو زابن المسعري]

الاخ العزيز محسن آل بريك
اررررررحب تراحيب المطر وحيااااك الله
بيض الله وجهك على اتحافنا بهذه القصيده
قصيده جزله ومن شاعر جزل وفي رجل يستاهل
صح السانك وارتفع شانك

 

 

 

 

[معلومات العضو عبدالرحمن بن فلاح آل بريك]

أرحب يا محسن وصح لسانك ملايين يالقرم .
وراشد بن محسن يستاهل ما قيل فيه وهو كفو
وشهادتي فيه مجروحة .
ونورت المنتدى بتسجيلك وتواجدك يا أبو تركي ..

 

 

 

 

[معلومات العضو نآصر البدراني]

يطربنا القصيد شعاد لاصار جزل ومدح من يستحق ويستاهل


بيض الله وجهك على الجزله في رجلٍ كُفو في ذمتي


مرحبا عد من لبى بمكه وطاف انظامك شرف لنا


مرحبا ومسهلا

 

 

 

 

[معلومات العضو مبارك بن شافي النتيفات]

ارحب يامحسن تراحيب المطر

الله يحييك في محلك

وصح لسانك ملايين واعتلا شانك ع هذي الدرر

وابومحسن كفو ويستاهل ماقيل فيه

تحياتي واحترامي لشخصك الكريم

 

 

 

 

[معلومات العضو محسن ال بريك]

البقااا جمييع جعلكم فالوجود وعساني م اعدمكم يا محزمي المليان ,,

والله انه يثلج صدري لا شفت ردودكم ودريت ان طرحي نال على اعجابكم ورضاكم
عسساني عند ظنكم دايم وفوق هقوتكم جميع ..
وابو محسن يستاهل منا اكثر جعله يسلم وياكم

 

 

 

 

[معلومات العضو بنت الذيب]

الأخ راشد المسعري كفو ويستاهل المدح

صح لسانك اخوي محسن وبيض الله ويهك على هالابيات الجزله

تقبل مروري وتقديري

 

 

 

 

[معلومات العضو محسن ال بريك]

صح بدنك ولا هنتي يا اختي ووجهك ابيض

 

 

 

 

[معلومات العضو راشد المسعري]

ارحب يابو تركي
صح لسانك وسلمت ياجزل المعاني وجزل المراجل
أبياتك وسام على صدري وتزيدني لأنها من رجال كفو شرواك
وعسانا وياك من المجملين دايم عند ربعهم ومعارفهم
اكرر شكري ودمت مميزاً وتقبل ودي وتقديري ،،،،

 

 

 

 

[معلومات العضو محسن ال بريك]

البقا الله يحييك ,, وصح بدنك وماعليك زود .. انت السباق فالعلوم الغانمه جعلك تسلم