محرقة الصدور

**معلومات** **العضو** · 24-10-2009, 08:23 AM

باكتم الأحساس وأطوي في ثناياه الشعور
وأبلع العبرات واسكت يا غلاي وماأتكلّم

أنت تدري ياحبيبي شنهي محرقة الصدور
لا كتمت الآه والا تبتسم وأنت إتتألّم

خلّها تحرق حروفٍ تلتهب وجه السطور
خل أعبّر عن شعوري وآتشكى وأتظلّم

خل كل الناس تدري إني لا صحت معّذور
وإني طحت وطيحتي ياسيدي طيحة معلّم

وإن ليلي لا بدالي جت كما سرب الطيور
آه يا همومٍ تجيني كلما هالليل ظلّم

تركب الولهان حمى" حالته منها دبور
بس أهذري من سببها وآتقلّب وآتحلّم

لا تضايق ياحبيبي باكتمه باقي الشعور
وإن تواجهنا فديتك بس أسلم بس أسّلم

اختياري