::: مـنتدى قبيلـة الـدواسـر الـرسمي :::

- :: قسم الـشعر العــام :: (http://alduwaser.org/vb/forumdisplay.php?f=16)

- - محرقة الصدور (http://alduwaser.org/vb/showthread.php?t=44960)

محرقة الصدور

باكتم الأحساس وأطوي في ثناياه الشعور
وأبلع العبرات واسكت يا غلاي وماأتكلّم

أنت تدري ياحبيبي شنهي محرقة الصدور
لا كتمت الآه والا تبتسم وأنت إتتألّم

خلّها تحرق حروفٍ تلتهب وجه السطور
خل أعبّر عن شعوري وآتشكى وأتظلّم

خل كل الناس تدري إني لا صحت معّذور
وإني طحت وطيحتي ياسيدي طيحة معلّم

وإن ليلي لا بدالي جت كما سرب الطيور
آه يا همومٍ تجيني كلما هالليل ظلّم

تركب الولهان حمى" حالته منها دبور
بس أهذري من سببها وآتقلّب وآتحلّم

لا تضايق ياحبيبي باكتمه باقي الشعور
وإن تواجهنا فديتك بس أسلم بس أسّلم

اختياري

رد: محرقة الصدور

صح السان الشاعر

ولاهنت على النقل

رد: محرقة الصدور

صح الله ابدنك يالطيب

ولاهنت على مرورك

رد: محرقة الصدور

صح الله لسانك ولسان القايل

اختيار راقي

ارق التحايااااا

رد: محرقة الصدور

صح ابدنس ولاهنتي على مرورس

رد: محرقة الصدور

صــــــــــــــح لسانك...ولسان شاعرها..

إختيار...راقي..موفق..يدل علي ذائقه شعريه..مميزه..

رد: محرقة الصدور

صح ابدنس وتسلمين هذا من ذوقس لاهنتي

رد: محرقة الصدور

صح لسانك واعتلا شانك ولاهنت على القصيده الرائعه

تحياتي