تكفى يابن فارس فهد منبع الجود
ياملتجى من حدته سود الايام
ياللي علومك ترفع الراس وتزود
ندخل بوجهك ياسند كل منظام
نايف ولدكم من ورى الحجز مضهود
وماله سوى وجهك منجي وملزام
بيديه كلباش ن وفي رجله قيود
يصارع اللوعات عام ن ورى عام
تقفلت لبواب معاد به فود
يكون باب ن عند بن فارس ان قام
تكفى وتكفى ياحجى كل ملهود
تكفى وتكفى وانت للطيب مقدام
تكفى وتكفى والفهد خلفه فهود
تكفى ياعز اللي ذخر مثلك حزام
تكفى ياذخر اللي من الضيم محدود
تكفى وتكفى مالها الا انته شمام
الجازي وحنا مع الجازي حشود
ندخل بوجهك لايجي نايف عدام
تايب ومتحسف ونادم ومضهود
ويصارع اللوعات عام ورى عام
شافي بن راشد النتيفات