[معلومات العضو شافي بن راشد النتيفات]

العفو عند المقدرة من شيم الكرام" الحمد لله والصلاة والسلام على رسول الله وعلى آله وصحبه أما بعد: فيكفي في فضل إعتاق رقبة مسلمة قول النبي صلى الله عليه وسلم: من أعتق رقبة مسلمة أعتق الله بكل عضوٍ منه عضواً من النار حتى فرجه بفرجه. متفق عليه من حديث أبي هريرة رضي الله عنه. يناشدكم اخوكم نايف بن عساف الغييثات الدوسري من خلف القضبان وقد حكم عليه بالقصاص بان تقومو وتسعو في عتق رقبته التي عتقها بيد بني عمه الشيينة وهم من اهل العفو والصفح والعفو عند المقدرة من شيم الكرام وان شاء الله انهم قادرين على ذلك ومن هذا الموضوع اناشد انا كذلك بهذه القصيدة التي اسال الله ان ينفع بها وان تكون سببا في عتق رقبته وهي من كلمات / شافي بن راشد النتيفات واداء المنشد / جريم المصارير

يالله ياربي عليك التوافيق=اقبل دعا اللي قلبه معلق فيك
اغيب ساعه وارجع شوي وافيق=وانخاك ياللي قافي اليوم ناصيك
حر تعلا فوق روس الشواهيق=دهس وشعري جالك اليوم ناخيك
الطيب من بينك وبينه مواثيق=والجود والفزعه ترا من هقاويك
ماجاتلك منا ومنا تلافيق=ورث ورثته يادهس من مناشيك
ادخل عليك بجاه رب المخاليق=وادخل عليك بجاه خلقه وندعيك
وادخل عليك بوجه ربع مشافيق=اللي ترجا وقفة من مباديك
باسم الدواسر جيتك بدون تنسيق=وجمع القبايل يالسنافي تناديك
ندخل عليك بوجه من حده الضيق=ام تعلق قلبها يادهس فيك
تصفق بها شهب الليالي تصافيق=من بعد ربي يابيض الوجه ترجيك
تكفى وتكفى جيتك اليوم ما اطيق=حمل حملته جبته اليوم ناصيك
تكفى وتكفى مانبي منك تفريق=تكفى وتكفى والعفو من مباديك
الوضع مايحتاج هرجه وتعليق=الا يبيله وقفة منك واليك
العفو عند المقدرة للمطاليق=شرواك وانت اللي تنوشه بياديك
نايف ورا القضبان حمله كما طويق=روحه تراها كل ليله تناجيك
تكفون وانتم كلبوكم مطاليق=فكوه لام قيدتها الشرابيك

نداء السجين نايف عساف الدوسري كلمات شافي النتيفات اداء جريم المصارير

YouTube -

ومما قيل في هذه المناسبة قديما وحديثا هذه القصائد التي نسال الله ان ينفع بها

"قصيدة عبدالله بن بجاد الغييثات آداء سعد اليامي

" على YouTube -

"شيلة أم تنادي - آداء فهيد النتيفات"

"شيلة العفو عن نايف بن عساف كلمات محمد الغييثي"

في الختام نتمنى منكم جميعا الدعاء للسجين ان الله يلين قلوب اخصامه ويعتقوه وتقر عين امه به