الاولة جينا نبارك كلبونا للزميل=عن ازملاك ازفها والخيل من خيالها
يابوفلاح الاوله لك ياعسى عمرك طويل=تبنا لك البيضا على مابان وتهيالها
والثانية من هاجس يطرب على بدع الجزيل=يختارها ويركب المعنى على موالها
اسري على نور القمر واطرب على صوت الهديل=واجيب شردا ماضوت في مراح من يشقالها
لاجات من بين النشامى كل يحط ويشيل =كل يبيها ويتمنى انه هو اللي قالها
والثالثه سلام يا ال بريك مزبان الدخيل=العزوة اللي تنعرف يوم الجهل بافعالها
اهل الفخر واهل الظفر والطيب واصجاب الجميل=اهل اللقا يوم المواقف في اللزوم رجالها
اهل الكرم يوم الصعايب مابهم رجل بخيل=من جودهم كم روس قوم جمل الله حاله
ظرباتهم مسمومه وغاراتهم لاجا النزيل=تضرب بها الامثال لاقامت تعزوى ابطالها
هل واديا سمي بهم ولا يبي لهم بديل=بالوقفة اللي عمرته بفعلها وآمالها
عاقلهم اليا صاح صياح الخلا يطلع هبيل=في ساعة ماتوقف الفتنة حكي عقالها
عوق الكتايب لا وقف منها الردي عند الخليل=ماتنشد من السربه اللي قدمها واهوالها
قوم خلقها الله كفو مابينهم رجل ذليل=بياعة الارواح الى من الزمان امدالها
قوم ليامال الزمن ياصعب رايتهم تميل=فوق الجبال النايفات ترفرف ومنزالها
يقوله اللي ربعه تروم الصعايب والدليل=لاقلتنا نتيفات تمشي والسعد يبرالها
من غير قاصر في القبايل والمدايح سلسبيل=على الكفو والا الردي ماهوب من يسعالها
والرابعه صلو على محمد عدد ما انشا مخيل=والله يعز الدين والراية وكل رجالها