[معلومات العضو شافي بن راشد النتيفات]

بنظـم الأشعـارْ في ذكر حي لا يمـوتْ=العظيـمَ الواحْـدَ اللي على العرشَ استـوى
مخـرجٍ ذا النـون من ظلمِةٍ في بطن حـوتْ =وخالقِ الْنا الكُونْ كلَّه ويَعلم ما احتوى
هاض مكنونَ القريحـة ، ونظَّمـتَ البُيـوتْ=حاجْةٍ منهـا ضميـري تَأثَّـرْ وانكـوى
العقيدةْ في خطـرْ والمناهـجْ فـي شتـوتْ=والكتـاب وْسنـةَ المصطفـى راسَ الـدُّوا
يا هَـلَ التوحيـدْ كونوا على المنهجْ ثبـوتْ=وْخالْفُـوا نهـجَ الجهالـةْ وعُبّـَادَ الهـوَى
عن طريـقَ اسْلافكـمْ مركبتكـمْ لا تفـوتْ=كلْ مَـن خالف طريـقَ السلف ظلْ وْغـوى
وقُـوْةِ التيـارْ تخلـفْ مَسـار الجيلبـوتْ=ويَبلَـش البحـار ويتـوهْ فيهـا مـا قُـوى
يا هَـلَ التوحيـد دوسوا على راسَ الشُّموتْ=خلـوا الشمَّـاتْ عطشـان منكم ما ارتـوى
خلُّوَا الإخلاصْ منهجْ وْلأهـل الحـق قـوتْ=مَن سَرَح في الصيفْ مـن غير قِربةْ ما ضُوَا
لَلهـدى والعلـم لا لَلتفاخـرْ والنعـوتْ =واللهْ أنّ الجهـلْ والعلم ما صـارت سُـوى
مـن بنى نهجـه على الجهل مثل العنكبـوتْ=زخرفـتْ بيـت الكِسافـةْ وطيَّـرها الهَـوا
يا هَـلَ التوحيـدْ ما هي بْكشخاتَ البُشوتْ=عانـوا الثعبـان غدَّار بيَّـت وانطـوى
ادمغـوا راسُه وشـوتـوه بالأقـدامْ شـوتْ=كيف أنام وأسـوَد الدابْ في الرِّجْلَ التـوى
لا يجي لَلرافضـي مع هَـلَ التوحيد صوتْ=خالفـوه وكـل ما قـال قولـوا لـه لُـوى
وانشـروا توحيدكـم في المدينـةْ والخفـوتْ=العمـلْ نيـةْ توكـلٍّ يحصِّـل مـا نـوى
دافعـوا عن منهـج الحقْ ما هُـو بَالسكوتْ=استعينـوا باللهْ اللي فَلـقْ حَـبَّ النـوَى
واصدُعـوا بَالحـقْ والرَّجُلْ فيكـم لا يلوتْ=ْكلْ شيطـانٍ علـى هامْتِـهْ نجـمٍ هـوى
معشرَ الإسـلام ما هِي بجلسـاتَ البَلَوْتْ=اتقـوا نـارٍ تْمَـزِّعْ معاليـقَ الشـوى
لا يضيـعَ الوقـت بين المعاصـي والنكوتْ=لا يِجيـكَ المـوتْ والقلبْ غافل ما ارْعوَى