[معلومات العضو عبدالرحمن الشرافي]

هذه قصيدة لواحد قحطاني في خويه الودعاني



يقول فيها

:
[size=3]

سر يا رفيقي فوق قطاااع الارجـاس = جمـس جديـد مالقينـا مثيلـه
جمس على صوته تنبهو حراس= مشيه يسرك فـي الـدروب الطويلـه
كنه اليا سند مـع الشعـب عسـاس = سيـل يدمـر مالقـاه ويشيلـه
وكنه اليا حرك على الخط قرناس = له هـدة(ن) ترخـي علـوم ثقيلـه
وكنه اليا وقف على الضلع جساس = يرمي سهامـه بالظهـور العليلـه
تله وخله يوقض الجن والناس = خلـه يوسـم لـه علـى الخـط ليلـه
واحذر تحنه لو يجي فيه هوجاس = دبل على البنزيـن واقبـل جميلـه
دامك عرفت تسوق ملعون الارياس = روح على الحوطه وانسى المقيلـه
وعبه من البنزين وركد له الكاس = كاسه صعـوط المجانيـن السليلـه
واحذر تعدي به الوادي والامناس =عند الدواسـر وقفتـه ماهـي طويلـه
على لاد زايد معربين الجد والساس = لك عنوتي ياراعي اليمنى الطويله
قروم نسل قروم مارافقو لاادناس = عـز الرفيـق الـي زمانـه قبيلـه
وانشد عن الفرحان لاصرت منحاس = وسلم عليـه عـد مـادار ليلـه
قله رفيقك مامشى درب الا تعاس = ولا وطى بيـت جـاره والدخيلـه
باقي على خبرك وخبرك له قياس = دامك مسكت الطيب من كله ميلـه
ياسعود انا ياخوك ماعشت مفلاس = دام لرجال علـوم وللبنـت شيلـه
ولا خظعت الراس بين الاقدام منداس = الا سجودي لربي ماخظعني مثيله

وسلامتكم...