::: مـنتدى قبيلـة الـدواسـر الـرسمي ::: - عرض مشاركة واحدة

**معلومات** **العضو** · 20-11-2005, 02:18 PM

.

.

.

ردوا سلامي لابن قضعان واقرابـه

**********تحية(ن) له مـن الصمـان مندبهـا

يانعم بالاجودي شبـل شمـخ نابـه

*********ضيدان من لابة(ن) تتعب محاربهـا

ياناس قولوا لابن قضعان وش صابه

*********مثله يعرف الحقيقـه كيـف يقلبهـا

حنا هل الصلب والصمان واطنابـه

*********وشيوخنا من قديم العهـد منصبهـا

دار(ن) لعلوى هل الطولات كسابـه

*********للعز وان جا نهار الهوش نطربهـا

وان كان صاحت لها الدوشان طلابه

**********ياسعد منهـم ربوعـه ويتعزوبهـا

دار(ن) لفيصل زعيم القوم واصحابه

**********أخوان جوزا لها والفخـر منسبهـا

من عهد وطبان الاول هوش وحرابه

*********كل القبايل عـن الصمـان نرعبهـا

من دونها لابتي يانعـم مـن لابـه

*********حمر النواظر تعدي عـن مشاربهـا

مطير من دونهـا للـروح جلابـه

**********من المدينه لحـد السيـف مكسبهـا

من دونها يشبعون الذيـب وأعقابـه

**********كم شيخ قـوم ذبـح قبـل يخطبهـا

حاضر وماضي هذا التاريخ واقرابه

**********وترى الحقايق شهود الحق تنسبهـا

.

.