هذي القصيده للشاعر / شافي بن محمد بن وثيلان الغباشين الدوسري
عندما مر بظروف صعبه وقف معه رجال يستاهلون الطيب وهم كلا من
١ _ ناصر بن حماد المبزر النتيفات
٢ _ مدهش بن محمد القاماني النتيفات
٣_ سلطان بن الحبيط النتيفات
٤ _ بتال بن حشان بن حشان النتيفات
٥ _ شبيب بن برجس المصارير
واسند عليهم هذه القصيدة
بدينا بذكر الله ربي عظيم الشان = هو الواحد اللي مابعد خاب طلابه
هو الخالق الرازق هو الهادي الرحمن = والى الله كتب شي علينا رضينابه
الى راد شي كاتبه قال كون وكان = وحنا على صكات بقعا استعنابه
سبحانه اله راعي الفضل والاحسان = ولا رد عبد تايب يطلب التابه
وعند العشي عديتنا في طويل بان = ولاعاد رجم تالي اليوم سرنابه
قعدت اتذكر في المناعير والرديان = ولا اللاش ماينفع ولا من الردي ثابه
ترى اللاش ماينفعك الى من بدا لك شان = وعود العشر ماينفع اللي تعصابه
تضايقتنا والصدر معاد له ميدان = ولا كلم الجوال يوم اتصلنابه
نصيت المبزر يوم هو مارثة شجعان = وسد اللزوم ومرقب الطيب عدابه
سلامي على مدهش سلامي على سلطان = ابوناصر اللي كل طيب تهقوابه
وسلم على بتال بتال بن حشان = الى عدو اهل المرجله فاحسب حسابه
ابونايف ن تلقاه الى فشلو الرديان = الى صك جال جال ما ودك الا به
نتيفات تلقاهم الى حدك الزمان = سعد للرفيق وساعة الحرب حرابه
سلامي عليهم عد ماهمل الودان = وماسال سيل ينهب القشع وترابه
ولا انسى شبيب جعل يفداه كل هدان = ابن برجس طيبه وذكره سمعنابه
ولاد الحبيبي طيبهم من على الجدان = عوايدهم العليا وللطيب كسابه
اعد الصحيح ومن يعد الصحيح معان = ولا خير في ناس تجامل وكذابه