[معلومات العضو عبدالرحمن الشرافي]

بسم الله والصلاة والسلام على رسول الله



اما بعد ..


اضع بين أيديكم هذه القصيدة المتواضعه والتي قلتها رد على ابيات وصلتني البارح
من الشاعر / سلطان بن دخيل الله الشكره يقول فيها :

تسلم يمينك ياسلالة كحيلان=مدك جزيل من يدينا كريمه
تعطي جزيل المدمن غير نقصان=وماهو غريب لك عوايد قديمه
والك التحيه من هل العرف والشان=واثني تحيات الرجال الحكيمه
عرفتهم بالنت ذربين الايمان = ونعم المعرفه بالرجال العظيمه
ربعا يعزونك ولك عندهم شان=ورجلا جمعنا جعل ربي يديمه

فرديت عليه بهذه الابيات والسموحه على القصور:

لاهان منهو يبدع الجزل لاهان= شاعر بيوته كالسيوف الصريمه
شاعر يقول الشعر بأحسان وأتقان=انشهـد انـه يالنشامـا صتيمـه
يا مرحبا واهلاً هـلا يـا بليهـان=يا ابن الرجال اهل العقول الفهيمه
ربعك هل الفزعه ليا ثـار دخـان=الاد شكر(ن) لا غشاء الجـو غيمـه
ربع(ن) ثقال وحزة الهوش شجعان=وياقرد منهم فالملاقاء خصيمه
كم قاسي(ن) من ضربهم فاللقاء لان =وكم شيخ قوم(ن) فاختنه حريمه
وما اقول قول بلا وثايق وبرهان = ومن كان يبغى العلم هذا صميمه
ولاخاب منهو ترثته مثل سلطان = أنشهد أن ابوه جاد اتعليمه
ويا جعل قبر ابـوه همـال ودان=وعساه فالفردوس عايش نعيمـه
وختامهاه ما غرّد الطير بألحان = صلوا على اللي راضع(ن) من حليمه

وسلامتكم ..

أخوكم / عبدالرحمن بن سالم ال سودان الشرافي