أبيات لابن العم الشاعر \ خزيم ال بريك
[CENTER]
راكب اللي لانهمته يهــوش البعد هوش = هوش دانوق مع الموج حدته الريـــــــاح
راح مثل اللي يحده عقابـــين وحـــــــوش = وأنقطع منه الرجــــا وبعدن به ليــن راح
واحدن منهن لطومن على الهامه خموش = وواحدن منهن صفوق على ســيف الجناح
يبغي المحوال كونه ينوش القاع نــــوش = مير حدنه ولاعاد رايع للـــــــــصــــــــيا ح
وارد الفكسار ماصدره طونـــي وبـــوش = صدره شنق أنق أبن هنق مضمون النجاح
منوة اللي حده البعد مع قل القـــــــروش =عن وليف ألتون دونه الطرق الســـــــماح
لا ضحك لي بالمحاجر وطراف الرموش = هز قلبي كن في نظـــــــرته ســــم ذحـــاح
واهني من نش من مبسمه شربة نشوش = نشحة تبري غليل الضمير من الجـــراح
لو شرب منها لديغ الافاعي والحنـــــوش =راح سمه مثل برد الزلال من القـــــــراح
سلسبيل صافي اللون ماهوب مغشــوش = من معاسيل مباهيش مع بيض صحــــاح