رماد العمر
***
يا رماد العمر شف وجهي رمادي
شاحبٍ لونه .. ويكسيه
الذبول
*
ماشكيت الوقت إلا من سهادي
والأماني كلها صمت
وذهول
*
يازمان البين ، حاديني رقادي
وأدري إنه ماورىٰ صمتگ
حلول
*
السنين العوج ، زادت بالسوادي
وضاقت بعيني فضاها
والسهول
*
والديار اللي ورىٰ وادي بلادي
حيّرتني ويش اسميها
وأقول ؟
*
و الشعيب اللي سقىٰ ألفين وادي
ما روىٰ غير المقابر
والعجول
*
لا صدىٰ لا صوت لا رد المنادي
والفصول اتغيّرت ماهي
فصول
*
في شراييني ، ثمانيين انسدادي
وفي عروقي دم هادر من
سيول
*
والدهر ياصاح .. لا يمكن يهادي
مير بعض الناس له حظ
و قبول
*
ضاع عمري في جهادٍ و اجتهادي
والعمر رحلة .. وتاليها
أفول
*
أرجي اللي .. عالم بسرّ العبادي
إن لي في جنته حظ
وقبول
*
\
شعر :
سامي بن محمد الأحمد السديري
الرياض
الجمعة 6 سبتمبر 2013
/
06-09-2013, 02:52 PM
رماد العمر : سامي بن محمد السديري
العرض العادي
المواضيع المتشابهه
