في الشيخ عبدالله بن مصلح وفي الخييلات عامة

[معلومات العضو شافي بن راشد النتيفات]

قصيدتي في الشيخ عبدالله بن سلمان الخييلات وفي قبيلة الخييلات عامة حياك ربي يا اتصال جاني=من واحدا من خيرة الصدقاني رجل عزيز وله مكان عندي=من شان قدره جيتناله عاني ياناشد عنه وتبغي اسمه=عبدالله المعروف بن سلماني عبدالله اللي ينعرف بافعاله=في كل ميقاف يجيله شاني اصل الوفا واصل الكرم والجودي=واصل الفخر والطيب مايخفاني ايه انت ياعبدالله اللي وافي=رجل رزين وبالعقل ملياني ايه انت ياعبدالله اسمك واضح=نجم سطع بين النجوم وباني ايه انت ياعبدالله اللي فعلك=يظهر ليامن احتمى الميداني ايه انت ياعبدالله الله يلعن=من يجحد لفعلك ويمدح ثاني ايه انت ياعبدالله اقصد واعني=لك شكري وتقديري وعرفاني ابك انت من يستاهل الامداحي=ما انته بمن يسعى لها ويعاني تجيك منقاده وتخضع لجلك=ولها الفخر لاجاتلك يافلاني يابلسم جروح الزمن وظروفه=ياغيث ياللي لا انهمل وداني يانور من تظلم حياته توه=ماهوب هرج اللي يالاله داني لا والله بفعل يبيض وجهك=والبيض تنشر لك على الضلعاني من لاد مصلح مرهية باعداها=تكسر شباة السيف للطمعاني لاد الخييلي عز منهو جاهم=محتاج عزله وعز الجاني اهل الجموع اللي تدك الهية=لاثار عج الخيل بالفرساني خيالة الشرفا لاجا طاريها=لامن تعزوو كسبهم شيخاني خيالة الشرفا كعام العايل=الترك منهم عودو نثراني الهضب يشهد يوم حرب الرومي=خلي زعيم القوم في المقطاني اهل الرماح اللي تخضب بالدم=ماتنكسر لاصكو العدواني انتم هل الامجاد واهل الفزعة=وانتم رجال تكرمون العاني وانتم هل الخوة واهل ميقافي=وانتم دخيل وجيهكم ماهاني واللي زبنكم مضطهد ومغربل=ملجا لمنهو من عناه يعاني من نسل تغلب والتغالب تعرف=دواسر تذكر وخطل ايماني دواسر تعرف وتدرى دايم=دواسر تاسم عصا الجيراني دواسر في نجد حزنا امجاده=يوم الجهل ونوسع الحداني هذا كلامي واتحمل هرجي=يختم بختمي وانطقه بلساني نتيفي وختمي وراه موثق=وافخر بمجد خلفه جداني انا اشهد ان لاعزوة ماتنسى=لاد الجميلي عزي وتيجاني هذا وكل فيه حقه وافي=من القبايل واختم القيفاني شافي بن راشد النتيفات

 

 

 

 

[معلومات العضو راشد المسعري]

صح لسانك يابو شالح وكفو بالخييلات عامة يستاهلون المدح وكذلك الشيخ عبدالله بن مصلح كفو ويزهاه المدح
تقبل ودي وتقديري ،،،،