للبنات...والعزاب...أو أي أحد جوعان..يدخل بسرعه.

[معلومات العضو بنت أجواد]

للبنات:

إذا أنتي عليك اليوم العشاء ومحتارة وش تسوين طبق..
ولا جوعانة وتبغين طبق سريع ولذيذ..
ولا فيك شوية مسؤولية وتبين حل لأخوانك اللي ماياكلون بيض ولا مايشربون حليب..-------> تعالي معي

للعزاب المغتربين عن أهلهم:

إذا عليك اليوم الدور في تصليح العشاء لزملائك ومطفر ماعندك فلوس كل شوي تشتري من برى وما تدري وش تسوي..
إذا جوعان ومليت من خبز الجبن مع شاي,الإندومي,وكورن فليكس..ترى عارفعه معاناتكم عندي أخوي..-----> تعال معي

أنتم تعرفون فوائد البيض..
لكن المشكلة أنكم تكرهونه ,أو زوجك يكرهه,أو أحد أبنائك أو أخوانك..وأنا مثلكم لكن لقيت الحل وصاروا أخواني يطلبون أسوي لهم بيض..طيب تعالوا معي أعلمكم طريقه أضمن لكم إنها بتعجبكم لا وبعد كاملة من ناحية القيمة الغذائية وسهله يعني الكل يقدر يسويها ..

المقادير:

6بيضات.
5حبات جبن كيري او البقرات أي نوع عادي.
4شرائح مرتديلا أي نوع لكن الأفضل الديك الرومي.
ملعقتين زيتون أسود شرائح.
شوي ورق بقدونس يجي ملعقتين تقريباً.
شوي فلفل بارد اخضر.
ملح,فلفل أسود,ثوم لكن انتبهوا لاتكثرون إذا فيه أحد بيصلي في المسجد..استخدموا ثوم مطحون أفضل
شوي نعناع يجي ورقتين على شان تغطي على ريحه البيض والثوم..
لا تغركم كثره مقاديرها الي يتوفر حطوه لكن الأساس مثل البيض والجبن والمرتدلا او الزيتون لازم تحطونه..

الحين نجي للطريقة:

في الخلاط :الجبن,البيض,الملح ,الفلفل الأسود..وإذا ماعندكم خلاط إذا كان الجبن في الثلاجه يعني بارد خلوه على نار هاديه ولا بلمكرويف شوي.. على أساس يسهل خلطه مع البيض, واخلطوه مع البيض لحد مايطلع فيه رغوه..
قطعوا الفلفل البارد قطع صغار..وخلوه على جنب
البقدونس والنعناع أفرموه فرم خشن..وخلوه على جنب
المرتديلا قطعوها مربعات يعني تقريبا كبر...كبر..كبر أزرار حروف الكيبورد.

الحين كل هذي المقادير أجمعوها في صينيه قزاز لاتنسون تدهنون الصينيه قبل بزيت على شان مايلصق البيض..واخلطوها بملعقه..دخلوها بالفرن مولع على درجه متوسطه160.وانتظروا لحد ماتستوي ماتطول يمكن 10 دقايق أو بالكثير ربع ساعة ...

طرق التقديم:

يصلح تقدمونها مع النواشف..ولا تحشونها في خبز صامولي مدهون بمايونيز أو جبن مع شوي شطه يطلع طعمها روووعه..

القيمة الغذائية:

فيها كالسيوم في الحليب والبيض وفيتامين د, وفسفور,وفيها بروتين في الخبز وفي المرتديلا ,وفيها خضروات..
ناقصها بس فواكه نقدر نقدم معها كاس عصير برتقال وتصير وجبه كاملة من ناحية القيمة الغذائية..

....وبالهناء والعافية....

 

 

 

 

[معلومات العضو عبدالله آل بريك]

ما شاء الله عليك أختي بنت أجواد عندنا طباخه و أنا ما أدري
على العموم مشكووووووووووووووووووووووره على الطبخه الطيبه

ملاحظه :- العزاب ما يستخدمون ألا التونه فأرجو أذا كان عندك وصفه أن تساعدينهم

 

 

 

 

[معلومات العضو محمد البدراني]

بينت اجواد شكلك طباخه من جد
هههههههههههههه

 

 

 

 

[معلومات العضو بنت أجواد]

شكرا اخوي محمد على المرور...
اخوي عبد الله أبشر بالطلب بس أصبر علي شوي عندي وصفه بس لازم أجربها أول..

 

 

 

 

[معلومات العضو بنت أجواد]

*توست بالتونة*

المقادير:علبه تونة_شرائح خبز توست أبيض أو أسمر_جبن مبشور (حق البيتزاء)_بصل مفروم_شوي بهارات_بيضه.

الطريقة:

1. يقطع الخبز دوائر أو مثلثات أو مربعات حسب الرغبة.
2. تصفى التونة من الزيت وتخلط مع البيضة والبهارات.
3. يقلى البصل في زيت التونة حتى يذبل ثم يضاف للتونه.
4. تدهن شرائح الخبز بخليط التونة ثم تغطى بالجبن المبشور.
5. ترص في صينيه مدهونه بزيت على شان مايلصق وتخبز حتى تحمر ويسيح الجبن.

وبالهناء والعافية
كاملة من ناحية المجموعات الغذائية ما عدا مجموعة الفواكة..والحل ممكن نقدمها مع كاسة عصير.

طريقه ثانيه للتونه:

ممكن إضافه مقادير على الطريقه اللي قبل مثل:
*ملعقة أكل معجون طماط+زيتون أسود+فلفل أسود تضاف مع خليط التونه
*شوي مرة ثوم مهروس يدهن به الخبز قبل دهن خليط التونة.ويفضل الأستغناء عنه إذا ماعرفتوا له لان طعمه وريحته قويه.

*مكرونة بالتونة*

المقادير:

1. علبة مكرونة مسلوقة.
2. بصل مفروم.
3. ملعقتين كبيرة زيت.
4. نص كاس فطر مقطع..(مو ضروري).
5. علبة قشطة.
6. علبه تونة.
7. ملح+فلفل أسود.
8. زبدة.
9. بهارات.
10. ملعقتين كبيرة جبن مبشور.

الطريقة:

*يحمر البصل في الزيت ثم يضاف الفطر والقشطة ويطبخ لمدة 4دقايق ثم نضيف التونة والبهارات.
*نصبها فوق المكرونة المتبلة بالزبدة والفلفل والملح ونرش عليها الجبن.

وبالهناء والعافية

 

 

 

 

[معلومات العضو عبدالله آل بريك]

مشكوووووووووووووووووووووووره أختي بنت أجواد على تلبية الطلب
وبالفعل الشباب اللي عطيتهم الوصفات كلها جربوها
وقالوا كانت أحسن طبخه
فأنا أشكرك على أهتمامك والله يقدرني أرد جميلك يالغاليه

تقبلي تحياتي

 

 

 

 

[معلومات العضو مطلق الحصان آل عمار]

بنت اجواد

الله يعطيك العافيه على الموضوع

ونا ما ذبحني ذيك الايام الا اللقيمات اعجنها منا وتمغط منا المهم انها تطلع لي اشكال الظاهر مافيه احد طلعها فالعالم

بس ما كلينها ماكلينها

لك بالغ شكري وتقديري

ولا هنتي