آلتجربة ,, محمد جااار الله السهلي

[معلومات العضو برقن سرى]

آسعد الله مساااكم

مشاركتي اليوم ,, قصيده

وهي للشـآعر .. محمد جـآر الله السهـلي

بعنـوآن [ التجربهـ ]


تقـدم الدنيـا لنـا درس ٍ جديـد بـكـل يــوم
والناس تسلم من غثا الدنيـا بحفـظ دروسهـا !!

وعلى حسب حفـظ المواجيـب وتعاليـم السلـوم
نعـرف مقاسـات البشـر بالمرجلـه ونقوسهـا

صيت الرجال الوافيّـه بأفعالهـا .. ولا ّ الرخـوم
ينبيـك عنهـا : قـل نفعتهـا وشيـن نفوسهـا

تطرد ورى الدنيـا وتكشـخ بالمواتـر والهـدوم
مثل ( الحريم ) أغلب دراهمهـا علـى ملبوسهـا

والإمعـه والشايـب الكـذّاب وضعيـف العـزوم
ناس ٍ مع العالم بـلا هيبـه تدربـي روسهـا !!

والبخل : خلاّنـه بهايـم !! لا تسـام ولا تسـوم
لا شفتها ترفـع يـدك حمـد وشكـر وتبوسهـا

على الصحن هم أول الجلاّس وآخـر مـن يقـوم
يعيّفـك حلـو الاكـل والشـرب طـول جلوسهـا

ماهيـب للـلازم سنـد ولا ذخـر عنـد اللـزوم
تمـوت ماسـرّك مهايطهـا وكـثـر فلوسـهـا

وسوالف الخبلان .. رفعة ضغط وصداع وهمـوم
فـلاوة ٍ تخطّـف علـوم الـعـرب وتحوسـهـا

واجب عليك إليا حكت عن جملـة حكاهـا تشـوم
الهند مـا يـرأس حكومتهـا سـوى هندوسهـا

وربع المصالـح والمجامـل خـوة ٍ ماهيـب دوم
اقولهـا والتجربـه قطـع وريــدي موسـهـا

وقت الرخا .. مثل الصقور اللي على المرقب تحوم
فيّ ٍ يـذّري ساقـك الرمضـا وحـر ّ شموسهـا

وإليا احتمت صكّات بقعا وامست علومـك علـوم
اتلـوّي خششهـا وتجحـد خوّتـك وتدوسـهـا

من عقب ما انت الطيّب وقدرك معـزّز ومحشـوم
تصيـر اردى مـا خلـق ربـي ودم ضروسهـا

أبعد عن الأشكال ذي .. بعد الثرى عـن النجـوم
وش حاجتك في قرب رديـان العـرب ونجوسهـا

ماهوب عيب إليا عزموك تقول يالربع .. معزوم !
العيـب : لارحـت لعزايمهـا وجيـت عروسهـا

وخلّـك فطيـن تعلّمـك دنيـاك درس بكـل يـوم
الرجل يسلم من غثا الدنيـا بحفـظ دروسهـا !!



منقووول

وسلآمتكم ..

 

 

 

 

[معلومات العضو بطل]

صح الله السان السهلي ويعطيك العفافيه يابرقن سرى
النقل الجميل

 

 

 

 

[معلومات العضو نآصر البدراني]

صح لسان ابن جار الله لين يرضى وتسلم يمينك يابطل على النقل


لاهنت

 

 

 

 

[معلومات العضو شافي بن راشد النتيفات]

صح الله لسانك على النقل الرائع

 

 

 

 

[معلومات العضو عبدالرحمن بن فلاح آل بريك]

صح لسانك ولسان السهلي . لا هنت على النقل المميز .

 

 

 

 

[معلومات العضو مبارك بن شافي النتيفات]

صح لسانك ولسانه ولاهنت على النقل

 

 

 

 

[معلومات العضو رفيف للتصميم]

 

 

 

 

[معلومات العضو محمد راشد النتيفات]

صح السان الشاعر محمد السهلي

ولاهنت على النقل

 

 

 

 

[معلومات العضو برقن سرى]

المشاركة الأصلية كتبت بواسطة بطل

صح الله السان السهلي ويعطيك العفافيه يابرقن سرى
النقل الجميل

آخوي العزيــز

بطــــل

لك الشكر على المرور

 

 

 

 

[معلومات العضو برقن سرى]

الأخوااان الآعزاااء

ناصر البدراني

شافي بن راشد

عبدالرحمن بن فلاااح

مباااارك بن شاااااااااااافي

جزيل الشكر لكـ م على المرور