جديد محمد ابن فطيس

[معلومات العضو ابكي واجامل]

إضحك وفـلّ حجاجـك اشفيـك محـزون
.........دنـيـاك ماتـسـوى وخـذهــا نصـيـحـه..

مــادام مـالـك مـيـت ولا انــت مـديــون
.........ارم الهـمـوم وخــل نـفـسـك مـريـحـه..

لـو كانـوا اصحابـك يضـاهـون ملـيـون

.........نــق الكـفـو منـهـم وخــل السطيـحـه..

ولا تشتـكـي للـنـاس لوكـنـت مطـعـون
.........(والـذم مـن بـعـض الخـلايـق مديـحـه)..

ولا تنـحـنـي للهم وتـعـيــش مـغـبــون
.........تـرا المريـح اهـل العقـول الصحيـحـه..

لاصـرت صـادق قالـوا النـاس مجنـون
.........مايـمـدحـون الا الـنـفـوس القـبـيـحـه..

وخلـك صـمـود بـوجـه الايــام و موزون
.........ومـــا حـــرم الله إثـــم لا تستـبـيـحـه..

والكـبـر لــو بــه فـايـده فــاد فـرعــون
.........ومــن ذاع ســرّه بـشّـره بالفضـيـحـه..

والله لــو يعـطـون لـــك مـــال قـــارون
.........ماشـفـت نفـسـك بالغـنـى مستريـحـه..

انفـض همـوم القلـب وابليـس ملـعـون
.........وان ضاق صدرك ارض ربي فسيحه

 

 

 

 

[معلومات العضو بنت الذيب]

صح لسان بن فطيس

وتسلم اخوي على اختيارك الرائع

ربي لاهانك

 

 

 

 

[معلومات العضو ابكي واجامل]

صح الله بدنك ولاهنتي على المرور

 

 

 

 

[معلومات العضو حمد ابن فهد]

صح لسانه ابن فطيس

والله يعطيك العافية على النقل الاكثر من الرائع

 

 

 

 

[معلومات العضو ابكي واجامل]

المشاركة الأصلية كتبت بواسطة حمد ابن فهد

صح لسانه ابن فطيس

والله يعطيك العافية على النقل الاكثر من الرائع

صح الله بدنك وياهلا وسهلا فيك اسعدني مرورك