يا كثر الاصحاب يوم اللعب

[معلومات العضو طيب الخووه]

السلآم عليكم ورحمة الله وبركآته


يا كثر الاصحاب يوم اللعب والدشره
يوم الملاهـي تـدوّر مـن يلهيهـا

واليوم لا عاد لا خـوه ولا عشـره
الله ولا رفقـة هــذي تواليـهـا

ناس مع المصلحه عشره على عشره
وان حدك الوقت حدة لـك جنابيهـا

اللي حياته مـع البيلـوت والنشـره
واللي يحب الدشوش ولاهـيٍ فيهـا

واللي على الخط دايم فاغر الكشـره
سمّاعته طـول ليلـه مـا يوطّيهـا

واللي مزاجه مع القصات والبشـره
ماله هدف والنصايـح مـا يدانيهـا

واللي مع الناس لا يفقه ولا يشـره
شقراً مع الخيل لا هجّـت تباريهـا

ذي عيّنه في شباب اليـوم منتشـره
عسى الذي جابها من الارض يمحيها

اهل المصالح معرّفتهـم كماالقشـره
لا نظّف الراس بالصابـون ينهيهـا

هـذا كـلامٍ علينـا واجـب نشـره
وما تحرق الجمره الا رجل واطيهـا


وسلامتكم

 

 

 

 

[معلومات العضو الهاج ـري]

هالله هالله ..عز الله انه صادق ياكثرهم كثرااااه


تسلم لاهنت على طرحك الراائع

 

 

 

 

[معلومات العضو خيالية]

صــــــــح لسااانك ..

 

 

 

 

[معلومات العضو محمد.الودعاني]

صح لساانك وبيض الله وجهك

محمد الودعااني

 

 

 

 

[معلومات العضو محمد بن سالم الخضراني]

طيب الخوه
صح لسانك ولاهنت اختيار موفق
وياليت تذكر لنا اسم الشاعر
تقديري ,,

 

 

 

 

[معلومات العضو عبدالله الحافر الغييثي]

الله عليك وعلى انتقاءك دليل علو ذائقتك الشعرية اخوي طيب الخوه وصح لسان الشاعر الكبير /سعد بن جدلان الاكلبي ولاهنت

 

 

 

 

[معلومات العضو ناصر بن فهد]

ناس مع المصلحه عشره على عشره
وان حدك الوقت حدة لـك جنابيهـا

اللي حياته مـع البيلـوت والنشـره
واللي يحب الدشوش ولاهـيٍ فيهـا




عز الله انه صاادق ابن جدلان راعي الحكم
ولاهنت يا طيب الخوه على النقل
وبارك الله فيك

 

 

 

 

[معلومات العضو العنووود]

صح لساااانك ولسان شاعرها...ذائقه شعريه متميزه..

 

 

 

 

[معلومات العضو متعب الخضير]

صح لسانك