راع الظليمـه لا تباطـى مطيحـه

[معلومات العضو الهاج ـري]

قالوا حكوا بك قلت وش هم يقولون
وش قيـل فينـا يالوجيـه الفليحـه
شوفوا مردُ الهرج وش هم يطرون
حتى نعرف مزوره مـن صحيحـه
كان الكلام من المعادي على هـون
بعض المسبـه بالمجالـس مديحـه
تجيـه عربـانٍ مـن الله يخافـون
عن الظليمـه ينصحونـه نصيحـه
لو كل خلق الله على الحق يمشـون
كان القلوب من الخطـا مستريحـه
كم واحدٍ بعروض الأجـواد مفتـون
وهـو سلومـه يفضحنـه فضحيـه
وكم واحدٍ يطعن وهو فيه مطعـون
يذم ريح النـاس والشيـن ريحـه
بعض كلام الناس تهمات وضنـون
قـولٍ تنميـه الوجيـه الوقيـحـه
الظلم لو فازوا هلـه مـا يدومـون
راع الظليمـه لاتباطـى مطيحـه
والناس هذا الناس من عصر ذالنون
كلن على دربـه ركابـه مشيحـه
مقرود يامن بـدل اللـون باللـون
بعض الكلام يحرفه عن صحيحـه
والصدق هو والكذب ماهو بمقـرون
كان إنها تـدرس بلهجـه فصيحـه
مايمدح الرجـال بالشكـل واللـون
إبحث معه لينك تعـرف القريحـه
تراك تعرف عنه وأنتـم تهرجـون
يبين لك من كـل جـودٍ نضيحـه
المستريح اللي من الشـك مامـون
مع كل خلـق الله علومـه مليحـه
كم واحدٍ حيٍ لـه النـاس يثنـون
وإلا توفـى قـالـوا الله يبيـحـه
وكم واحد لو هو باالألحاد مدفـون
ذكراه عند الناس بيضـا صفيحـه
وكم واحدٍ يجمع ملاييـن وخـزون
مـالٍ تنميـه اليديـن الشحيـحـه
لا تشكره رملـى ولا فـك مديـون
ولا حل مشكلة النطيـح ونطيحـه
ولا له على جاره من الفضل ماعون
لـو إن جيرانـه تشـوف الذبيحـه
وكم واحدٍ جيـران بيتـه يحمـدون
للجـار ريـف وللجماعـه منيحـه
وكم واحدٍ منـه العـوادي يخافـون
زبن المخيف اللي كثيـرن فحيحـه
ربعه نهار الضيـق فيـه يتـذرون
لا جا نهـارٍ فيـه لجـه وصيحـه
وبعض الرجال بهم شريفين وعفون
كلن علـى ماقـال يرجـع لكيحـه
وبعض الرجال بضحكهم يستغلـون
يجيبها مـن نـوع زلقـه بطيحـه
هذاك بين له مـن الهـرج مدفـون
خلـه إلا شافـك يزيـن سميحـه
الهرج لـه نقـال والـرد للشـون
مزح الجزع يثر بكبـدك جريحـه
هذا وأنا ماني من النـاس ملسـون
لاشك أرفض مـن تزايـد جميحـه
قلته وكل النـاس غيـري يقولـون
راع الظليمـه لا تباطـى مطيحـه


راقت لي كثيراٌ للشاعرمرشد البذال

 

 

 

 

[معلومات العضو ناصر بن فهد]

:::
::
:

صح لساانك وصح قايلهاـآ
واشكركٌ على اختيارك الموفقُ

 

 

 

 

[معلومات العضو محمد بن سالم الخضراني]

كان الكلام من المعادي على هـون
بعض المسبـه بالمجالـس مديحـه

لاهنت يالهاجري وصح لسان الشاعر

 

 

 

 

[معلومات العضو شيهانه بكف صقار]

المستريح اللي من الشـك مامـون
مع كل خلـق الله علومـه مليحـه
كم واحدٍ حيٍ لـه النـاس يثنـون
وإلا توفـى قـالـوا الله يبيـحـه
وكم واحد لو هو باالألحاد مدفـون
ذكراه عند الناس بيضـا صفيحـه


الله يجعلنا وياك من شاكلة ها الناس
والله يبيح لنا ويعفوا عنا

الف شكر ع الاختيار الجزل والمليء بالحكم

عاطر التحايا

 

 

 

 

[معلومات العضو نايف الخييلي]

الله يعافيك وتسلم يمينك على الاختيار الاكثر من جميل

قصيده مسكته ورائعه

وصح لسان الشاعر مرشد البذال

 

 

 

 

[معلومات العضو عبدالله الحافر الغييثي]

ر حم الله الشاعر الكبير/مرشد البذال وتجاوز عنه وصح لسان الشاعر ولاهان الناقل اختيار ممتاز وانتقاء رائع ,,,لك مني ارق التحيه والتقدير

 

 

 

 

[معلومات العضو جوآنا]

بوحـــك يمتعني أخوي الهآجـــري . . .



الله يرحم قآئلــهآ وتسسسلم أنآملك ع الإختيآر الموفق بإنتظآر جديـدك ّ ّ



خآلص ودي

جوآنا

 

 

 

 

[معلومات العضو الهاج ـري]

اللهم امين وتسلمون على مروركم المميز لاهنتم