ملبوسها الؤلؤ وتزهى الزمرد

**معلومات** **العضو** · 01-01-2010, 09:41 PM

ياهاجسي روم العلا وانهـل العـد=صاحبك بالميقـاف يقـدح زنـاده
لاصار بالميقـاف واجـب ولابـد=يقطف ثمر فكره ويجنـي حصـاده
عقب صبـيٍ لابـدا لازمـه صـد=مـا بـان ميقافـه ونـاره رمـاده
في موقفٍ يذكر به المجـد ويعـد=يلقى بها المطنـوخ غايـة امـراده
خليتهـا تفتـن بالاعيـان والخـد=ولبستهـا تـاج الحـلاوة اقـلاده
ملبوسها لؤلـؤ وتزهـى الزمـرد=يضحك لها صبحاً تلاشـا سـواده
ان كان ماني بنحت الصخر باليـد=ويطرب لها العاقل وينطق جمـاده
خليتها صـورة تجـارب ومشهـد=ينصت لها الشاعر ويعلـن حيـاده
ياعطـر يايشمـوم يامسـك يانـد=لاعب صبا صبحاً يذعـذع بـراده
ياديرتي ياموطـن العـز والمجـد=انتي مهـد لسـلام وانتـي بـلاده
وانتي ذرى الاسلام سابـق وبالـغد=وانتي حماة الدين وانتـي عمـاده
اطهر ثرى من حدهـا لاخرالحـد=واعظم شعوب الارض واعظم قياده
في ضل شيخاً وافي الصاع والمـد=ياخذ من النهـج المطهـر رشـاده
حرٍ يسر القلب شوفـه الـى هـد=تعجبـك طلعاتـه وحـزة هـداده
لاحقـق الطلعـه بعيـنـه وكــد=يحكم على خصمه بحكـم الابـاده
لـك الـولا والعهـد دوم يتجـدد=انتم سنـام المجـد وانتـم شـداده
فينا الولا صانته الاحفـاد والجـد=وطاعة ولاة الامر فخـر وعبـاده
لاجـا النـدا لبـا الـربـه وردد=لبـا نـدا ربـاً عليـه اعتـمـاده
في موقفاً يستلزم الحـزم والجـد=يثبت بها المؤمـن ويعلـن جهـاده
ياجنـة الرضـوان ياجنـة الخلـد=دار الامـن والعـز دار السعـاده
دار الكرم والجـار فيهـا محمـد=مع مسكن الرضوان فيهـا زيـاده
نظره الوجه اللي له الناس تسجـد=سبحان من تسجد الوجهـه عبـاده
فيها من الاكرام مـا الله بهـا عـد=اللي من اجل الدين نـال الشهـاده

**معلومات** **العضو** · 01-01-2010, 10:16 PM

ابو فهد صح لسانك

قصيده جزله وانت جزل

تقديري ,,

**معلومات** **العضو** · 01-01-2010, 10:20 PM

صح السانك يالشاعر قصيده جزله

تحياتي

**معلومات** **العضو** · 01-01-2010, 11:58 PM

صح لسانك وبيض الله وجهك على القصيده الطيبه

**معلومات** **العضو** · 02-01-2010, 12:03 AM

عبدالله بن فهد

صح لسانك على هذه الشامخه الجزله

دمت مبدعا

**معلومات** **العضو** · 02-01-2010, 12:15 AM

الاخ العزيز والشاعر المجّيد: عبدالله بن فهد

يتشرف هذا الموقع الكريم بأن كسب

شاعر متمكن مثلك جعل عمرك طويل على طاعته

صح الله السانك وعتلا شانك وزادك الله من زوايد فضله

قصيده جزله بما تعنيه الكلمه تقراها مرارٍ ولا تملها من سهولة معانيه

وعذب قوافيها فبارك الله فيك اخي العزيز والله يهنيك في عمرك

وننتظر جديدك المميز

وتقبل تقديري واحترامي واعجابي في قوافيك الجزله

اخــــــــوك / فـــــهـــــد الــغـــريــــري,,,,,