ياخاين الخوة اسألني وانا افتيلك - لسلطان المسعري

**معلومات** **العضو** · 28-11-2009, 04:42 PM

في البداية ابارك لكم حلول عيد الاضحي المبارك
واترككم مع هذه القصيدة الحصرية لكم

ضاقت على الحياة وجيت عاني لك=اسوق همي واعقل فرحة ايامي
عماس راسي نصا دله معاميلك=ووردت عدك لعلك تقطع حيامي
ماكن فالناس غيرك يوم اناديلك=كبرت هقوات نفسي فيك واحلامي
في خاطري صورتك يوم اني اشيلك=يوم انك تقول : ماشالتني عظامي
من واقع فيه كل الناس ترثيلك = من ظلم الاقراب مدري جور الايامي
وكبرت راسك ووقفتك على حيلك = وجبت الدوى لجل اداوي جرحك الدامي
معروفي اللي فعلته فيك يحكيلك = مواقف الطيب فالتاريخ الاسلامي
نصيت بابك ومعروفي دعانيلك=كنت احسب انك تعرف الموقف السامي
ياليتني كنت اعرفك قبل لا اجيك = والله ماكنت احطك يوم قدامي
ماكنت افكر توصل بك مواصيلك=اجيك جايع واعود جايعِ ضامي
ياخاين الخوة اسألني وانا افتيلك=خوتك شئ حرام وبعدك الزامي
لاعاد تومي على شاني ولا اوميلك=بصوم واخاف شوفك يجرح صيامي
سويت فيك الهوايل ويش اسويلك=منته بنافع لاصار الموقف الحامي
تبغا تبرر رداة الراس ياحليلك=رداك ماهو بحاجة بصمه ابهامي
انت النذالة معيبةٍ محاصيلك =ياطلقة من وردها خانت الرامي
قدام لا روح ياويلك وياويلك=ان جيتني تقول ما شلتني عظامي

منقول من موقعه الرسمي