|
|||||||
13-10-2009, 10:38 AM
|
#1 | ||||
|
الالفية الشامخة
الشاعر الكبير:عبدالله مبارك الزعبي
الألـف أولـف كايفـات اللحـونـي=مثايلـن تزهـى علـى كـل لونـي من واقعن ينشاف شـوف العيون=ـيابدى بها بالطيـب وفيـه الختامـي والباء بنيت القاف والقـاف ميـزان=على الحروف وكل حرفـن بعنـوان مافيه حقن بـإن مـن دون برهـان=هذ كلامـي وافتخـر فـي كلامـي والتاء تزول النعمـة اللـي بتبذيـر=وتزول حتى صحبتن مش على خيـر هذيـك والله عفنتـن مثـل خنزيـر=نكرم وتكـرم كـل ربعـن حشامـي والثاء ثراتك كان ماهي علـى ديـن=ماعـاد والله ينفـعـن الملايـيـن لاصار ماهـي فرحتـن للمساكيـن=على الزكاة تزود فـي كـل عامـي والجيم جارك والخوي وايضاً الضيف=وهـاذي ثلاثـاً بينـات التواصيـف ياحيف رجـلاً ماعرفهـا وياحيـف=هـاذي شـداد المعرفـه والسنامـي والحاء حلاة الكيف وسـط المعاميـل=وطيب المعارف مكسبـن للرياجيـل يوم الردي دايـم قليـل المحاصيـل=عمر الردى مـادام عمـره ودامـي والخاء خيار النـاس دايـم لأهلهـا=ولايستـوي للحمـلـه الا جملـهـا والله خلـق هالنـاس والله كفلـهـا=والوقت يمشـي والعمـر للامآمـي والـدال دامـك فالستـر والعوافـي=ومرهي عليك الرب والأمـن ضافـي لاتفتكرفـي قـول شافـي ولافــي=من يتبـع القالـه يهـان ويضامـي والـذال ذكـرك بيـن كـل البرايـا=هوعمـرك الثانـي ومثـل المرايـا تشـوف بـه قـدرك وكـل النوايـا=ويبان منهـو صاحبـك والخصامـي والراء رعايا الله في حفـظ الامانـه=خل الولـي قـدام وجهـك وعانـه مـاذل ربـي مسلمـن عـز شانـه=في طاعتـه ينـزاح كـل الظلامـي والـزاء زللـك برجلـك الا لسانـك=اللي كماقالـو الـى صنـت صانـك واللي بعد قالوا الـى خنـت خانـك=وزودن على كثر الحسوفـه تلامـي والسيـن سـرك لاتوريـه للنـاس=واذا انجبرت ابده على حـازم البـاس اللي اذا مـا سـر ماهـوب بـلاس=اللي على الرفقـه يشـد الحزامـي والشين شاور صايب الـراي شـوره=اللي عصره الوقـت واعيـاه جـوره والوقـت مابيـن الحـلا والمـروره=ولكل شئ ان كـان تفهـم نظامـي والصاد صد ان جاك فالدرب مقـرود=خلـه يولـي جعـل لاراح مايعـود ترى طريقـه دايـم الـدوم مسـدود=هاذي تجـارب والتجـارب علامـي والضاد ضم اريالـك اللـي يداريـك=وارضى القناعه في قليـل ويكفيـك اخيـر مـن منـة عيونـاً تراعيـك=المـال كبـر صاغريـن الاسامـي والطاء طراة الشئ لاجاءفـي حلـه=لاهـوب سباقـن ولا الوقـت زلـه مذكورتن فـي كـل مذهـب وملـه=كل شئ في وقتـه تمـام التمامـي والظاء ظلام الوجه كبـر المصيبـة=ياويل من دعـوة ضعيفـن تصيبـه مظلـوم والمظلـوم لـه مستجيبـه=يالله دخيلـك مـن كبـار الاثـامـي والعين عقـل الادمـي هـو جمالـه=دايم وراعـي العقـل مرتـاح بالـه والرجـل بلسانـه يقـاس اعتدالـه=ترى العقل للرجـل مثـل الخطامـي والغين غيبه مسلمـن منـك غافـل=لوكان فأردى الناس منحـط سافـل مأنت بوصي الله على الخلـق كافـل=والنـاس كـلاً دون نفسـه يحامـي والفاء فروضـك ياولـد واحتسبهـا=والاخـره ماكـل رجــلاً كسبـهـا أمافـي جنـه او سمـوم ولهبـهـا=في موقفن مافيـه خـال وعمامـي والقاف قـول الحـق راس الفضيلـه=أعلى الجهاد اللي علـى الله سبيلـه خير الحكـي لا جـاء قليلـه دليلـه=والحق يقطع مثـل قطـع الحسامـي والكاف كف الشر والسـن بسنـون=وامر الولي لاجاء على الكاف والنون وأفطن في صكات الدهر مأنت مأمون=انته ترى مثـل الهـدف والسهامـي واللام لوم النفس هو نصـف توبـه=والنصف الاخـر كـان كفـر ذنوبـه والنفـس ماهـي بالخطايـا مثوبـه=والله غفـورن للذنـوب العظـامـي والميم من لايعتبـر بالخطـا ضـاع=ومن لايداري لقمتـن تشبعـه جـاع ومن لاحفظ نفسه هوت فيه الاطماع=ماعاد ميـز وش حـلال وحرامـي والنـون نـار الحقـد والله عظيمـه=لـو انتقصاهـا اسـاس الجريـمـه والحلـم شرعـا للعقـول السليمـه=اهـل العقـل والفكـر والاحترامـي والهاء هدايا الوقت كشف الصداقـه=طول الدهر يبحـث خفايـا الرفاقـه يالله دخيلـك مـن رجـال الحماقـه=ياكثرهـم مثـل الجـراد التهـامـي والواو والله ماجبرني علـى القـول=الا رجالـن تفعـل القـول وتطـول في مدح ربعي قمت انا اصول واجول=والمـدح مايوفـي كبيـر المقامـي يالله ياعذبـات المعـانـي تعـالـي=فالماقف اللـي يحتمـون الرجالـي الارض تشهـد والحقايـق جبـالـي=والصدق من طبع الرجـال الكرامـي حنا بني زعـب الـذي جـده اسليـم=واسليم أبن منصـور مافيـه تعتيـم في الجاهليه ثـم الاسـلام ماضيـم=اسمن جمعنا نفتخـر بـه وسامـي منزالنـا مابيـن مـكـه ويـثـرب=وان دندندوا في طبلة الحرب نطـرب حوض المنايـا لا وردنـاه نشـرب=خوض المعارك عشقنـا والغرامـي في فتـح مكـه للرسـول المعظـم=عقد لوانـا فـي بطلنـا المخضـرم الاخنـس اللـي بالمياديـن مغـرم=على الرسول افضل صلاة وسلامـي منـا رجالـن بالمعالـم شهـيـرة=عباس بن مرداس وكعـب وضميـره ياماكتبنـا فـي سطـور الجـزيـرة=من فوق خيلـن عاديـات الهمامـي سدنا علـى الحـره سلاطيـن جمـا=ومن ثم جينا وسـط نجـد المسمـى واللي بعـث للهاشمـي قـول عمـا=الواحـد المعـبـود رب الانـامـي وجتنا من الطائف بن هلال واهـلال=معنا في سابع جـد بالعـم والخـال في جدنـا منصـور ماهـوب ينقـال=رواية الكلبي فـي شـرح الامامـي دجنا في هضبة نجد الـى حـد تيمـا=ومعنا بواسل مـن هـلال الصريمـا كم شوفتـن اصبـح ولدهـا يتيمـا=بمصقلاتـن مرهفـاتـن صـرامـي ومن ثم غربنا على الغرب الاقصـى=وامسى علينا الليل والفكر ما امسـى جينا الزناتي بين غرسـن ومرسـى=في راس حصنن مايجيـه الحمامـي ودارت علينا امـن الدوايـر عربنـا=وشبت شمال افريقيـا مـن حطبنـا صارت مداهيل العـرب مـن سببنـا=جمعـن كبيـر ولاذكـر بانهزامـي وحنا ترى اللـي ميتميـن المهـارا=عـن جارنـا سقنـا خيولـن تبـارا فرسان الى جاء عند قـدح الشـرارا=وقت الهـداد يبـان فعـل القطامـي وحنا هـل الجيـره رجـال الحميـه=من دون ابن صبخي وجنب المطيـه يوم الـردي لاخـاف همـل خويـه=الخـوف ماطـول حيـاه النعـامـي وحنا على جديـن غانـم ومتـروك=سبعة عشر جمعن على ختم واصكوك من واقعن ماهوب تزوير واشكـوك=مثل المطر من صادقـات الغمامـي واجموعنـا لاجيـت ابيـن عددهـا=مثل البيوت اللـي طوالـن عمدهـا والله يخـص بنعمتـه مـن حمدهـا=ربـي ولاغيـره عليـه اعتصامـي فينا العجارم هم على روس الاشهـاد=مثل النجوم اللـي بهاالركـب ينقـاد متوارثين المجـد مـن جـد واجـدادا=هل السيـوف امورديـن الحيامـي وفينـا غويـرات السلاطيـن حكـام=جمعن شديد ولاخسر قـط وانضـام كم شيخ قفـو فـي حلالـه ولانـام=عقب القهر اصبح يعـض البهامـي والادغافـل كاسبـيـن النوامـيـس=اللي على سـود الليالـي مدابيـس سواعدن للسيـف والرمـح فريـس=اهـل الحـروب الدايـره والزمامـي واعيال ابن جبـلان روس المراقيـب=اعيال عودن ما حسـب للمحاسيـب شيخن كتب اسمه على شجرة الطيب=مورد ركاب القوم جـوف المضامـي واعضودنا اللـي دايمـن مستلمـه=اللي علـى روس البـلاوي مطمـه اهل المواقف هـم رجـال المهمـه=كم فارسـن ذكـوه يـوم الزحامـي واعيال الاجـذم والمسمـى وهابـا=في مامضى قد قيـل قولـن صوابـا ياسعـد منهـم لابـتـه فاالنهـابـا=صويبهـم تبطـي جروحـه دوامـي وجمع الشهبات امخلصيـن اللـوازم=في ساعة البلـوى تصـك المحـازم رجالهـم مايرتخـي العـزم جـازم=لاطالت الطرقه وجاء الدرب شامـي والله واكبـر مـن رجـال الشليـات=تفننو في الحـرب والغـزو غـارات كم سربتن خلو مجاميعهـا اشتـات=بشلفـن تلهـب عاجـلات الولامـي وآل رمضان اهل المثايل والاشعـار=اعيـال عـودن فالمواجيـب جبـار والحرماينجب تـرى كـود الاحـرار=رمز الوفاء هم غايتـي والمرامـي وجمع الحناظـل لابتـن بالعـزاوي=لطامـت العـدوان يـوم النـخـاوي أهل الشداد اللي على العسـر يـاوي=كبار الصحون اللي تصـب الايدامـي والاد طوق اللي بـه الفكـر واعـي=فريـض حقـاً بالاوامـر يطـاعـي صيته كما طيبـن تشعشـع وذاعـي=بالحق والحكمـه ولبـس العمامـي وجمع الاجاود هم هل العلـم والعلـم=قشران في الصكات واجواد فالسلـم اهل الوجيه النيره هـم هـل الحلـم=عدوهـم مـاذاق حلـو المنـامـي واما السعده ياسعـد منهـو نصاهـم=امكمليـنـن بالمـزايـا وفـاهــم جمع الرجـال اللـي يـذري ذراهـم=كم شتتو من جمع عقـب اللمامـي وجمع الدخنه في قمة المجد معروف=منبع صناديدن كما العيـن والشـوف والذكر فيما شافت العيـن موصـوف=تفرح الى جت بين سيـاف ورامـي وجمع الهـوادي والنعـم بالهـوادي=ليثاً علـى نطـح المعـادي يعـادي وصفه كما نجماً على النـاس بـادي=لاجن غداري مثل جـوف الجمامـي والاد حمـران المسمـى مناعـيـر=خطلان الايدي والوجيـه المسافيـر لاصيحن بالصـوت بيـض الغناديـر=بانـت سواياهـم نهـار الكعـامـي والاد عسكر لابتي هـم هـل الخيـل=كسابـة العليـا نهـار التهـاويـل هاذي فعايلهم ومن جيل الـى جيـل=اهـل المهـار امثـورات العسامـي هـاذي حمايلنـا واسامـي اهلـنـا=في شرقـي الصمـان جينـا نزلنـا والعـذر فيمـا قـد حكينـا وقلـنـا=حنـا اجتهدنـا والجهـود اهتمامـي ولنا مـع المـره عهـود ومواثيـق=واسمن مسمى ماحصل فيه تفريـق منصى الجلاوي لاتوازي من الضيـق=الاد مـره مـن محـاديـر يـامـي والنعـم والله فـي جميـع القبايـل=والنعم حتـى فـي جميـع العوايـل والفضل بالتقوى ماهـوب بالاصايـل=واتلاى حياة الادمـي وسـط خامـي والله يديم الامـن والشـرع والعـز=في ضف منهو جاء على الحكم وارتز صرحاً طويلاً ما تزعـزع ولا اهتـز=باني قصور العـز عقـب الخيامـي والياء يارب الكون يـارب الاربـاب=ياواحـدن ماتنقفـل دونـك ابـواب ياخالقن هالناس والمـوت بأسبـاب=ياكاسيـن باللحـم كـل العظـامـي تغفر لنا ماقيـل مـن كـل الالسـن=المقبلـه واللـي بعـد جـن واقفـن منك المخافه والرجاء فيـك أضمـن=اعداد من صلـى وزكـى وصامـي
|
||||
|
|
|
|
13-10-2009, 08:11 PM
|
#2 | ||||||||
|
رد: الالفية الشامخة
قصيده رائعه ومشكور على الطرح لاهنت
|
||||||||
|
|
|
|
13-10-2009, 08:31 PM
|
#3 | |||||
|
رد: الالفية الشامخة
|
|||||
|
|
|
 |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
العرض العادي
|
|
|
|
|
إعلانات نصية |
| منتديات صحيفة وادي الدواسر الالكترونية | |||
الساعة الآن 01:27 AM
