إلى دغش محمد الصخابرة

**معلومات** **العضو** · 12-06-2009, 04:54 PM

كم وكـم مـن الألام فـي صـدري =وكـم تبسمـت ودموعـي بعيـنـي
طاولتني الأحـزان ليـه !! مـدري =طال صمتي و صبري وهمي وحزني
أخفي همومي عن النـاس لاتـدري =وأرجوا رب(ن) كريم(ن) يرحمنـي
شكـواي للـي لـه النـاس تدعـي =اللـي ليامـن قـال( كـن) يكونـي
حافظ" مواجيبـي وحافـظ" قـدري =ومن طاع ربه على راسي وعينـي
يابومحمد والله أنـه وصـل حـدي =من جور الأيـام وعيـت لا تزينـي
باكب الأحزان كلهـا ورى ظهـري =وبنسـى جميـع اللـي تعرضـنـي
باغير الموجـه وخاطـري عمسـي =وجروح(ن) بصدري حيل توجعنـي
يابومحمـد ترانـي اليـوم وحـدي= من خل(ن) جفى ونسـى وتنكرنـي
من أول(ن) وهو لليلـي وصبحـي=واليـوم ياقـوم ولاكنـه يعرفـنـي
لارسايل ولاخبر ولا علم(ن) يشفـي =هم(ن)من الهمـوم اللـي طاولتنـي
يابومحمد بيحت لـك اليـوم سـدي =يامن يجيب العلـم قلـي وخبرنـي
أكبه مـع الأحـزان ورى ظهـري =ولا وش رايــك بالله أنصحـنـي

**معلومات** **العضو** · 12-06-2009, 05:11 PM

الله الله يابو مبخوت جعلك تهيض دايما صح لسانك وعسى عمرك طويل وابو محمد يستاهل كل خير

تحياااااااااااااااااااااااتي لكم

نايف ابن شميعان

**معلومات** **العضو** · 12-06-2009, 05:26 PM

صح بدنك يابومفلح
بيض الله وجهك يابن شميعان على مرورك الطيب لاهنت

أبومحمد نزل موضوع مريت عليه اليوم الجمعه هذي المباركة

وهيضني بموضوعه وطرت علي هذي الأبيات المتواضعه

ذا العصريه وأسمحولي كانت على عجل

**معلومات** **العضو** · 12-06-2009, 05:28 PM

ههههههههههههه

اثريك طايح في الحب يابو مبخوت وحنا ما ندري

صح السان يابو مبخوت والله يعينك على ما صابك

شكل الحب ذا ان طاولك بيقضي عليك ولا وش رايك يابو محمد

**معلومات** **العضو** · 12-06-2009, 05:44 PM

بيض الله وجهك يابوبدر على مرورك الطيب لاهنت وصح بدنك

والله يعينا وياك على طاعته مشكوووووور

تحيــــاتي وتقديــــري

**معلومات** **العضو** · 12-06-2009, 09:47 PM

صح لسانك يابومبخوت الشكره قصيده وافيه

لله يعين دغش على الرد للقصيده

لك الود

**معلومات** **العضو** · 13-06-2009, 01:23 AM

اقتباس:

المشاركة الأصلية كتبت بواسطة محمد بن سالم بن فهيد

صح لسانك يابومبخوت الشكره قصيده وافيه

لله يعين دغش على الرد للقصيده

لك الود

صح بدنك يابوسالم أسعدني والله مرورك الكريم مشكووور ولاهنت

**معلومات** **العضو** · 13-06-2009, 08:22 PM

صح لسانك وأعتل شانك ولاهنت ولاعدمنا

تحياتي ا

سعود الدوسري

**معلومات** **العضو** · 14-06-2009, 01:30 AM

اقتباس:

المشاركة الأصلية كتبت بواسطة سعود حسن آل بطحيه

صح لسانك وأعتل شانك ولاهنت ولاعدمنا

تحياتي ا

سعود الدوسري

صح بدنك و بيض الله وجهك يابوحسن على المرورالطيب

أسعدني والله مرورك الكريم لاهنت ياالقرم

تحيــــاتي وتقديــــري

**معلومات** **العضو** · 14-06-2009, 02:41 AM

أبو مبخوت لاهنت وبيض الله وجهك ومشكور على القصيده:

والله لاني بشاعر ولاكن محاولة متواضعه:

لاتشتحن لاتقول أنه نفذ صبري ***** شكواك برفعهاعلى رأسي وفي عيني

أن كان بالجاه أن بضرب لكم صدري ***** وأن كان في المال ندفع لك ملاييني

وأن كان مقصده خلك مابغى مادري ***** دور على غيرهم ناس(ن) كثريني

وأنسى الهموم القديمه وأذكر البصري ***** كم واحداً من هواه(ن)صار مسكيني

بكى(ن) عيونه وخل(ن) دمعها يجري ***** يجري على الخد دمعه شايف الشيني

وقو العزيمه وأنتبه يدري ******* وداري على دمعتك لاتبين البيني

لك لابتن تجبر المعسور لليسري ***** يمشي على ما بغوا بلعسر وليني

وعنز على من أنزل القرآن بالقدري ***** وأنزل بها سورة الأعراف والتيني

قادر على ردهم لك دون ماتدري ***** يدري بحالك ويعلم بالموازيني

يأبو مبخوت والله ضايق(ن) صدري ***** من ضيقتك ضاقت الدنيا ترى فيني

وأخر كلامي بقدم لكم عذري ***** وأن كان قصرت نطلب منكم الزيني

ودمتم بحفظ الرحمن....

**معلومات** **العضو** · 14-06-2009, 02:57 AM

بيض الله وجهك وصح لسانك وماقصرت يالقرم

ترى أن نزلت موضوع في العام وهييظني

تراني وبتولجك بقصيده ههههههه

الله يعطيك العافيه يابو محمد ولاهنت

تحيـــــاتي وتقديـــــري

**معلومات** **العضو** · 14-06-2009, 02:59 AM

الله الله صح لسان ابومبخوت
وصح لسانك يابومحمد
وابشروا بالعانيه والجاه
والله يريح قليبك يامبخوت وهيئ لك الغضي ابوعيون مراييش

**معلومات** **العضو** · 14-06-2009, 09:03 PM

ابو محمد صح لسانك على قصيده

تحيااااااااااتي لك

**معلومات** **العضو** · 15-06-2009, 01:53 PM

صح الله لسانك يا بومبخوت انت ودغش وعساكم على القوه

اخوان عزيزين ومحبتكم فالقلب محفوظه

تقبلوا تحياتي،،

**معلومات** **العضو** · 15-06-2009, 07:36 PM

اقتباس:

المشاركة الأصلية كتبت بواسطة بدر بن صقر العجالين

صح الله لسانك يا بومبخوت انت ودغش وعساكم على القوه

اخوان عزيزين ومحبتكم فالقلب محفوظه

تقبلوا تحياتي،،

ارحب يابو صقر صح بدنك (( يالفوهرر))

والله يقوينا وياك على طاعته

والله يعزك ويرفع قدرك ويحفظك

وأنا من المعجبين بقصدائدك

بيض الله وجهك ولاهنت

تحيـــاتي وتقديــــري

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية