الشاعر / بدر الحويفي الحربي

[معلومات العضو الشويب]

بسم الله الرحمن الرحيم

يا زين شبة نارنا بالغداري للشاعر الكبير / بدر الحويفي الحربي


إخواني الكرام / أعضاء ومتصفحي منتديات قبيلة الدواسر السلام عليكم ورحمة الله

وبركاته وبعد : فإن الــشــاعـــر الـكــبــيــر / بـــدر بـــن عـــواد الحـويـفـي الحربي

شـاعـر متمـكـن وقــوي وصـقــار لـه أسلوبـه الـقـوي فــي التعبـيـر وكـل قصيـدة مـن

قصائـد الحويفي تــرى فيهـا الجزالـة وكـل بيـت مـن بـيـوته جزل بجزالة شاعره ومن ذلك

قوله :

يا مل قلبٍ دق به كـل طـاري=طواريٍ بأقصـى الضمايـر تتلـه
وشفقٍ على شوف الفضاء والبراري=لا صار معه مشبـبٍ مسنـدٍ لـه
خطو أبلجٍ لملاقف الصيد ضـاري=جدع الضريبة بالسهم عـادةٍ لـه
قرم بوجهـه للمـروه شـواري=رايه سديـد وكـل دربٍ يدلـه
ما هو حضيبـيٍ مزاجـه تجـاري=ليا عقدت الـراي عـوّد يفلـه
أول نهارك يعجبك مانت بـداري=مـار البـلا تالـي نهـارك تملـه
أبمدح الطيـب ولانـي مـداري=واللاش لا خايف ولا حاسبٍ لـه
الفرق باللـي ياصلـون المحـاري=وإلا الردي شرهات مثلـي تزلـه
أبي خـويٍ ضاريـ(ن) بالمسـاري=ما هو مهينٍ يرقـد الليـل كلـه
ومعنا قطامـيٍ يصيـد الحبـاري=لحّاق لا كوبر له الخـرب شلـه
خطو أشقرٍ جثل من الريش عاري=أفجح مخاليبـه سـوات الأهلـه
به دق ريشٍ مثـل دق الخـزاري=مهـدف ورا مناكبـه مستقلـه
منخر وبوز وفيه عـدة مـواري=يحتار به راع النظر لا فطـن لـه
ما هو بكفاخ ٍ طفـوقٍ ازعـاري=طلعه حقاق إن شافهن ساوقن لـه
لا شافهن متطـاولات المـذاري=عقّد وحق الطلـع والسيـر تلـه
ويّحول اللي طار منهن إجبـاري=ذباح للي يوم هد اسجـدن لـه
يا زين طلعه بالضحى والعصـاري=لا من خشنات الغلب خيشن لـه
هذيك هـي منوتـي واختيـاري=لو كل من يطلب لـزوم يحصلـه
ولو إن حظي مع مزاجي يبـاري=سجلت له صفحة وفـاء بالمجلـه
مالي هدف بالسوق بايع وشـاري=قلبي ذعاذيع الهـواء ولعـةٍ لـه
أنا غرامي مع فجوج الصحـاري=وشوف الرجوم النايفـات المطلـه
لا شفت بالريضان نقع وخبـاري=راح الزعل والبسط حـل بمحلـه
بأرضٍ بها لصيد عينـه وأثـاري=فيها القطا تلقـى فروعـه محلـه
مهامل تردم شجرهـا الـذواري=نبني لنـا فيهـا وناسـه وفلـه
يا زيـن شبـة نارنـا بالغـداري=والكيف أبو صالح جلس وارتجلـه
والماء مفوح في نظيـف الغـواري=وصفرٍ يجاذبهن علـى جـال ملـه
وصاحب لهن تقول ماخذ حذاري=وفنجالهن يجلى عن الكبـد علـه
واللي على مثلي من النـاس زاري=لا سامع قولـه ولا مصغـيٍ لـه
وأفخر بحبـي لصقـارة وأمـاري=ورزقي على اللي كون الكون كله

 

 

 

 

[معلومات العضو ابو زيد الغييثي]

ارررررررررررررررررررررررحب يالشويب تراحيب الحيا

ولاهنت يا شوق البنت على ايراد هذه الابيات

وصح اللسان الحربي وبانتظار جديدك

اخوك / ابو زيد