![]() |
#1 | ||||
|
![]() (1)
البل تعز الرجال وتظهر أسماءها = من لاعرف قدرها مايعتني فيـــــها من دونها غالي الأرواح بعنـــــــاها = لامن غزاها عقيداً طامعاً فيــــــــها حنا هل البل من أولها إلى اتلاها = من دونها لابتي تظهر عزاويــــــــــها حامينها يوم بقعا تفتل إرشـــــاها = تفرح بنا لارفع بالصوت راعيـــــــــــها تأمن بنا كل ملحاً طاب مفلاها = ( لاد الخضيري) عما من كان غازيها ننطح وجيه الجموع ونسحن ادواها = لي لابةً تخلف الهقوه وراعيـــــــــها واليوم لمزاين الخضران سقنـــــــاها = في ديرةًً جعل وبل الوسم يسقيــــها سوداً عليها الحبال البيض محلاها = تشوش روس النشامى اللي تباريها يازينها لاعرضت والكاز يـــــــــزهاها = وسومها تجذب أهل الصنف تشريها واليوم في ظل دولتنا وبحماهــــــــا = في ظل حكامنـــــا اللي نفتـخر فيـــــــها (2)
سلامي على اللي رتب (مزاين الخضران) = وحط التنافس بين حرش العراقيبي تجمل وربي جمله والكــــريم مــــعـــــان = ولاهي غريبه منك يامنبع الطيبي أحب امدح الطيب واماريـــــــبه العــــــــــربان = رفيــــقٍ نعده من كبـــــــــــار المكاسيــــــــبي عليك القصيد يسوقني سوق ياكحيلان = كما سوق هجنٍ عرضوها اللواهيبي جمعت الجماعة جعل يفدونك الرديان = وفعلك تبين في طويـــــــــــل المـــــراقيـــبي وقدمت سيـــارات مـــن غاليــــــــــة الأثمان = جوائز لمن يتعب ورى شمخ النيبي عطايا الله اللي شوفها يبري الأحـــــــــــزان = ورث لنــــــا مافيــــــــــــه شــــكاً ولا ريبـــي ياما وقفنا دونها وقــــــــفة الشـــجعان = وياما خذيـــــناها بحدب المقاظيــــبي واليوم كل أهل الجزيرة ربع واخوان = فضلاً من اللي يعلم الـــــــسر والغيبي في ظل (أبو متعب) ودرع الوطن( سلطان )= وحــــــنا تحت توجــــــــيه وأمر المعــــازيــــبي (3)
يالابتي ترى الوعد رابع العيـــــــد = يكفيك علمٍ عن كثير العلامي في موقعاً غرب أم رجماً بتحديد = أرضاً براحا عافيتها العســـــــــــــامي مزايناً للجـمـــــل هن والمفاريــــد = سود الجهام اللي يدق الرضــــــــامي يازينها لاجات يمه عراجـــــيد = إنسوقها للحفل ســـــوق الظوامـــي من دونها (الخضران) ضد الأضاديد = لاهاب ولد اللاش رخــــــــــو الحــــــزامي ترعى بنا في مرتعاً قفر وبعيد = حامينها من قبل وقت الســــــــــــــــــلامي بمشوكاً بيماننا ضربه إيصيد = وحدب السيوف اللي تقص العظامي مازعزعـــوها ناقلين البـــــواريــــد = واللي غزاها فوقه الطيــــــر حـــــــامــــي إن بكر الوسمي على جرهد البيد = وشعشع خضار العشب عقب الوسامي مرباعها شمال حزم الجلاميد = ومصيافها بالعــرق يـــــــم العـــــدامــــــــــي (4)
ياهل البل عزوتي يامنـــزحت الحــريب = قربوها كلها دقها وجـــــــلالها قربـــوها للمزاين تـــــرى وقتـــه قـــــــريب = وجهزوها جعل فال السعادة فالها ماحلا شوف المجاهيم حلـــوات الحليب = في مراتعها القديمة وفي مدهالهـــا في ذرى (لاد الخضيري) هل الراي الصليب = لابةً يوم الحرايب يظل ظـــــــلالها دون سرفات العشـــاير لهم فعلا عجيب = والحميــــه والكــرم دايماً يــبرالـــهـا سعد من هم محزمة لاعوا ذيباً لذيب= مايشـــــــيل الحمل لازاد غيــــــر اجمالـــها جارنا في دارنا ماتقول انــــــــه غريــــــــب = عادةً فيـــنا مــــــن أســـــــلافـــنا لجيـــــالـها وان زبنا خائفاً ضده الوقت العصيب = دونـــــــــــه الأعمــــــار ويـــــن أنت يادلالـــهــــا (5)
يامرحباً في مخيم الرجال شيال الحمول= النادر اللي دون ربعه يرتكي لحمولها (أبو تميم) اللي الي من قال بمر الله يطول= له هقوة تصعب على بعض الرجال أطولها منصى مطاليق الرجال أبنا المناعير الزحول= له مجلس ٍ فيه النشاما مايوني ضولها حراً يهوم المرجلة لو دونها العارض يحول= بينه وبين أسمانها ما يرتخي مرسولها الطيب ورث وهبة ً من عند خلاق العقول= مايفرق الرجال من الرجال غير اعقولها سلام ياللي مسرجاً خيله مع أصحاب الخيول= في ساحة أعلوم المراجل مسرجين أخيولها يذكر إلى عدوا هل الراي السلاطين الفحول= لاقامت أفروع القبايل تفتخر بزحولها انت الفخر والطيب بين فيك حولاً بعد = ماتستوي روس العرب يامسندي ورجولها جمعتنا عند البل اللي شوفها يبري معلول= على الشحم والدلة اللي ما يوقف دولها بنات هرشٍ طبعهن دايم يخازرن الذلول= سند الغوارب ماوقف ولد الشريطي حولها علط الرقاب مشرهفات آذان فيهن ويش أقول= عراض الجنوب اللي تناوش جنبها من طولها ورثٍ لنا من قبل يشرون الأبل كبار الحثول= ناسٍ تشيل أريالها وجنيها بحثولها حنا هل البل يوم الأيام المخيفه والفعول= يوم القبايل في الجزيره تفتخر بفعولها خيالة الحرشاء لنا في ساحة العلياء نزول= تاريخنا مهوب هرج مقرقعين أطبولها واليوم راح الشر بس الناس كل له ميول= والرابح اللي يحفظ النعمه ورد النفس عن ميولها في ظل من يمشي بشرع الله مع هدي الرسول= (عبدالله) اللي حكمته كل الدول حيولها
آخر تعديل أبوشايع يوم 02-10-2008 في
11:29 PM.
|
||||
|
![]() |
![]() |
#2 | ||
|
![]() صح الله لسان الشاعر شايع مسلم الخضران على هذه القصائد الطيبه والجزله ويستاهلون لا الخضيري ، ونسأل الله النجاح لهذا الملتقى والتوفيق للقائمين عليه.
|
||
|
![]() |
![]() |
#3 | ||
|
![]() صح الله لسان الشاعر شايع مسلم الخضران ونسأل الله النجاح لهذا الملتقى
|
||
|
![]() |
![]() |
#4 | ||
|
![]() و الله و سبعة انعام يا صبيان الخضيري
|
||
|
![]() |
![]() |
#5 | ||||
|
![]() صح الله لسان أبو مسلم قصائد جزلة من شاعر جزل والله يعطيك العافية أنت وياه يابو شايع لأهنت والله يوفق أهل المزاين ويبارك في جهودهم لأهنت يابو شايع لأهنت تحيا1111111تي
|
||||
|
![]() |
![]() |
#6 | ||
|
![]() لاهنت يابوشايع على ماقدمت وصح لسان الشاعر
|
||
|
![]() |
![]() |
#7 | ||
|
![]() الله يعطيك العافيه يا بو شايع
|
||
|
![]() |
![]() |
#8 | ||
|
![]() أبو شايع تـأمـن بـنــا كـــل مـلـحـاً طـــاب مـفـلاهـا=( لاد الخضيري) عما من كان غازيها ننطـح وجيـه الجمـوع ونسـحـن ادواهــا=لـــي لابــــةً تـخـلــف الـهـقــوه وراعـيـهــا والــيــوم لـمـزايــن الـخـضــران سـقـنـاهــا=فـي ديـرةًً جعـل وبــل الـوسـم يسقيـهـا سـوداً عليهـا الحبـال البـيـض محـلاهـا=تشـوش روس النشامـى اللـي تباريـهـا يـازيـنـهـا لاعــرضــت والــكـــاز يـزهــاهــا=وسومها تجـذب أهـل الصنـف تشريهـا
|
||
|
![]() |
![]() |
الذين يشاهدون محتوى الموضوع الآن : 3 ( الأعضاء 0 والزوار 3) | |
|
|
إعلانات نصية |
منتديات صحيفة وادي الدواسر الالكترونية | |||
![]() |
![]() |
||