الامير عبدالرحمن بن عبدالعزيز امر بنقلي وعلاج ابوي

[معلومات العضو مفرج بن ناصر بن جنبان]

بسم الله الرحمن الرحيم

]

والصلاة والسلام على اشرف الانبيا والمسرلين وبعد احب ان اشكر سيدي صاحب السمو الملكي الامير / عبدالرحمن بن عبدالعزيز ال سعود حفظه الله من كل سو ومكروه على ما فعله معي فقد امرر بنقلي من محافظه الدوادمي الى محافضة وادي الدواسر وامر بعلاج ابوي وهذا ليس بغريب من ابو تركي فهو صاحب الايدي البيضا واذا اعطى اجزل العطا وشجاعٍ عند القا فهو يوفي بالوعود وحنا لبو تركي جنود فهو راعي الوقفات وراعي الفزعات وافعاله تناقلها الروات فمهما كتبت عن ابوتركي لااستطيع ان اوفي حق من حقوقه :

ولاد مقرن طيبهم ماله احدود=افعالهم عجز القلم ماحصرها

واقول

اشكرك يا سيدي شكرن جزيل=ياحليف الجود ياراعى الكرم

واسأل الله عز وجل ان يطيل في عمره ويحفضه وهذه القصيده التي القيتها امامه

( ســلام يــالـلـي مـاتحسـب الـمـخاسير)

سلام ياللي ماتحسب المخاسير=ياكاسب الناموس جزل العطايا
سلام ياللي جيّتك كلها خير=خيرك شمل كل المدن والقرايا
سويت قار ٍ فوقه العالم تسير=وسط العروق اللي غراز وهوايا
وسّت الآبار وتحليه تحلي ألبير=آبار تاردها الكبود الضمايا
البل على المديان ورد ومصادير=يدعي لك الشاوي وراعى المطايا
وتحولت حال العسر بالتياسير=منك يابو تركي زبون الونايا
لك فزعة(ن)تغني النفوس المفاقير=ولك مدة(ن)تملا اليدين الخلايا
انته كعام اللي براسه صعاطير=وانته حزام اللي بلته البلايا
ونتم لنا وقت الليال المعاسير=وانّا لكم عند الشدايد فدايا
لامن دعيتونا نجيكم طوابير=ابشر بنا فالضيق ماهي حكايا
ويا سيدي أبوي من يومني صغير=اذكر يوصيني بعدة وصايا
الاوله واجب على ديني اغير=وطاعة إله الكون رب البرايا
والثانيه حب الملوك المشاهير=حكامنا أهل المرجله والحمايا
وطاعة ولاة الأمر من دون تأخير=واخلص لهم واعقد معاهم ولايا
والثالثه خدمة بلادي بتفخير=ثم قال لاترضى عليها الخطايا
وداري غلاها مايبي زود تفسير=متمكن(ن)وسط الضلوع الحنايا
من دونها نسل السيوف البواتير=ومن دونها نارد حياض المنايا
وياسيدي ابا طلبك مطلب صغير=وانته يابو تركي تحل القضايا
يامير انا بنخاك وازهمك يامير=والحل عندك ياحميد السجايا
ابوي مرضان(ن)ولايقدر يسير=شايب وحيد ولا له احد(ن)سوايا
ويوجد معي صك(ن)وتوجد تقارير=والحال يعلم به عليم النوايا
اربع سنين ٍ عشتناها تفاكير=متغرب(ن)عن شايبي والدنايا
مليت من كثر السفر والمشاوير=وبامرك تزول هموم قلب(ن)خفايا
قل تم تمت لك حياتك على خير= قل تم تكفى يا زعيم السرايا
وصلاة ربي عد وبل الشخاتير=على رسول الحق سيد البرايا

وسلامتكم اخوكم الشاعر مفرج بن ناصر بن ضاوي المخاريم الدوسري

 

 

 

 

[معلومات العضو غازي المسعري]

صح لسانك يابو ناصر

وعلى البركة النقل

واسال الله ان يشفي والدك

كل الشكر

 

 

 

 

[معلومات العضو أبونواف الدوسري]

صح السانك أخي الشاعر مفرج بن ناصر

عسي الله يوفق الأمير عبدالرحمن بن عبدالعزيز آل سعود...

والحمد لله على سلامة الوالد...

وفقك الله...

 

 

 

 

[معلومات العضو ابوبدر المصارير]

ابوي مرضان(ن)ولايقـدر يسيـر...شايب وحيد ولاله احد(ن)سوايـا
ويوجد معي صك(ن)وتوجد تقارير...والحال يعلـم بـه عليـم النوايـا
اربع سنيـن ٍ عشتناهـا تفاكيـر....متغرب(ن)عن شايبـي والدنايـا
مليت من كثر السفر والمشاويـر...وبامرك تزول هموم قلب(ن)خفايا
قل تم تمت لك حياتك على خيـر...قل تم تكفى يـا زعيـم السرايـا
وصلاة ربي عد وبـل الشخاتيـر...على رسول الحق سيـد البرايـا


اللهم صلي وسلم عليك يارسول الحق عدد ماذكرك الذكرون ونسي عن ذكره الغافلون

ابوناصر صح الله لسانك وبيض الله وجهك على ما سعيت فيه والله يبلغك الاجر دنيا واخرة

عزالله انك وردتها العد

 

 

 

 

[معلومات العضو فهد بن مبارك الودعاني]

الله الله ياأبو ناصر ،، صح السانكـ مدد بلا عدد يالغالي ،، كفيت ووفيت ياطويل العمر ،، و عز الله أبو تركي مهما قيل فيه فلن توفيه حقه ،، و ألف مبروكـ على نقلكـ ،، و الحمد لله على سلامه الوالد و ما يشوف شر أن شاء الله ،، لـكـم كـل الآحـتـرام و الـتـقـديـر ،،

 

 

 

 

[معلومات العضو حنيان الدوسري]

الغالي : أبوناصر

تستاهل كل علم طيب وعسى ربي يديم والدك صحيحاً معافا ويديمك له باراً به

صح الله لسانك وبيض الله وجهك

 

 

 

 

[معلومات العضو نايف الخييلي]

مفرج ابن جنبان المخيريمي

صح لسانك على ذا القصيده الطيبه , والله يقوم ابوك بالعافيه ويمتعه بها , ويستاهل

الامير عبدالرحمن بن عبدالعزيز المدح وبيض الله وجهه على وقفته الطيبه الغير مستغربه

 

 

 

 

[معلومات العضو ابوعويس]

بيض الله وجهه

واسأل الله ان يعافي ابوك
ومبروك النقل
وصح لسانك

 

 

 

 

[معلومات العضو شافي القويسي المخاريم]

صح لسانك اخوي مفرج
قصيده رائعه و مؤثره في نفس الوقت
الامير عبدالرحمن يستاهل ما قيل فيه
و الله يمد والدك بالصحه و طولت العمر
و الف مبروك النقل
تقديري و احترامي لك يا ابو ناصر
تحياااااااااااااتي

 

 

 

 

[معلومات العضو ابو فهد الغييثي]

صح السانك أخي الشاعر مفرج بن ناصر

عسي الله يوفق الأمير عبدالرحمن بن عبدالعزيز آل سعود...

والحمد لله على سلامة الوالد...

تحيااااااااااااااااتي

 

 

 

 

[معلومات العضو جهز المسعري]

صح لسانك يا ابو ناصر
قصيده جزله من رجال جزل و الله يطول عمر والدك و يخليك له

تقبل تحياتي


أخوك جهز المسعري

 

 

 

 

[معلومات العضو العماني]

الشاعر الكبير مفرج بن جنبان المخاريم

صح الله لسانك ، والله يطول بعمرك والدكم ويعطيه الصحه والعافيه

وخالص الشكر والعرفان للأمير عبدالرحمن بن عبدالعزيز حفظه الله صاحب الأيادي البيضاء .

تقبل تحياتي،،

 

 

 

 

[معلومات العضو سالم بن صمهود]

الاوله واجب على دينـي اغيـر=وطاعة إله الكـون رب البرايـا
والثانيه حب الملـوك المشاهيـر=حكامنا أهل المرجلـه والحمايـا
وطاعة ولاة الأمر من دون تأخير=واخلص لهم واعقد معاهم ولايـا

الشاعرمفرح ابن جنبان صح الله لسانك والله يطول في عمر والدك على طاعة
واما افعال ولاة امرنا الطيبة فلى غرابة في ذلك

 

 

 

 

[معلومات العضو محمد الولامين]

ابو ناصر صح لسانك مليون وعساك ماتهون ابيات جزله وكاتبها جزل

ولا هنت على ماقدمت من ابداع وياجعل يمناك سالمه

والله يطول في عمر والدك ويمده في الصحه والعافيه

 

 

 

 

[معلومات العضو مفرج بن ناصر بن جنبان]

المشاركة الأصلية كتبت بواسطة غازي المسعري

صح لسانك يابو ناصر

وعلى البركة النقل

واسال الله ان يشفي والدك

كل الشكر

اله يبارك في عمرك ومشكور على المرور يالغالي