والفقـر فقـر المراجـل إلـى قالـوا فـقـر..للفراعنه

[معلومات العضو الزين]

قصيدهـ للشاعر ناصر الفراعنــــــــــه

ليلةٍ ما بيـن مسفـر وابـن عمـه مقيـم=العرب مـن هولهـا صلّـوا المغـرب عصَـر
يـا مِقِيْـم ابسألـك عـن مُقـيـمٍ مستـديـم=ما ذكر في يـوم صلّـى صلاتـه مـا قصَـر
ووش وزيرٍ فاق في سلطتـه سلطـة زعيـم؟=وهـم رعايـا الدولـة الواحـدة فيمـا ذُكِـر
يـا مقـيـم ابسـألـك راحــلٍ والا مقـيـم=قـال :ألا راحـلٍ قلـت: وان قلنـا: صـبَـر
قال: ما بـاقِ ألا أنـا قلت:وافهـم يـا فهيـم=قال: بإيدي لا بيدْ عمـرو يـا شاعـر مُضَـر
لي عـن أهـل الخيزرانـة صـراطٍ مستقيـم=قلت:بـرّ وقـال: ألا بحـر وامـحـق بـحـر
غصـن زيتـونٍ للاطيـار مـن فوقـه رنيـم=باتـرك الورقـا تغنّـي عليـه :اسمـر عبـر
ولا تعيـش الرمّـة الا علـى الشـيّ الرميـم=كالطيور اللـي علـى اشكالهـا توقّـع حـدر
النوَر تشبه بعَـض والطبايـع (سيـم سيـم)=ولـو تغيّـر اسمهـم .. النـوَر تبقـى نـوَر
ولو بهـم واحـد فقـط مـن طبايعهـم سليـم=كان ما صار اسمهـم _عندأهـل مصرٍ_غجـر
احمد الله ضربتي مـا تجـي الا فـي الصميـم=وكلمتـي وحـده ولكنّهـا تـسـوى عـشـر
قلت:وسّـع خاطـرك خابـرك دايـم حلـيـم=مـا تـهـزّك كلـمـةٍ جابـهـا وجــهٍ ودر
الحليم اليـا سمـع هرجـةٍ جـت مـن لئيـم=ابتسم .. وشلون أجل لا سمعها مـن بـزر!!
انتبه تزعـل . تـرى أسعـد أيـام الخصيـم=يوم يلقـى للزعـل فـي وجِـهْ خصمـه أثَـر
ب(جاه ربي) باطلبـك ثـمْ بجـاه بـن اليتيـم=قـال كـلا ألـف فـي ألــف كــلا لا وزر
يـا مقيـم أرجـوزة البغـي مرتعهـا وخيـم=وقبّـة الطغيـان مهمـا علَـت ترجـع قـبـر
قال:سين (انت ابن من في الرجال) وقلت :جيم=( ابـن مـن لا أنجبـت حُـرّةٍ مثلـه ذَكَـر)
لي مـن الأمجـاد مـا فـاق آفـاق السديـم=ولـي مـن الطـولات مـا لا تطاولهـا بشـر
قال:طيّب .وش تبي في شـرابٍ مـن حميـم؟=وكـلّ قـدٍّ مـن قبُـل صـار قـدٍّ مـن دبُـر
وش تبي في خمّةٍ سمّـت الباشـق .. عديـم=لا نخوا سلتوحهـم جـاك مـا صـدّق خبـر
يا مقيم أدري بكـلْ شـيّ انـا مانـي غشيـم=وادري ان اسمـي لهـم صايـرٍ علّـة نحـر
وادري اهل الكهف هم نفسهـم أهـل الرقيـم=بسّ مالـي مـن ورا كشـف عورتهـم أجـر
عـورةٍ لـو خيّطـوا فوقهـا سلـك البـريـم=بيّنـت كالشمـس والساعـة الوحـدة ظهـر
من دعى لـه والـده بيـن زمـزم والحطيـم=مـا يهمّـه سيـل أهـل الحسَـد مهمـا كبـر
ما انقطع لي في (هوازن) وصَلته فـي (تميـم)=ولا يمـوت احـدٍ ولـه كاتـبٍ ربـي عمـر
القهر مـا هـوب هـذا .. ابـك والله العظيـم=ما مثل قهر الرجُـل مـن بنـي عمـه قهـر
كـم ولـدٍ عـمٍّ لـو آجيـه ظميـانٍ سقـيـم=مـا سقانـي شَرْبَـه ولـو ترجّيتـه شـهـر
احمـد اللـي عزّنـي مـن وانـا ورعٍ فطيـم=عـن مثـل هـذا وعـن كـلّ مبـدولٍ غبـر
اقطـع الفرجـة لحالـي مـع الليـل البهـيـم=يوم ولد اللاش ما فاخـت أمّـه لـو .. شبـر
للهمـم ربـي خلَـق _يـوم يخلقهـا_ هميـم=وللقمم يصعد مـن القـوم كـلْ صاعـد نظـر
بالألـف والـلام والميـم لـي صـوتٍ رخيـم=يوقـظ النايـم قبـل يـذّن الـمـذّن فـجـر
شرهة (الروح بن مريم) على (موسى الكليـم)=والردى في أهل الـردى لا تـدوّر لـه عـذر
حسبي الله فـي رجـالٍ مـن الداخـل حريـم=وضعهـا دايـم خطيـرٍ ولا منـهـا خـطَـر
مثل ابو وجهين ما شفـت فـي العالـم عقيـم=لا انكشف أفلس مـن اثنينهـا بطـن وظهـر
يا كثر مـا جنّـةٍ فـي الأصـل كانـت جحيـم=وكم كسر سـاقٍ إلـى زاد عـن حـدّه جبـر
مـا لنـا ألا الظاهـر .. وبالخفايـا الله عليـم=سنّـة الله ليـن يـذن حمـارٍ فـي هجـر
ويش ترجـي مـن عتـلٍّ بعَـد ذلـكْ زنيـم=ما يطيـب ولـو تشيلـه علـى متنـك دهـر
ووش لـي بهمـاز لمّـاز مــاشٍ بالنمـيـم=مع كثر ما يسرح الصبـح مـا ضـوّى بعَـر
حالـفٍ مـا دام لـي راسٍ يـشـمّ النسـيـم=ما اتلحّـق مقفـيٍ لا بِ(خيـر) ولا بِ(شـر)
جاهلٍ من يحسب (القدس) هي نفس (أورشليم)=كالسهل عكس الصعوبة وهـو عكـس الوعَـر
هيه لو صيد (البواشق) مثل صيد (الظليـم)=شفت في (البومة) عوَض واحدٍ ضيّعْ (صقـر)
لا وسيـم ألا وسيـم السجايـا يـا وسـيـم=والفقـر فقـر المراجـل إلـى قالـوا فـقـر
والدميـم الصـدق ياللـي تقولـون الدمـيـم=واحـدٍ يفخـر بماضيـه والحاضـر (صفِـر)
مَن يزاعل صاحبه لجْل يِرْضـي خشـف ريـم=لا تثق به لو فرَش لـك علـى السكّـة زهـر
ما انقطع رزقي ولـي فـي السمـا ربٍّ كريـم=ولا يضيق بي الفضا ولي عيون ولـي بصـر
من أقام النـار فـي يابـس العشـب الهشيـم=قـادرٍ أن يخـرج المـاء مـن حصبـا قفـر
كيف نشحذ والسما غيمهـا مـن فـوق دِيـم=عيب والله عيب والشمـس مـا معهـا قمـر
ما يضيم بـن آدمٍ مثـل ضيـم الحـظّ ضيـم=من ردى حظه وهـو مـا بعـد سـار يْعَثُـر
عزّتـي للـي سواتـي علـى وجهـه يهيـم=لا معـه حـظٍ يعيـنـه ولا عـنـده ظـهَـر
قلـت مـا لا قالـه العـود (لقمـان الحكيـم)=بالشعر .. بسّ أنّ حظي صفق بي فـي حجَـر
وغيري اليا قال كلمـة ولـو هـي حلـم نيـم=اكتبوا لـه مـن عظيـم الثنـاء مْيَـةْ سطـر
ورغم هـذا مـا تشائمـت والحـادث جسيـم=في رجـا نصـرٍ مـن الله ولا غيـره نصـر
من (خميس مشيط) ثمْ من (تبوكٍ) في (القصيم)=يـا كثـر مـا طـال ليلـي عليّـه يـا كثـر
غربةٍ تحت السمـا .. غربـةٍ تحـت الأديـم=غربتيـن مــا لابــن آدمٍ منـهـا مـفـر
ما نوفّـي ربـع معـروف عـارف يـا مقيـم=خلّ عاد إني اجحده !! والوفـا عـوده خضـر
قد حفظنا حقّ جربـوع فـي العصـر القديـم=فكيف ما نحفظ لـذي الحـقّ حقّـه يـا بشـر
ديننـا فـي صْحِيبنـا ذلـك الديـن القـويـم=ما نجي مع غِرّتـه يـوم ولـد الـلاش غِـر
ربّنـا لأهـل الوفـا حطّـنـا جـنّـة نعـيـم=وللردى واهـل الـردى حطّنـا مـوتٍ حمـر
بسمـك اللهم ذي الطَـوْل رحـمـنٍ رحـيـم=لا تخيـب واحـدٍ طـقّ لـك بإيـده صــدر
طالبـك يالله فـي كــلّ شيـطـانٍ رجـيـم=منـه لا تبقـي عليـهـا جـنـود ولا تَــذَر
يالله انـك لا تخلّـي علـى الدنـيـا ذمـيـم=ويالله أنـك تلعـن اللـي إلـى قفّـى غــدر
يـا مقيـم اليـا اجتمعنـا نديـمٍ مـع نـديـم=مَن بظنـك يربـح .. ومَـن بظنـك بِيْخَسَـر
وجاه من أحيى بِ(غَيْمٍ) ومن أهلـك بِ(غيـم)=غيـر ركعـة تالـي الليـل مـا شـيٍّ يسُـرّ
فـي نهـارٍ ساعتـه مالهـا حــدٍّ و قـيْـم=لا انتصب منها صـراطٍ علـى حفـرة سقَـر
لا نجى سـاق السليـم وزلَـق سـاق الأثيـم=يـا جنـانٍ خضـر يـا ذات ألـواح ودُسُـر

 

 

 

 

[معلومات العضو ابو زيد الغييثي]

صح اللسان الشاعر الداهيــة ناصر الفراعنه

ولاهنتي اختي الزين على هذا النقل الموفق

وجزاك الله خير الجزاء


ابو زيد

 

 

 

 

[معلومات العضو السيف دايـم]

المشاركة الأصلية كتبت بواسطة الزين

قصيدهـ للشاعر ناصر الفراعنــــــــــه

ولا تعيـش الرمّـة الا علـى الشـيّ الرميـم=كالطيور اللـي علـى اشكالهـا توقّـع حـدر
النوَر تشبه بعَـض والطبايـع (سيـم سيـم)=ولـو تغيّـر اسمهـم .. النـوَر تبقـى نـوَر
احمد الله ضربتي مـا تجـي الا فـي الصميـم=وكلمتـي وحـده ولكنّهـا تـسـوى عـشـر
الحليم اليـا سمـع هرجـةٍ جـت مـن لئيـم=ابتسم .. وشلون أجل لا سمعها مـن بـزر!!
انتبه تزعـل . تـرى أسعـد أيـام الخصيـم=يوم يلقـى للزعـل فـي وجِـهْ خصمـه أثَـر
قال:سين (انت ابن من في الرجال) وقلت :جيم=( ابـن مـن لا أنجبـت حُـرّةٍ مثلـه ذَكَـر)
القهر مـا هـوب هـذا .. ابـك والله العظيـم=ما مثل قهر الرجُـل مـن بنـي عمـه قهـر
كـم ولـدٍ عـمٍّ لـو آجيـه ظميـانٍ سقـيـم=مـا سقانـي شَرْبَـه ولـو ترجّيتـه شـهـر
ما يضيم بـن آدمٍ مثـل ضيـم الحـظّ ضيـم=من ردى حظه وهـو مـا بعـد سـار يْعَثُـر
عزّتـي للـي سواتـي علـى وجهـه يهيـم=لا معـه حـظٍ يعيـنـه ولا عـنـده ظـهَـر
من (خميس مشيط) ثمْ من (تبوكٍ) في (القصيم)=يـا كثـر مـا طـال ليلـي عليّـه يـا كثـر
ربّنـا لأهـل الوفـا حطّـنـا جـنّـة نعـيـم=وللردى واهـل الـردى حطّنـا مـوتٍ حمـر

الزين


للابداع حضور طاغي عندما تخطه بأناملك
وللأبيات آثر عندما تُخط بقلمك المميز
و للقراءة متعة عندما تكون بهذا الصفحه
سلم بنان خطك وفكر إبداعك
تحياتي لك ولقلمك

 

 

 

 

[معلومات العضو الزين]

المشاركة الأصلية كتبت بواسطة ابو زيد الغييثي

صح اللسان الشاعر الداهيــة ناصر الفراعنه

ولاهنتي اختي الزين على هذا النقل الموفق

وجزاك الله خير الجزاء


ابو زيد

ومن قال مايهون وبيض الله وجهك يابن غيااااث علي المرور الطيب

 

 

 

 

[معلومات العضو شافي القويسي المخاريم]

شااااااااااااااااعر الملياااااااااااااااااااار


مافيه كلام



لاهنتي الزين على التميز الراقي



تحيااااااااااااتي

 

 

 

 

[معلومات العضو فرحان فهد ال فرحان]

احمـد الله ضربتـي مـا تجـي الا فــي الصمـيـم=وكلـمـتـي وحـــده ولكـنّـهـا تـســوى عـشــر
قلـت:وسّـع خـاطــرك خـابــرك دايـــم حـلـيـم=مــــا تــهــزّك كـلـمــةٍ جـابـهــا وجـــــهٍ ودر
الحلـيـم الـيـا سـمـع هـرجـةٍ جــت مــن لـئـيـم=ابتسـم .. وشلـون أجـل لا سمعهـا مـن بـزر!!
انتبـه تـزعـل . تــرى أسـعـد أيــام الخصـيـم=يـوم يلـقـى للـزعـل فــي وجِــهْ خصـمـه أثَــر

الحقيقه ابداع هالمشاركه والله صدق ناصر فيها ولاهنت وبيض الله وجهك
والله اعجبتني هالمقطوعه منها واستسمحك ان اضعها في توقيعي

 

 

 

 

[معلومات العضو الزين]

المشاركة الأصلية كتبت بواسطة السيف دايـم

الزين
للابداع حضور طاغي عندما تخطه بأناملك
وللأبيات آثر عندما تُخط بقلمك المميز
و للقراءة متعة عندما تكون بهذا الصفحه
سلم بنان خطك وفكر إبداعك
تحياتي لك ولقلمك

لاهنت ياالسيف الدايم وبيض الله وجهك علي المرور الطيب

 

 

 

 

[معلومات العضو الزين]

المشاركة الأصلية كتبت بواسطة شافي المخاريم

شااااااااااااااااعر الملياااااااااااااااااااار
مافيه كلام
لاهنتي الزين على التميز الراقي
تحيااااااااااااتي

ومن قال مايهون وبيض الله وجهك ياخوي علي المرور الطيب

 

 

 

 

[معلومات العضو الزين]

المشاركة الأصلية كتبت بواسطة فرحان فهد ال فرحان

احمـد الله ضربتـي مـا تجـي الا فــي الصمـيـم=وكلـمـتـي وحـــده ولكـنّـهـا تـســوى عـشــر
قلـت:وسّـع خـاطــرك خـابــرك دايـــم حـلـيـم=مــــا تــهــزّك كـلـمــةٍ جـابـهــا وجـــــهٍ ودر
الحلـيـم الـيـا سـمـع هـرجـةٍ جــت مــن لـئـيـم=ابتسـم .. وشلـون أجـل لا سمعهـا مـن بـزر!!
انتبـه تـزعـل . تــرى أسـعـد أيــام الخصـيـم=يـوم يلـقـى للـزعـل فــي وجِــهْ خصـمـه أثَــر

الحقيقه ابداع هالمشاركه والله صدق ناصر فيها ولاهنت وبيض الله وجهك
والله اعجبتني هالمقطوعه منها واستسمحك ان اضعها في توقيعي

ومن قال مايهون ياخوي وبيض الله وجهك علي المرور الطيب

واقتباس رائع للابيات وما يحتاج سواء لك ولغيرك اي شخص يعجبه شيء من مواضيع

الزين له الحريه بالاقتباس او النقل