عد نكاون اهله ما عاد يردونه

[معلومات العضو يحيى الودعاني]

بسم الله الرحمن الرحيم


( عد نكاون اهله ما عاد يردونه )


للشيخ شيبان بن قويد قصيدة يقول فيها :

يا مرحبا جاتنا الضالع و راعيها = بالغايب اللي لفانا عند مظنونه
يحلب لبنها لمن هو مشفي فيها = للضيف ولا رفيقٍ جا بمعونه
كسب لنا من العدو ما نيب شاريها = يوم الردي ما يشوف القوم بعيونه
لاما التوينا على البل ما نخليها = عسرٍ فككها يكون أحد يصيبونه
رحنا بها عقب هوش خشرات فيها = هذا يحول و الآخر طارت جنونه
ما جاتنا كون غصب عند تاليها = ضرب يشوق النشاما اللي يحضرونه
الضفر ياخذ قريعة من نواديها = و اللاش لامن بغى شي قصر دونه
اللاش نفسه على الدنيا يمنيها = و الناس لا عينو فعل يطرونه
ياما قطعنا الظوامي من مظاميها = عدٍ نكاون اهله ما عاد يردونه
كم سابقٍ قد عثرناها براعيها = بغوه ربعه و عيينا يشيلونه
اللي غزا يمنا جعله فداويها = يبشر بشلفا من الحدين مسنونه
ترعى صخاف الشول بزين مفاليها = نرعى بها القفر عن اللي يخلونه

***

رياض
من الأدب الشعبي

جمع و تأليف
مبارك بن سيف بن غالب آل حميد الدوسري

 

 

 

 

[معلومات العضو نايف الخييلي]

اخوي يحيى الودعاني ,, تسلم يمينك على هالقصيده الحماسيه للشيخ شيبان ابن قويد الله يرحمه ,, سجل إعجابي بمواضيعك المميزه

 

 

 

 

[معلومات العضو مبارك الخييلي]

ونعم(ن) بك وبالشاعر الرائع مبارك



صح ألسانك وصح ألسان الأمير


وجعل يمينك سالمة على مانقلت لنا من أبداع


تقبل شكري والتقدير

 

 

 

 

[معلومات العضو يحيى الودعاني]

حياك الله اخوي نايف

 

 

 

 

[معلومات العضو يحيى الودعاني]

حياك الله اخوي مبارك

 

 

 

 

[معلومات العضو شافي القويسي المخاريم]

بيض الله وجهك على ما قدمته



اشكرك جزيل الشكر و تقبل تحياتي...

 

 

 

 

[معلومات العضو ابو زابن المسعري]

الله يرحم الامير الفارس البطل شيبان بن قويد ويسكنه الجنه ولاهنت يايحيى على النقل وبيض الله وجهك

 

 

 

 

[معلومات العضو يحيى الودعاني]

حياك الله اخوي شافي المخاريم

و وجهك القرم

 

 

 

 

[معلومات العضو يحيى الودعاني]

حياك الله اخوي ابو زابن


و وجهك يالقرم