يوم طشّيت الشماغ وصحت للهاجوس /للشاعر ناصر الفراعنة

[معلومات العضو ابن محمد الودعاني]

هذه القصيدة المشهورة والتي ترددت على مسامع الكثير للشاعر ناصر الفراعنة السبيعي اضعها بين ايديكم واترككم مع المناسبة والقصيدة بلسان الشاعر .


(بسم الله الرحمن الرحيم
والصلاة والسلام على اشرف الأنبياء والمرسلين
سيدنا ونبينا محمد وعلى آله وصحبه وسلم تسليما كثيرا

هذه قصيدتي التي القيتها امام صاحب السمو الملكي
الأمير والفريق اول:ركن :خالد بن سلطان بن عبد العزيز حفظه الله
بعد انتهاء المشروع العسكري في المنطقة الشمالية الغربية
وقد قلتها بالنيابة عن صاحب السمو الملكي
الأمير:فهد بن سلطان بن عبد العزيز .حفظه الله
امير منطقة تبوك
وكذلك نيابة عن قائد المنطقة الشمالية الغربية
اللواء ركن :عبدالرحمن بن عبدالله المرشد
وكذلك نيابة عن جميع القوات المسلحة
ونظرا لطلبات بعض الأعضاء ..قررت ان اطرحها
وللمعلومية :نظام القصيدة هو نظام اقصد عليه دائما
والسطر كاملا عبارة عن شطر بيت
هذا واتمنى أن تنال بعضا من رضاكم واستحسانكم)

الله اكبر والله اكبر والله اكبر والله اكبر كل ما اقبل مزن وادبر ما سرى برق ولاح=والله اكبر والله اكبر والله اكبر والله اكبر ربنا ماغيره اكبر رب موسى والمسيح
محصي ما قد حبا منا وما منا دبا منزل سبا منزل تبارك والنبا مُجري الرياح=جاعل الأرضَ كفاتا جاعل الليلَ سباتا منزل ماءً فراتا مرسل بالريح ريح
يوم طشّيت الشماغ وصحت للهاجوس والهاجوس للهاجوس ابو منكوس يا منكوس صاح=ما تقول الا انْ وسط اذني مزامير الف عفريت من الجنْ ساعة الصفرة مع الصفرة تصيح
يا قلم هلّل وكبّر لحظتين ثم تعبّر في الورق حبّر وعبّر فاح فوحي فاح فاح=يا قلم نبغى المعاني بيض كالبيض الغواني يا قلم خذ من لساني لست بالمعنى شحيح
لي لسان لا بغى نظم القصايد ما لغى يقعد صغا من له صغا فنجال قافه يوم ساح=كل قاف في الحشا مد الرشا ادلى بدلوه بين واجب مستعد وبين واجب مستريح
بسم فهد سيّدي فهد الفهود الصيهدي شبل الأسود النُجّّدي فهد بن سلطان الجماح=بسم قائد منطقتنا المجتهد في كل ما يثري البلد يا مرحبا يا ريح ريحان وشيح
ارحب ارحب وارحب ارحب يالأمير اي والله ان ترحب وترحب رحبة ماها قراح في قراح=عدّ من غرّد وغنّى عدّ من شيّد وبنّى عدّ ما منّا ومنّا عدّ كل صوح وصيح
مرحبا ياخالد الخالد سليل أئمّة المجد الخوالد لك بسطنا كلّ راح جنب راح=مرحبا بك يا سليل ملوك نجد اهل الشرف والمجد من ذروة هل العوجا معطّرة الصفيح
في ذرى دار قرار شادها عبد العزيز الحرّ من وكر الحرار مْروّية شهب الرماح=ما حكمها من فراغ الا عقب حذف الشماغ وضرب سيف في الدماغ مصوّبه عدّه ذبيح
دار ابو تركي حفيد الأكرمين اللي حكمها باليمين وكلّ رجل باليمين أشقر جناح=ما حكها ابن الملوك الا عقب ممشى بشوك وشلّ ابوك وحطّ ابوك وكلْ نطيح له نطيح
دار ردّاد البرى رجع الثرى نجع الذرى ليث الشرى بدر السرى رجم القرى ضافي الوشاح=دار هدّاج الصخا سعد الرفيق اليا انتخى ستر المزيّن لأرتخى عنها الستر حبس الطريح
يوم زام الزار والبندق دخنها ثار منها ثار يا ستّار نار ونار والضمّر تداحّ=يوم زرقات السهوم وشوم حانية الوشوم القانية خمس الرقوم وكلْ نزيح له نزيح
من شجرة للرفيق وللصديق الما قراح وللعدو من حضر والا من بدو سمّ ذحاح=شجرة آل سعود اهل الجود بالماجود لطّامة شباة العود يوم الخيل بآهلها طفيح
إن ركب بنت الحصان تقول ليث وان قصر مدّ الزمان تقول غيث عان برقه لاح لاح=بالمعجّل والمؤجّل هم هل المجد المبجّل حبر ماضيه المسجّل دمّ كلْ قرم جريح
الولد خالد وسلطان هو الوالد ونعم بالولد والنعم بالوالد جبال ما تزاح=والدك سلطان سلطان الصخا وقت القسا وقت الرخا سقم العدا قصر الندى الرحب الفسيح
ذلك الحرّ الأبيّ الوائليّ اليعربيّ الحاتميّ المرحبيْ لا في غدوّ ولا رواح=هوّ ابونا وهوّ اخونا عزّنا عزّه وعزّه عزّنا بالجود كلّ اسم إلى جاء اسمه يطيح
ايه ابو خالد ولا ياطيب طيبه من ولد مثله فلا مثله ولد لا في البياح ولا الفياح=صيرميّ صمصمي مفراص ماص به خلاص اليا صبخ وبل الرصاص بكلّ سيح وكلّ ضيح
سلّح القوّات بأحدث معطيات العصر واستبشر بمجهوده حمام النصر في عصره وناح=بالسفن ذات الرؤوس وبالحفن ذات التروس وكلّ أسطول ضروس لا يزاح ألا يزيح
بالمدافع والدروع وكلّ كوع جنب كوع بكلّ دبّابة تروع بكلّ ترسانة سلاح=زوّده بالنافثات العابرات وبالأيادي الماهرات آلين كلّ بات في بيته مريح
اولده خالد عضيده قاضب بأيده وجيده أشهد ان خالد وليده والعمل سر النجاح=صاحب الرأي المحنّك لا هفى غيره وتنّك طيب طيبه خلّ عنّك كل سيح ما يسيح
تحت بيرقهم تعسكرنا ودسكرنا من ايمنّّا لأيسرناجنود للكفاح=مثل ما ساروا تحته اجدادنا واقولها وبكلْ صراحة والصراحة مبدأ الرجل الصريح
كلمة ابديتها نيابة عن سيّدي نبراس عيني وسعدي والعذر منكم والسماح=بالنيابة عن فهد طير السعد ستر البلد علم صحيح الا صحيح ولا يصحّ الا الصحيح

 

 

 

 

[معلومات العضو ابو زابن المسعري]

الاخ العزيز
ابن محمد الودعاني

اشكرك جزيل الشكر على نقل قصيده الشاعر الداهيه ناصر الفراعنه
وانا اشهد انه شاعر مافي الحكي فايده

 

 

 

 

[معلومات العضو ابن محمد الودعاني]

ياهلا ومسهلابك يابو زابن وشرفني مرورك

انا اشهد انه شاعر ولاهوب اي شاعر

 

 

 

 

[معلومات العضو أبونواف الدوسري]

الأخ ابن محمد الودعاني

مبارك عليك الشهر

لا هنت علي نقل هذه القصيده

وصح لسان الشاعر ناصر الفراعنه ..

تقبل الله طاعتك

 

 

 

 

[معلومات العضو ابن محمد الودعاني]

المشاركة الأصلية كتبت بواسطة أبونواف الدوسري

الأخ ابن محمد الودعاني

مبارك عليك الشهر

لا هنت علي نقل هذه القصيده

وصح لسان الشاعر ناصر الفراعنه ..

تقبل الله طاعتك

ارررحب يابو نواف

وسرني مرورك يالغالي

والله لايهينك وشرفتني بردك الشامخ

والشهر علينا وعليك يتبارك والله يبارك فيك

 

 

 

 

[معلومات العضو ابومبارك الدوسري]

صح لسانك اخوي ابن محمد وصح لسان شاعرها

تسلم على القصيدهـ

تقبل مروري

تحياتي..؛

 

 

 

 

[معلومات العضو بنت الاشراف]

وسمعت ان الشاعر ..ناصر فراعنه من الاشعراء الذين اوجيزوا في الجزء الثاني من مسابقة شاعر المليون.. مشكور على نقل وصح لسان قائلها...

 

 

 

 

[معلومات العضو نايف الخييلي]

هذا والله مصيبه في الشعر مهوب شعراء المجلات والفضائيات



إخترت فأبدعت فالاختيار يابن محمــد فالله يعافيــكـ على إمتاعنا بهالقصيده يالغالي


كل الشكر والتقدير لك

 

 

 

 

[معلومات العضو ابن محمد الودعاني]

المشاركة الأصلية كتبت بواسطة ابومبارك الدوسري

صح لسانك اخوي ابن محمد وصح لسان شاعرها

تسلم على القصيدهـ

تقبل مروري

تحياتي..؛

هلابك يابو مبارك

وصح الله بدنك

والله يسلمك من كل شر

وشرفتني بمرورك يالغالي

 

 

 

 

[معلومات العضو ابن محمد الودعاني]

المشاركة الأصلية كتبت بواسطة بنت الاشراف

هلابك يابنت الاشراف

ومشكورة على المرور

 

 

 

 

[معلومات العضو ابن محمد الودعاني]

المشاركة الأصلية كتبت بواسطة نايف الخييلي

هذا والله مصيبه في الشعر مهوب شعراء المجلات والفضائيات



إخترت فأبدعت فالاختيار يابن محمــد فالله يعافيــكـ على إمتاعنا بهالقصيده يالغالي


كل الشكر والتقدير لك

ارحب يانايف الخييلي

وشرفتني بمرورك يالغالي

والله لايهينك